Yohana 20:17 - KITABU KITAKATIFU

¹⁷ Yeso yamuvolera, “Utang'umira mba; Ngikiri kwanigira igulu wa Baba. Navuzwa zia ku avamwavo vange uvavoolere, ‘Nzirana ku uyu oveeye Baba wange kandi Baba winyu; Nyasaye wange kandi Nyasaye winyu.’ ”

Yohana 20:17 Iomraidhean Croise

2 Avami 4:29

Elisha yagirung'ana ku Gehazi, navoora, “Kola vwangu! Vugula imbimbu yange na uzie. Utasingira kucheliza mundu woosi wa wagaana naye mba. Na niiva mundu alakucheliza, utavugula ing'inga kutivula mba. Zia vulungi munyumba na uviiki imbimbu yange ku muyaayi zana.”

2 Avami 7:9

Navuzwa ahene yaho vavolerana, “Sigakuduukiraa kove ni kokoraa yaga mba! Koveeye na makuva malahi na sigenyekaa kukiring'ane nago mba. Niiva kulinda kuduuka ni vwakacha ku kugavoole, koveeye na giligali ndi kulahevwa amageri. Genda kuzie vwangu na kovolere vanene vu mwami!”

Zaburi 22:22

Ndavolera avandu vange ivindu via umali kokora; ndakwizominya mu livugana liavo.

Zaburi 43:4

O, Nyasaye; maku ndanzia ku vwali vuvwo, O, Nyasaye; ivi oveeye uvutangiliru vwu vuyanzi vwange. Ndakuba uvukana vwange nukwimba zinyimbu ziukwizominya ivi, O, Yahova, Nyasaye wange.

Zaburi 48:14

“Nyasaye uyu aveeye Nyasaye wiitu mihiga ni mihiga; alakwimilira ku zing'inga ziosi izizaa.”

Zaburi 68:18

Yanigiraa igulu mwigulu navugura avahambe va yalaanya vanyingi harara naye, avugulaa vihaanwa kali kutura ku vibaali. Yahova Nyasaye alamenya ho.

Zaburi 89:26

Naye alanira ku inzi nokovoora, ‘Ivi oveeye baba wange kandi Nyasaye wange; Ivi oveeye mukingi wange kandi muhonyi wange.’

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 32:38

Maku, valava avandu vange, na inzi ndava Nyasaye wavo.

Ezekieli 36:28

Maku mulakamenye mu kivala cha ndahaana ku vaguuga vinyu. Mulakave vandu vange na Inzi ndakave Nyasaye winyu.

Ezekieli 37:27

Inzi ndakamenyeyo navo. Inzi nambe Nyasaye wavo, kandi valakave avandu vange.

Matayo 12:50

Ku vosi okolaa uvulariri vwa Baba wange oveeye mwigulu, uyu niyie amwavo wange kandi mbozo wange, kandi mama wange.”

Matayo 25:40

Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Matayo 28:7

Kalunu, muzie vwangu muvoolere aviigi veve, ‘Usimugukiziywi kutura mu likuza, na kalunu yimiraa imbiri winyu kuzia Galilaya; mulamulola uwene yeyo!’ Mwizurizi aga inzi mali kumuvolera.”

Marko 12:26

Na kigira amakuva gi lisimuguka lia vakuzu: mukikiri kosoma mu kitabu cha Musa mu zimbaso zivoolaa amakuva gi kisaka ichaduka umuliru? Kuli Nyasaye yamoloma na Musa namuvolera, ‘Inzi ni Nyasaye wa Aburahamu, Nyasaye wa Isaka na Nyasaye wa Yakobo?’

Marko 16:19

Lwu, Mwami Yeso yaali niyakamoloma navo, yavugurwa kuzia mwigulu, ni yikala ha mukono mulungi gwa Nyasaye.

Luka 10:4

Mutavugula kebeti, anoho mabese anoho musigo, anoho vilato mba. Kandi mutachelizi mundu kali mulala kunzira mba.

Yohana 13:1

Liali lidiku lilala lisavo lie Lipasaka nilikikiri kuduuka, Yeso yamanya ndi ing'inga yeeye yokutula mu kivala yiki nu kuzia ku Baba weve iduuki. Yaali ni yayanza avandu veve kazozo, avaveeye mu kivala; yee, yavamanyia ndi yavayanza kuduuka ku keheri.

Yohana 13:3

Yeso yamanya ndi, Baba weve umali kuviika vindu viosi hasi hi zinguru zizie, kandi yamanya ndi yatura ku Nyasaye kandi yirana ku Nyasaye

Yohana 14:2

Munyumba mwa Baba wange, muveeye novomenyo vunyingi. Nigataveeye ndio, ngano sindamuvolera, nziza kumulombera ovogono mba.

Yohana 14:28

Munyi mwahulira lwa ndaamuvolera, ‘Nziza, navuzwa ndirana ku munyi kandi.’ Mulava nimwanyaanza, ngano mwakasangaye kigira nziza ku Baba; kigira aveeye munene ligali kuvita inzi.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 16:28

inzi ndaatula ku Baba, kandi mali kuuza mu kivala; kandi kalunu ndekaa kivala kandi nziza ku Baba.”

Yohana 17:11

Kalunu inzi nziza ku ivi; Simbeeye kandi mu kivala mba, navuzwa yavo vaveeye mu kivala, Baba Mutakatifu! Uvalindi vulahi kunangwa vaduuki kuva kindu kilala kuli kunyi koveeye kindu kilala.

Yohana 17:25

O, Baba Mutakatifu! Avumukivala si vakumanyi mba, navuzwa inzi ngumanyi. Yava nivo avamanyi ndi ivi wanduma.

Yohana 17:5

Baba! Ombe vukumi imbiri woovo kalunu, vukumi vulala vwene vwa ndaali navwo harara niivi lirova nilikikiri kolombwa.

Yohana 20:27

Maku yavolera Tomasi, “Leeta kedete chicho udiiri mu zimbara zia makono gange; leeta mukono gugwo uhambe mu zimbalu ziange. Utava nilihayahayiza, navuzwa usuuviri!”

Yohana 7:33

Yeso yavoola, “Ngikiri nimunyi ku ing'inga engekeeke, ma nzirane ku oyo uwanduma.

Varumi 8:29

Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.

2 Vakorintho 6:18

Inzi ndava Baba winyu, namunyi mulava avana vange, avayaayi na vakana.” Mwami Wanyala Viosi avoora.

Vagalatia 3:26

Munyi vosi muveeye avana va Nyasaye kuvitira mu lisuuvira mu lihambanywa na Kristo Yeso.

Vahebraina 11:16

Navuzwa kuli gaveeye, veegomba kivala kilahi ligali, nacho keveeye kivala chu mwigulu; kigira yaga, Nyasaye siaveeye esoni ku yavo kumulanga Nyasaye wavo, kigira uvalombeeye lidaala linene.

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.

Likunula 21:7

Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.