Yohana 2:4 - KITABU KITAKATIFU

⁴ Yeso yamutivulira, “O, mama, kigira ki umbika mu makuva yaga? Ing'inga yange ikikiri kuduuka.”

Yohana 2:4 Iomraidhean Croise

2 Samweli 16:10

Mwami Daudi yavolera Abishai na amwavo weve Joabu, “Yaga sigaveeye agoogo mba. Niiva yaanaama kigira Yahova amuvooleeye, gaveeye ku vwaha okoteeva ni kigira ki akolaa ndio?”

2 Samweli 19:22

Navuzwa Daudi yavolera Abishai na amwavo weve Joabu, “Nivwaha oteevi ahevwe zing'anagani zienyu, munyi avayaayi va Zeruya? Lidiku linu, mumali kugwa avasigu vange! Inzi oveeye mwami wa Isiraeli kalunu, na Umuisiraeli mwosi kali mulala sialiitwa lidiku lia lero mba.”

1 Avami 17:18

Mukunzakali uyu yavolera Elija, “Mundu wa Nyasaye, kigira ki nokora yaga ku inzi? Waza hano kwizuliza Nyasaye vwoni vwange no koleta likuza liu muyaayi wange?”

Kohelethu 3:1

Vuli kindu choosi keveeye ni ing'inga yacho; kandi madiku gaveeyeho ga vuli kindu choosi chekoleka mu kivala.

Matayo 15:28

Ma Yeso yamutivulira, “ Mukali, lisuuvira lii lio ni linene. Aga ivi wenyaa galekoleka.” Kandi mukaana weve yahona ku ing'inga yene yeyo.

Matayo 8:29

Navo vatanga kuhanzuka nivavoora, “Koveeye ndi nivi, O, Mwana wa Nyasaye? Uzi hano kukudambiza ing'inga nikikiri kuduuka?”

Luka 2:49

Naye yavativulira, “Kigira ki ni munyenya? Simumanyi ndi gaduukanaa inzi mbe munyumba ya Baba wange?”

Yohana 12:23

Yeso yavavolera, “Ing'inga yu kukuminya Mwana wa Adamu iduuki!

Yohana 13:1

Liali lidiku lilala lisavo lie Lipasaka nilikikiri kuduuka, Yeso yamanya ndi ing'inga yeeye yokutula mu kivala yiki nu kuzia ku Baba weve iduuki. Yaali ni yayanza avandu veve kazozo, avaveeye mu kivala; yee, yavamanyia ndi yavayanza kuduuka ku keheri.

Yohana 2:3

Lwi iwaini yafwa, Mama wa Yeso yamuvolera, “Sivaveeye niwaini mba.”

Yohana 20:13

Zingelosi yavo vamuteeva, “Mukali, kigira ki uliraa?” Naye yavavolera, “Vaakuvugula Mwami wange, na simanyi wa vamuviki mba!”

Yohana 20:15

Yeso yamuteeva, “Mukali kigira ki uliraa? Wenyaa vwaha?” Maria yaganagana ndi aveeye mulindi wumulimi. Kunangwa yamuvolera, “Mwami, niiva ni ivi uvuguyi muviri gwa Yeso mbolera ahumuviki, nainzi nzie muvuguli.”

Yohana 7:30

Kunangwa, avandu vageriza kumugumira, navuzwa siyaali ho nu mundu wageriza kuhila makono kumugumira, kigira ing'inga yeeye yaali nikikiri kuduuka mba.

Yohana 7:6

Kunangwa, Yeso yavavolera, “Ing'inga yange ikikiri kuduuka. Navuzwa ku munyi ing'inga yinyu eveeye ho kazozo.

Yohana 7:8

Munyi muzie mu lilia yilio aveene. Inzi sindazia mu mba, kigira ing'inga yange ikikiri kuduuka.”

Yohana 8:20

Yeso yamoloma amakuva yaga ahimbi na havundu ha masandugu ga mabese gaviikwa lwa yaali niyigizaa mu Litembeli. Na sihaaliho nu mundu wamugumira mba, kigira ing'inga yeeye yaali nikikiri kuduuka.

2 Vakorintho 5:16

Kutura kalunu, kunyi sikukalagiraa mundu woosi kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva liu muviri mba. Kali niiva ing'inga yindi kwakalagira Kristo kolondekana ni liiva lia vandu kalunu sikokolaa ndio kandi mba.

Kwidzulitsa 33:9

Vamanyia uvusuuvirifu vonene ku ivi kuvita ku aviivuli vaavo, avamwavo, anaho avana vaavo vahulira malago googo Kandi vaali avasuuvirifu ku Lilagana liilio.