Yohana 2:24 - KITABU KITAKATIFU

²⁴ Navuzwa Yeso si yisuuviriza mwene kuvo mba, kigira yamanya avandu vosi.

Yohana 2:24 Iomraidhean Croise

1 Avami 8:39

hulira lisaala liavo. Uvahulirizi noveeye yengo woovo mwigulu, uvasamihi, kandi uvakonye. Ivi weng'ine umanya zing'anagani ziu mumwoyo gwu mundu. Kolera sa mulala kuli adukanaa akolerwe,

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

Jeremia 17:9

“Nivwaha unyala kumanyiriza zing'anagani ziveeye mu mwoyo gwu mundu? Goveeye mwoyo gwu vugadi ligali kuvita vindu vindi viosi. Goveeye mulwaye ligali kali si gunyala kohona mba.

Matayo 9:4

Navuzwa Yeso yamanya zing'anagani ziavo, navoora, “Kigira ki muganaganaa uvudamanu kuli ndio mumioyo jinyu?

Marko 2:8

Ahene yaho Yeso yamanya mu mwoyo gwigwe aga vaganagana mu mioyo jaavo, kunangwa yavavolera, “Kigira ki muganaganaa ndio mu mioyo jinyu?

Yohana 1:42

Kunangwa yaleeta Simoni ku Yeso. Yeso yahenza Simoni navoora, “Ivi oveeye Simoni mwana wa Yohana. Kalunu ulalangwa Kefa.”

Yohana 16:30

Kalunu kunyi kumanyi ndi ivi umanya vindu viosi kandi avula ho okoteeva amateeva. Kulwayago, kusuuviranga ndi waatura ku Nyasaye.”

Yohana 21:17

Yamuteeva lwa kavaga, “Simoni mwana wa Yohana, unyaanzaa?” Petero yavelera kigira Yeso yamuteeva haali kavaga; “Unyaanzaa” Petero yavoola, “Mwami, ivi wamanya vuli kindu, ivi wamanya ndi ndakuyaanza.” Yeso yamuvolera, “Lihiza magondi gange!

Yohana 4:16

Yeso yamuvolera, “Zia ulange musaza woovo ma wirane.”

Yohana 5:42

Navuzwa inzi manyi liiva lia muveeye nalio si muveeye nu vuyanzi ku Nyasaye mu mioyo jinyumba.

Yohana 6:15

Lwa Yeso yamanya avandu vetegeka kuuza kumuvugula kuzingulu vamukole Mwami Munene, yatura kandi, nazia mu Kiguru yenyine.

Yohana 6:64

Navuzwa vaveeye ho valala ku munyi avatasuuvira.” Yeso yamanya kutura mu litanga ni vanga vwaha avatasuuvira, kandi nivwaha ulimuzaama.

Vikolwa 1:24

Kunangwa, vasaala nivavoora, “Mwami, ivi umanya mioyo ja avandu vosi. Ku lwa yago ukumanyie ni uliha ku avandu vaviri yava wa ivi otovooye,

Vikolwa 15:8

Nyasaye umanya zing'anagani zie mioyo ja avandu, yalolekiza ndi, umali kuvavugilira mu lihaa Roho Mutakatifu vave kuli yaaha kunyi.

Kwidzulitsa 31:21

kandi maduywa gukutihiza manyingi ni kivi vilavagwira. Navuzwa ulwimbu yilu lulimbwa kandi lulava kelolero change kuvo. Kali kalunu, ningikiri kuvahila mu kivala cha ndavasuuviriza ndavaha, manyi icha vaganagana.”

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

Likunula 2:23

Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”