Yohana 3:28 - KITABU KITAKATIFU

²⁸ Munyi aveene muveeye avalolekizi vange ku aga ndavoora ndi, ‘Inzi simbeeye Mesia, navuzwa ndatumwa na Nyasaye kwimilira imbiri weve!’

Yohana 3:28 Iomraidhean Croise

Malaki 3:1

Yahova Wuvunyali yativura navoora, “Ndakatumi mutumwa wange konombera inzira. Maku Mwami wa mulindiliraa alakaze mu Litembeli lilie vwangu lwa mutamanyi; mutumwa wa mwegomba kolola alakaze kulandiza lilago liange.”

Matayo 3:3

Yohana uyu niyie wu muporofeti Isaya yamoloma amakuva geege na avoora, “Umwoyo gwu Mundu guhanzukaa mwigendanyama: ‘Mulombe inzira yu Mwami, mulungikizi mihanda jije.’ ”

Luka 1:76

“Ivi, mwana wange, ulalangwa muporofeti wa Nyasaye Oveeye igulu Ligali. Ulazia imbiri wu Mwami kumulombera zinzira zizie.

Yohana 1:20

Yohana siyasuura kuvativulira, navuzwa yiyama havulavu navoora, “Inzi simbeeye Mesia mba.”

Yohana 1:23

Yohana yavativulira, “Inzi niyie wu muporofeti Isaya yavoola amakuva geege: ‘Mwoyo gwu mundu guhanzukaa mwigendanyama; Lungikizi inzira yu Mwami.’ ”

Yohana 1:25

Maku, vateva Yohana, “Niiva ivi sioveeye Mesia kinga Elija, anoho muporofeti, kigira ki ubatizaa?”

Yohana 1:27

Oyo yazaa inyima wange, navuzwa inzi sindukani kali kovoholora migoye ji vilatu vivie mba.”