Yohana 19:36 - KITABU KITAKATIFU

³⁶ Yaga gaakolwa kolomba Mang'oda Matakatifu gaduuki kuva agiligali, “Kigumba chiche kali kilala, si kilivunanywa mba.”

Yohana 19:36 Iomraidhean Croise

2 Avami 15:12

Kunangwa lilaga yili liadukizwa ilia Yahova yaali ni yalomba ku mwami Jehu: “Visukululwi vovo, kuduuka ku likula lia kane, valava avami va Isiraeli.”

Zaburi 22:14

Zinguru ziange ziikami kuli amazi gasunduliywi ichova. Vigumba viange viosi viitiguki; mwoyo gwange guuyiinguki kuli ihura isalulukiziywi.

Zaburi 34:20

Yahova alindaa vigumba vie miviri jaavo, na sikeveeye ho kali kilala kuvio kinyala kusalira mba.

Zaburi 35:10

Ndavolera Yahova nu mwoyo gwange gwosi, “Sihaveeye ho nu mundu mulala kuli ivi, O, Yahova! Ivi ukingaa avadedekere kutura ku yavo avizingulu, na avadaka kutura ku vadambizi.”

Kutwula 12:46

Chukulia choosi kuduuka kiliilwi munyumba ya kedekeywi mu; kandi kitahilwa ichova winyumba mba. Kandi mutavunanyia kigumba chienyama kali kilala mba.

Livalidza 9:12

Vatalekaku chukulia kali kilala mba, valalia kuduuka mugambazuri, noho vatavunagaku vigumba viosi mba. Gavadukiraa vasangaliri Lipasaka kolondekana na malago.

Matayo 1:22

Kunangwa, yaga goosi gekoleka gaduuki kuduukizwa amakuva gu Mwami yavoola kuvitira mu muporofeti;

Yohana 13:18

“Yaga simbolanga ku munyi vosi mba. Inzi ndaamanya yavo avandatovola. Navuzwa gaduukanaa gadukizwi kuli Amang'oda Matakatifu gavoora, ‘Oyo waalia harara nainzi ugirung'ani kuva musigu wange.’

Yohana 19:24

Avasikari yavo vavolerana aveene, “Kutagitandula mba, navuzwa kukubi ikura kolole ilava ya vwaha.” Yaga gekoleka ku gave agiligali kuli gang'odwa mu Mang'oda Matakatifu: “Vagavulana zinguvu ziange, kandi vakuba ikura ku iganza yange.” Kandi nindio avasikari yavo vakora.

Yohana 19:28

Lwa Yeso yamanya ndi ivindu viosi vidukiziywi kandi kolomba Amang'oda Matakatifu kuva agiligali, yavoola, “Mbeeye nuvuluhu.”