Yohana 20:26 - KITABU KITAKATIFU

²⁶ Inyima wa madiku munane aviigi yavo vaali kandi harara munyumba, na Tomasi yaali harara navo. Miliango jaali ni jihaniywi. Navuzwa Yeso yaza, nasingira hagati haavo, navoora, “Mirembe ku munyi!”

Yohana 20:26 Iomraidhean Croise

Isaya 26:12

O, Yahova, ulakuha ligasizwa; vindu viosi viakonyoolaa viveeye miyinzi ja makono googo.

Isaya 27:5

Navuzwa niiva avasigu va vandu vange valeenya likingwa kutura ku inzi, leki valombe mirembe ninzi. Yee, leki valombe mirembe ninzi.”

Isaya 54:10

Vigulu vinyala kutura ho, utugulu tunyala kutulizwa ho, navuzwa zimbavasi ziu vuyanzi vwange vutali ne keheri sivulatula ku ivi kali hakuzu mba. Lilagana liange lie mirembe sililatulizwa ho mba.” Inzi Yahova overereraa ivi mali kovora.

Matayo 17:1

Inyima wa madiku sita, Yeso yavugula Petero, Yakobo na amwavo weve Yohana, naavimilira kuzia mu kiguru ikitambi.

Marko 16:14

Lwukumaliriza Yeso yaloleka ku aviigi likomi na mulala lwa vaali nivalizaa. Yaavalemba kigira sivali nilisuvira mba kandi kigira uvudinyu vwi mioyo jaavo. Kigira sivasuuvira yavo avaari nivamuloli lwa yaali namali kusimuguka mba.

Luka 24:36

Lwa vaali nivakevoola yaga, Yeso mwene yasingira hagati haavo navavoolera, “Mirembe ku munyi.”

Luka 9:28

Madiku munane inyima wokovoola makuva yaga, Yeso yavugula Petero, Yohana na Yakobo niyaanigiraa navo mu kiguru kusaala.

Yohana 11:16

Tomasi uwalangwa Malongo yavolera aviigi vache, “Leki kuzie naye kandi, ku na kunyi kukuzi harara naye!”

Yohana 14:27

“Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Yohana 20:19

Lwali hamugorova gwi lidiku lia Jumapili, kandi aviigi vaali nivavugani harara munyumba, viliango nivihaniywi kigira vaatia avanene va Avayuda. Yeso yaza, nasingira hagati haavo, navavoolera, “Mirembe jive ku munyi!”

Yohana 20:21

Yeso yavavolera kandi, “Mirembe jive ku munyi! Kuli Baba yanduma, kandi nainzi nduma munyi.”

Yohana 21:1

Inyima wa yaga, Yeso yaloleka kandi ku aviigi veve ku lujinga lwi inyanza ya Tiberia. Yivuula mwene kuli ndi.

Yohana 21:14

Yilu lwali lwa kavaga Yeso kololeka ku aviigi veve inyima wukusimuguka kutura mu vakuzu.

Vikolwa 1:3

Ku ing'inga ya madiku arubaini inyima wi likuza lilie, Yeso yaloleka haali kanyingi kuvo mwene, kandi mu zinzira zialolekiza ndi ligali aveeye mwoyo inyima wuvusaliri vwivwe. Vamulola, na moloma navo kigira makuva gu Vwami vwa Nyasaye.