Yohana 3:13 - KITABU KITAKATIFU

¹³ Siaveeyeho nu mundu uwaazia kuduuka mwigulu, natali Mwana wa Adamu uwiika kutura mwigulu.”

Yohana 3:13 Iomraidhean Croise

Tsing'ano 30:4

Nivwaha unyala kumanyiriza vogeri vwu mwigulu? Nivwaha wagumira ku vukindu mu makono geege: anoho nivwaha wavohera ku amazi mu zinguvu zizie? Nivwaha walomba keheri choosi chi lirova? Lieta lilie nivwaha kandi lieta liu mwana weve ni vwaha? Mbolera niiva umumanyi!

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”

Matayo 8:20

Yeso yamutivulira, “Vivwi viveeye ni zimbangaywa, na amanyonyi gaveeye ni zinyumba ziago, navuzwa Umwana wa Adamu siaveeye na ahokososera mba.”

Yohana 1:18

Siaveeyeho nu mundu kali mulala uwalola Nyasaye mba. Mwana muderwa wa Nyasaye yeng'ine, oveeye ku kiritu cha Baba, umali kumuvuura.

Yohana 13:3

Yeso yamanya ndi, Baba weve umali kuviika vindu viosi hasi hi zinguru zizie, kandi yamanya ndi yatura ku Nyasaye kandi yirana ku Nyasaye

Yohana 17:5

Baba! Ombe vukumi imbiri woovo kalunu, vukumi vulala vwene vwa ndaali navwo harara niivi lirova nilikikiri kolombwa.

Yohana 3:12

Niiva inze mali kumuvolera ivindu viu mu lirova navuzwa munyi simusuuvira, munyala kusuuvira ndi niiva ndamuvolera ivindu viu mwigulu?

Yohana 3:31

Uyu uza kutura mwigulu aveeye munene kuvita vosi; uyu uza kutura mu kivala aveeye wikivala, kandi amolomaa vindu vie kivala. Navuzwa uyu uzaa kutura mwigulu nu munene kuvita vosi.

Yohana 6:33

Kigira mugadi gwa Nyasaye ahaanaa goveeye uyu uturaa mwigulu kandi uhaana livamwoyo ku avumukivala.”

Yohana 6:38

Kigira inzi sindaaza kutura mwigulu kokora uvulariri vwange, navuzwa kokora uvulariri vwa oyo uwanduma.

Yohana 6:42

kunangwa vavoola, “Uyu siaveeye Yeso mwana wa Josefu, wa baba na mama weve va kunyi kumanyi? Anyala ndi kovora, ‘Mali kwika kutura mwigulu?’ ”

Yohana 6:46

Sihaveeye ho nu mundu uwalola Baba, natali uyu uturaa ku Nyasaye; uyu yenyine yalora Baba.

Yohana 6:51

Inzi mbeeye mugadi goveeye mwoyo, ugwatula mwigulu. Mundu ku vosi nalia mugadi yigu, alava ni livamwoyo litahera mba. Mugadi gwa ndihaana kigira livamwoyo lia avumukivala goveeye muviri gwange, ugwa mbana kigira livamwoyo lia avumukivala.”

Yohana 6:62

Galakave ndi, niiva mulilora Mwana wa Adamu ni yanigira kuzia uwa yaali maziambiri?

Yohana 8:42

Yeso yavavolera, “ Nyasaye alava Baba winyu, ngano mwayinyanza, kigira ndaatula ku Nyasaye na kalunu mbeeye hano. Sindaaza ku vunyali vwange mwene, navuzwa Nyasaye yanduma.

Vikolwa 2:34

Siyaali Daudi mwene uwanigira mwigulu, navuzwa oyo yavoola, ‘Mwami yavolera Mwami wange; Wikale hano ha mukono gwange mulungi,

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Varumi 10:6

Navuzwa ku makuva ga Mang'oda Matakatifu ku likolwa valungi na Nyasaye kuvitira mu lisuuvira, ni yaga: “Oteteeva mu mwoyo gugwo, ‘ Ivwaha ulianigira kuduuka mwigulu?’ Agaveeye kovora, koleta Kristo yaaze hasi.”

1 Vakorintho 15:47

Mundu wu kutanga Adamu yalombwa kutura ku marova, aveeye wa marova; Adamu wa kaviri yatura mwigulu

Vafeso 1:23

iliveeye muviri gwa Kristo, uvudukiru vwa uyu umwene utwekizaa vindu viosi havundu hoosi.

Kwidzulitsa 30:12

Siliveeye igulu mwigulu muluhi muvoore, ‘Nivwaha ukuninira mwigulu akoleetere kandi akwilwaaziri, kunangwa kuduuki kulihulira.’