Yohana 19:6 - KITABU KITAKATIFU

⁶ Lwa avasaalisi vanene na vasikari vi Litembeli vamulola vahanzuka, “Muvambe! Muvambe!” Pilato yavavolera, “Munyi mumuvuguli, ma mu muvambe aveene. Inzi sindora kivuni chu kumukalagira mba.”

Yohana 19:6 Iomraidhean Croise

Matayo 26:58

Petero yamulondelera inyima kuduuka hamugizi hu Musaalisi Munene. Yingira ni yikala harara na vasikari aduuki kolola ichekolekaa.

Matayo 27:22

Pilato yavateva, “Maku ngole ki ku Yeso ulangwa Mesia?” Vosi vaamutivulira, “Muvambe!”

Matayo 27:24

Lwa Pilato yalora ndi sianyala kokora kindu, kandi iliyoga limeedeki, yavugula amazi niyisaava makono geege imbiri wi kiduma, navoora, “Inzi simbeeye nimbala ku likuza liu mundu mulungi uyu mba. Gaveeye ku munyi aveene.”

Luka 23:4

Pilato yavolera avasaalisi vanene nividuma via vandu, “Sindora kindu kidamanu ku mundu uyu mba.”

Yohana 18:3

Kunangwa, Yuda yavugula muganda gwa avasikari va varumi na avalindi valala vi Litembeli avatumwa na Avafarisayo, navasaalisi nivaveeye nizitaaya, zimuri ni viugi.

Yohana 18:31

Pilato yavavolera, “Munyi aveene mumuvuguli mumukalagili kolondekana ni Lilaga lienyu.” Avayuda vaamutivulira, “Kunyi sikoveeye nuvunyari kwiita mundu mba.”

Yohana 18:38

Pilato yateeva, “Agiligali ni ki?” Pilato lwa yamala kovora yaga, yazia kandi ku Avayuda ichova, navavoolera, “Inzi sindora kindu kidamanu kuye mba.

Yohana 19:15

Navo vahanzuka, “Mu mwiti! Mu mwiti!” Pilato yavateva “Inzi mbambe mwami winyu?” Avasaalisi vanene vativura, “Kunyi sikoveeye nu mwami wundi natali Kaisari!”

Yohana 19:4

Pilato yatura ichova kandi navolera kiduma, “Heenzi, ndamuleeta ichova ku munyi, kunangwa muduuki kumanya ndi, inzi sindora kivuni choosi kuye chukumukalagira mba.”

Vikolwa 2:23

Kolondekana ni lilohiza lilie mwene, Nyasaye yaali ni yatovola ndi Yeso ahaanwi mu makono ginyu. Navuzwa munyi mwamwita kigira mwalekela avandu avoni navadamanu kumuvaamba.

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.