Yohana 3:18 - KITABU KITAKATIFU

¹⁸ Uyu usuviraa Mwana si alakalagirwa; navuzwa yavo vatamusuuvira vamali kukalagirwa, kigira si vasuuvira Mwana muderwa wa Nyasaye mba.

Yohana 3:18 Iomraidhean Croise

Marko 16:16

Ku vosi usuviraa na abatizwi alahonywa. Ku vosi uvula kusuuvira, alakalagirwa.

Yohana 1:12

Navuzwa ku yavo vosi avamuvugilira kandi avaasuuvira muye, yavaha uvunyali kuva avana va Nyasaye.

Yohana 1:18

Siaveeyeho nu mundu kali mulala uwalola Nyasaye mba. Mwana muderwa wa Nyasaye yeng'ine, oveeye ku kiritu cha Baba, umali kumuvuura.

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Yohana 3:36

Uyu usuviraa Mwana wa Nyasaye, aveeye ni livamwoyo litahera mba. Navuzwa uyu utatiza Mwana wa Nyasaye, sialilola livamwoyo kigira amaduywa ga Nyasaye galamenya kuye.

Yohana 5:24

“Agiligali muvooleraa, uhulira likuva liange, nukusuuvira mu uyu uwanduma aveeye ni livamwoyo litahera mba. Sialikalagirwa mba, navuzwa umali kuvita kutura mulikuza nu kwingira mu livamwoyo.

Yohana 6:40

Icha Baba wange yenya keveeye ndi, vosi avalolaa Mwana na vaduuki kumusuuvira valava ni livamwoyo litahera mba. Kandi inzi ndavasimugukiza kandi ku lidiku liu kumaliriza.”

Yohana 6:47

Muvooleraa agiligali, uyu usuviraa, aveeye ni livamwoyo litahera mba.

Varumi 5:1

Kunangwa kumali kokolwa avalungi imbiri wa Nyasaye kuvitira mu lisuuvira, koveeye ni mirembe na Nyasaye kuvitira mu Mwami wiitu Yeso Kristo.

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

Varumi 8:34

Nivwaha ulikalaga? Ni Kristo Yeso wakuza yee, wasimugukizwa kutura mu vakuzu, oveeye ha mukono mulungi gwa Nyasaye, ukusaaliraa?

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

Vahebraina 3:19

Kunangwa kolola ndi, sivali vanyara kwingira mu kivala cha valagwa mba, kigira livula kusuuvira.

1 Yohana 3:23

Yili ni lilaga lilie, kusuuviri mu mwana weve Yeso Kristo, kandi kuyaanzane aveene na vene kuli yakuha munwa.

1 Yohana 4:9

Nyasaye yamanyia uvuyanzi vwivwe ku kunyi, kigira yatuma mwana weve muderwa mu kivala, kunyi kuduuki kuva mwoyo muye.

1 Yohana 5:10

Mundu woosi usuviraa mu mwana wa Nyasaye aveeye ni lilolekiza yili mu mwoyo gwigwe. Mundu utasuviraa Nyasaye umali kumukola muvehi, kigira si yasuuvira lilolekiza lia Nyasaye amali kuhaana ku umwana weve mba.

1 Yohana 5:12

Uyu oveeye nu mwana aveeye ni livamwoyo yili; uyu utaveeye nu mwana wa Nyasaye, siaveeye ni livamwoyo yili mba.