Yohana 4:10 - KITABU KITAKATIFU

¹⁰ Yeso yamutivulira, “Niiva wakamanyi kihanwa cha Nyasaye ahaanaa na nivwaha okoteeva, ‘Mbe ku amazi nwi,’ ngano wakamuteevi naye alakuha amazi gi livamwoyo.”

Yohana 4:10 Iomraidhean Croise

Zaburi 10:17

O, Yahova, ivi uhuliraa lisaala lia yavo avaveeye vahocha; ivi ulavadinyiriza.

Zaburi 46:4

Haveeye numugera ogoleetaa uvusangari mu lidaala linene lia Nyasaye, ku inyumba indakatifu ya Nyasaye oveeye igulu ligali.

Kutwula 17:6

Inzi ndasingira imbiri woovo ku lwanda ha Kiguru cha Sinai. Uduyi kulwanda zana, na amazi galasinuka kulwo ma avandu vanwi.” Musa yakola ndio imbiri wa aviimiliri va Isiraeli.

Lwimbu lwa Solomoni 4:15

Oveeye kuli mulimi gwi kisinukiru chi kidaho cha mazi; gi livamwoyo gitulululukaa kutura mu vigulu via Lebanoni.

Isaya 12:3

Kuli amazi makindu galetaa uvusangari ku yavo avuvuluhu, nindio avandu va Nyasaye vasangala lwa avahonyiaa.”

Isaya 35:6

Mundu mulema alatumatuma kuli kisusu, kandi yavo avaveeye zidimbidi, zinimi ziavo zilimba nukusangara. Amazi galasinuka mwigendanyama, kandi togera twa mazi tulituruka kuvitira mu changarangwi.

Isaya 42:6

“Inzi Yahova, mali kumulanga kandi mali kumuha uvunyali. Kolola ndi, likalaga liu vulungi likolangwa ku lirova. Ndalomba lilagana liange na ivi kulwa vandu vosi, kandi ndaleta uvulavu ku zihiiri ziosi.

Isaya 43:20

Kali zinyama ziumbulimu zilamba uluyali; ivivwi na mavudu vilanzizominya, lwa ngola migera kuvitira mu changalangwi ukuhaana mazi ku avandu vange vatovole.

Isaya 44:3

“Ndahaana mazi ku yavo avaveeye nuvuluhu. Kandi ndakora migera ja mazi kogenda ku kivala chumu. Ndahaana Roho wange ku vana vovo, kandi ndahaana uvugasu vwange ku visukululwi vivio.

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 2:13

kigira avandu vange vamali kokora uvwoni vuviri. Vamali kugirung'ana kutura ku inzi, oveeye kisinukiru cha amazi gi livamwoyo, kandi vamali kuyava amadavalia gaavo, amadavalia gafuduka kali agatanyala kugumira amazi.

Ezekieli 16:35

Kunangwa munyi avandu vataveeye avasuuvirifu, muhuliri likuva lia Yahova!

Zekaria 13:1

Yahova Wuvunyali avoora, “Lwi ing'inga yeyo iduuka, Kisenukiru kilakunulwa nu kutakasa visukululwi via Daudi harara na vandu va Jerusalemi kutura ku vwoni vwavo kandi kusigamira vifananyi.

Zekaria 14:8

Lwi lidiku yili liliduuka, mazi gilivamwoyo galakituruki kutura Jerusalemi, inusu yago galakazie mu inyanza yi jumbi, na inusu yindi galakazie mu inyanza ya Meditareniani. Amazi yaga galakituruki muhiga gwosi mu ing'inga yi kemeyu kandi mu ing'inga yi mbula.

Luka 11:13

Munyi kali niiva muveeye avadamanu, mwamanya kuha avana vinyu vihaanwa vilahi, nasindi Baba winyu oveeye mwigulu, alamuha kuvita ligali. Alahaana Roho Mutakatifu kuvo avamusaala.”

Yohana 16:3

Valamukolera yaga kigira vakikiri kumanya.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yohana 6:35

Yeso yavavolera, “Inzi niye mugadi gwi livamwoyo. Uyu uza ku inzi sialiva ninzara mba. Uyu usuviraa inzi sialiva nu vuluhu mba.

Yohana 6:51

Inzi mbeeye mugadi goveeye mwoyo, ugwatula mwigulu. Mundu ku vosi nalia mugadi yigu, alava ni livamwoyo litahera mba. Mugadi gwa ndihaana kigira livamwoyo lia avumukivala goveeye muviri gwange, ugwa mbana kigira livamwoyo lia avumukivala.”

Vikolwa 9:11

Mwami yamuvolera, “Singira, uzie kunzira ilangwa Inzira Inungi, na munyumba ya Yuda, oteeve mundu mulala kutura Tariso, ulangwa Saolo. Kalunu ndi asaalaa;

Varumi 8:32

Nyasaye siyigalira Mwana weve mwene muderwa, navuzwa yamuhaana kuli kisiuviriru kigira kunyi kwosi. Niiva yakola ndio, sialakuha ivindu viosi harara naye?

1 Vakorintho 1:30

Nyasaye aveeye uvutangiliru vwi livamwoyo lienyu mu Kristo Yeso; wa yakola kuva ovogeri vwitu, uvulungi vwitu, uvutakase vwitu, kandi ovohonyi vwitu.

1 Vakorintho 10:4

kandi vosi vanwa chukunwa kilala chere cha roho. Vanwa ku lwanda lwa roho lwazia harara navo; ulwanda yilwo lwali Kristo mwene.

2 Vakorintho 9:15

Gendi kusandizi Nyasaye kigira kihaanwa chiche kitaveeye ne kegero.

Vafeso 2:8

Gaveeye ku zimbavasi zia Nyasaye, munyi mumali kohonywa kuvitira mu lisuuvira, kandi yaga sigaveeye kigira mativuli gi zinguru zienyu mba, navuzwa keveeye kihanwa cha Nyasaye.

Vahebraina 6:4

Ni vudinyu kwilanyia vandu viganira mu lieganira kandi, vandu vamala kumanya vulavu vwa Nyasaye, kandi vamala konyoora kihanwa chu mwigulu. Yava ni vandu vamala konyoora Roho Mutakatifu.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

Likunula 21:6

Yambolera, “Gakoleywi! Inzi mbeeye Alufa na Omega, Litanga ne Keheri. Inzi ndaha uyu oveeye nuvuluhu ikisinukiruchaamazi gi livamwoyo, anwi vugira imituungu.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”