Yohana 20:15 - KITABU KITAKATIFU

¹⁵ Yeso yamuteeva, “Mukali kigira ki uliraa? Wenyaa vwaha?” Maria yaganagana ndi aveeye mulindi wumulimi. Kunangwa yamuvolera, “Mwami, niiva ni ivi uvuguyi muviri gwa Yeso mbolera ahumuviki, nainzi nzie muvuguli.”

Yohana 20:15 Iomraidhean Croise

Lwimbu lwa Solomoni 3:2

Ndagendagenda mu lidaala linene liosi ndavitira muzinzira nu tuzira tungerere. Ndenyeleriza oyo wandayaanzaa. Ndenyeleriza navuzwa sindamunyoora mba.

Lwimbu lwa Solomoni 6:1

Munyi vakali valahi ligali, muyanze winyu aziyi hayi? Mukovolere inzira yu muyanze winyu aziliyi ku, kunangwa kuduuki kumukonya kumwenya.

Matayo 12:34

Munyi avana vi zinzoka! Munyala kovora ndi ivindu vilahi, lwa muveeye avadamanu? Kigira munwa govoora amakuva gizuyi mu mwoyo.

Matayo 28:5

Engelosi yavolera avakali yavo, “Mutatia mba! Manyi ndi mwenya Yeso wavambwa.

Marko 16:6

Umusoleri oyo yavavolera, “Mutagenya mba. Inzi manyi vuzwa mwenya Yeso wa Nazareti uwaavambwa. Umali kusimuguka! Siaveeye hano mba. Heenzi havundu ahavamuta.

Luka 2:44

Vaganagana ndi hawundi aveeye mu muganda. Lwa vaali nivakazia logendo lwi lidiku lilala, vatanga kumwenya hagati ha aviiko na valina vaavo.

Luka 24:5

Avakali yavo vizura uvuti vonene, nivinaminya mitwi jiavo hasi. Navuzwa avandu yavo vavavolera, “Kigira ki munyi mwenya uyu oveeye mwoyo mu avakuzu?

Yohana 1:38

Yeso yikivuka nalora aviigi zana nivamulondaa. Yavateva, “Mwenya ki?” Navo vaamutivulira, “Rabi, ivi omenyi hayi?”

Yohana 18:4

Yeso, yaali namanyi goosi agaali nigazizaa kwekoleka. Yituliza nasingira imbiri wavo navateeva, “Mwenya vwaha?”

Yohana 18:7

Yeso yavateva kandi, “Nivwaha wa mwenya?” Navo vativura, “Yeso wa Nazareti.”

Yohana 20:13

Zingelosi yavo vamuteeva, “Mukali, kigira ki uliraa?” Naye yavavolera, “Vaakuvugula Mwami wange, na simanyi wa vamuviki mba!”

1 Samweli 1:16

Utaganagana ndi inzi mbeeye mukali mudamanu utali nuvukara mba. Ndakusaalaa kuli ndi kigira mbeeye nuvuzunu kandi ovovereri vonene ligali.”