Yohana 2:22 - KITABU KITAKATIFU

²² Kunangwa, lwa yasimugukizwa kutura mu vakuzu, aviigi veve vizuliza ndi yaali niyavoola yaga; kandi vasuuvira Amang'oda Matakatifu, kandi likuva lia Yeso yaali navooye.

Yohana 2:22 Iomraidhean Croise

Zaburi 16:10

Kigira ulakinga inzi kutura kuzinguru zie likuza; inzi mali kukutumikira nu vusuuvirifu vwosi, na siulandeka kuva mukihadisi.

Luka 24:26

Si vwali vulahi Kristo asalirizwi mu vindu yivi viosi mukwingira mu vukumi vwivwe mwigulu harara na Nyasaye?”

Luka 24:44

Yavavolera, “Yaga namakuva ga ndamuvolera ulwa ndaali ningikiri ni munyi: Vindu viosi viang'odwa mu Lilaga lia Musa kandi mu mang'oda ga vaporofeti nu muzaburi kigira inzi, nivulahi viduukizwi.”

Yohana 12:16

Ing'inga yeyo aviigi veve sivamanyiriza vindu yivi viosi mba, navuzwa lwa Yeso yaali niyakakuminywa nilwo lwa vizuliza agaali ni gang'odwa kuye, kandi aga avandu vaali nivamukoleeye.

Yohana 14:26

Navuzwa, uyu Mukonyi, Roho Mutakatifu, wa Baba alituma mu lieta liange, alakamwigizi vindu viosi kandi kumwizuliza goosi aga ndamuvolera.

Yohana 16:4

Navuzwa inzi mali kumuvolera yaga, kunangwa lwi ing'inga iduuka yayavo kukola vindu yivi, munyi mulakizulizi aga ndamuvolera. Si ndamuvolera vindu yivi kutura mu litanga, kigira ndaali ningikiri harara nimunyi.

Yohana 2:11

Yeso yakola kelolekizu chu kutanga yiki mu lidaala lia Kana mu kivala cha Galilaya, naavuula uvukumi vwivwe, kandi aviigi veve vamusuuvira.

Yohana 2:17

Aviigi veve vizuliza ndi Amang'oda Matakatifu gavoora, “ Uvuyanzi vwange vwu kudidikanira inyumba yooyo, O, Nyasaye, vusamba mu inzi kuli muliru.”

Yohana 2:2

Yeso harara na aviigi veve valangwa mu keserero yicho.

Vikolwa 11:16

Maku ndizuliza amakuva gu Mwami yavoola: ‘Yohana yabatizaa na amazi, navuzwa munyi mulabatizwa mu Roho Mutakatifu.’

Vikolwa 13:33

Amali kuliduukizira kunyi kalunu, ava koveeye visukululwi viavo, ku lisimugukiza lya Yeso kutura mu vakuzu. Kuli gang'odwa mu zaburi ya kaviri, ‘Ivi oveeye Mwana wange, inzi ngwiivuuyi lero.’