Yohana 19:30 - KITABU KITAKATIFU

³⁰ Lwa Yeso yamala kuzunzuna isiki yeyo, yavoola “Gafeye!” Maku yinaminya mutwi gwigwe nakuza.

Yohana 19:30 Iomraidhean Croise

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Zaburi 22:15

Madundu gange gumi kuli kijonjo; lulimi lwange luhandi mu zisaya. Ivi, Nyasaye, ondeki mu luguchi kuli mukuzu.

Isaya 53:10

Yahova avoora, “Vwali uvulariri vwange ndi aduuki kusalirizwa; likuza lilie liali kisiuviriru cho koleta uvusamiihi. Nandio alalola visukululwi vivie, alava ni livamwoyo lie mihiga ni mihiga, kandi kuvitira muye uvusaaviri vwange vuladukizwa.

Isaya 53:12

Kigira yaga, ndamuviika havundu hu luyali, alagavulana vilaanye harara na avizingulu. Kigira yihaana umwene kuduuka ku likuza, yavalizwa harara na voni; kali ndio, yaginga uvwoni vwa vandu vanyingi kandi nasaara ndi avoni vaduuki kusaamiifa.”

Danyeli 9:24

“Mihiga 7 haali 70 niyo ing'inga ya Nyasaye amali kolohiza kovoholora vandu vovo harara ni lidaala litakatifu muvuhambe vwu vwoni kandi vudamanu. Alasamiiha uvwoni vwinyu kandi alaleeta vulungi vutaveeye nekeheri, kunangwa malola kandi voporofeti vulava vwa giligali kandi Litembeli litakatifu lilasaaliswa.

Danyeli 9:26

Inyima wi ing'inga yiyi, mwimiliri mutovole wa Nyasaye alakitwi vugira likalaga lirungi. Lidaala kandi Litembeli vilakadivizwi, ni liihi lia vasigu vu mwamihi wi zinguru. Maku keheri kilakaduuki kuli amazi manene, kilakalete vulwani harara ni lidivizwa lia Nyasaye amali kolohiza.

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Matayo 20:28

kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Matayo 27:50

Yeso yalira vudinyu, ma naalakula mwoyo gwigwe.

Matayo 3:15

Navuzwa Yeso yamutivulira, “Leka gave ndio kalunu kigira ni vulahi kuduukizi uvulungi vwosi vwa Nyasaye yenya.” Hene yaho Yohana yaavugilira.

Marko 15:37

Yeso yahanzuka ma nakuza.

Luka 22:37

Kigira muvooleraa ndi Amang'oda Matakatifu agaavoola ndi, ‘Yavalizwa harara na avoni.’ Kuduuka gatwekizwe kuva agiligali ku inzi. Yee agang'odwa ku inzi gaaza kuva agiligali.”

Luka 23:46

Yeso yalira nu mwoyo munene, navoora, “Baba, mbikaa mwoyo gwange mu makono googo.” Lwa yamala kovora yaga, yakuza.

Yohana 10:11

“Inzi mbeeye mwayi mulahi. Mwayi mulahi ahaanaa livamwoyo lilie kigira amagondi geege.

Yohana 10:18

Siaveeye nu mundu unyala kunyagalivamwoyo liange; inzi mwene nzihaanaa. Mbeeye nu vunyali vwu kwihana mwene kwitwa, kandi vunyali vwu kuva mwoyo kandi. Yaga nigo aga Baba yandaga kokora.”

Yohana 17:4

Inzi mali kumanyia uvukumi vuvwo mu lirova; mali kutwekiza miyinzi ja wamba ngole.

Yohana 19:28

Lwa Yeso yamanya ndi ivindu viosi vidukiziywi kandi kolomba Amang'oda Matakatifu kuva agiligali, yavoola, “Mbeeye nuvuluhu.”

Yohana 4:34

Yeso yavavolera, “Chukulia change ni kokora uvulariri vwa uyu uwanduma yenya, kandi kumala miyinzi jije.

Varumi 10:4

Kristo umali koheriza Lilaga, vuli mundu woosi oveeye ni lisuuvira alavalizwa kuva mulungi imbiri wa Nyasaye.

Varumi 3:25

Nyasaye yahaana Kristo aduuki kuva ichu kwisayasayira ku kigira vwoni kuvitira mu lisuuvira ku masahi geege. Yakola ndio kumanyia uvulungi vwa Nyasaye, kigira mu vwikuziri vwu vunyasaye vwivwe si yavaliza ku vandu uvwoni vwi imbiri mba.

1 Vakorintho 5:7

Kuduuka mutulizi amamera makuulu gu vwoni, kunangwa muduuki kuva lihumbi lihia litaveeye na mamera kuli munyi muvezaa. Kristo mwene, mwana wi ligondi wi Lipasaka lietu, umali kuhaanwa kuli kisiuviriru kigira kunyi.

Vafilipi 2:8

Yaali mwegehizi kandi nagenda mu liiva liu kutia kuduuka mu likuza likuza lilie ku musalaba.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

Vahebraina 9:22

Kolondekana ni Lilaga, ahimbi vindu viosi vitakaswa na masahi, kandi uvwoni vusamiifwa vuzwa niiva masahi gasunduliywi.