Yohana 3:6 - KITABU KITAKATIFU

⁶ Chu muviri gwivulaa nichumuviri ni charoho yivulaa ni cha Roho.

Yohana 3:6 Iomraidhean Croise

Litanga 5:3

Lwa Adamu yaali ni mihiga 130, yanyoora mwana muyaayi uwamufwana, kandi yamugulika lieta Sezu.

Litanga 6:12

Nyasaye yahenza ku lirova nalora ndi liali lidamanu, kigira avandu vosi vamenya mu likora vudamanu.

Litanga 6:5

Lwa Yahova yalora kuli vuli umundu yaali muchamu ku lirova kandi kuli zing'anagani ziavo ziali zindamanu vuli ing'inga,

Ayubu 14:4

Aveeye ho nu mundu unyala kutuliza kindu kilahi kutura mu kindu kidamanu? Siaveeye ho mba.

Ayubu 25:4

Mundu anyala kuva ndi mulungi imbiri wa Nyasaye? Mundu wumukali yivula anyala ndi kuva mulahi?

Zaburi 51:10

O, Nyasaye, onombere mwoyo munifu, Uviiki mu inzi roho muhia kandi musuuvirifu.

Yohana 1:13

Yava sivaveeye avana va Nyasaye ku liivulwa lia masahi, anoho kuzingulu ziu muviri, anoho kuvulaliri vwa avandu, navuzwa ku vulaliri vwa Nyasaye.

Yohana 3:7

Utagenya kigira ngovoleeye ndi gakuduukiraa wivulwi kaviri,

Varumi 7:18

Inzi manyi ndi uvulahi sivomenyaa mu inzi mba, iliveeye kovora, mbeeye mu liiva liu muviri. Kali nimba ningayilwa kokora amalahi, sinyalizaa kokora ndio mba.

Varumi 7:25

Lisandiza liveeye ku Nyasaye, kuvitira mu Yeso Kristo Mwami wiitu! Kunangwa yili nilio liiva liange: Inzi nyara kutumikira Lilaga lia Nyasaye mu zing'anagani ziange, navuzwa mu liiva liu muviri gwange, ndumikiraa Lilaga liu vwoni.

Varumi 7:5

Lwa kwamenya kolondekana ni liiva liakale liang'odwa mu Lilaga mba, navuzwa mu liiva lietu liu muviri, likayirwa lietu liu vwoni, ilialeetwa ni Lilaga, liakora miyinzi mu miviri jietu, ma nilikoleetera ilikuza.

Varumi 8:13

Nimuva nimumenya kolondekana ni liiva lienyu liu muviri, mulakuza; navuzwa niiva mu Roho, muliita vikolwa vienyu viu vwoni, mulava mwoyo.

1 Vakorintho 6:17

Navuzwa oyo wihambanyia umwene ku Mwami aveeye mulala mu Roho naye.

2 Vakorintho 5:17

Lwu mundu woosi, aveeye mu Kristo, aveeye ekelombe ikihia. Henza ivindu viosi via kale vimali kuvita. Na viosi vigwiyi vihia.

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Vakolosai 2:11

Mulihambanywa na kristo, mu mali kukeverwa mu nilikevwa litaveeye lia makono, navuzwa ni likevwa lia Kristo, liveeye livoholore kutura kuzinguru ziu vwoni.

1 Yohana 3:9

Mundu woosi oveeye Mwana wa Nyasaye, sianyala kuzizagilira kokora uvwoni mba, kigira liiva lia Nyasaye limenya muye; kandi sianyala kokora uvwoni mba, kigira aveeye mwana wa Nyasaye.