Yohana 18:37 - KITABU KITAKATIFU

³⁷ Kunangwa Pilato yamuvolera, “Maku ivi nu Mwami?” Yeso yativura, “Ivi mwene ovola inzi nu Mwami. Kigira yaga inzi ndivulwa; kandi kigira yaga ndaaza mu kivala kovoolera avandu agiligali. Vuli mundu wa agiligali ahuliraa umwoyo gwange.”

Yohana 18:37 Iomraidhean Croise

Isaya 55:4

Ndaakola Daudi ave mwimiliri kandi munene wi zihiiri ziosi, kandi nimanyia zinguru ziange kuvitira muye.

Matayo 26:64

Yeso yamuvolera, “Ivi ovola ndio. Navuzwa mbolera munyi mwosi: kutura ing'inga yene yiyi kuzizagilira, mulalora Mwana wa Adamu ni yikaye ku mukono mulungi gwa Nyasaye Wuvunyali, kandi ni yaazaa ku malesi gu mwigulu.”

Matayo 27:11

Yeso yaasingirizwa imbiri wu mwami, wa Varumi uwamuteeva, “Ivi niyie Mwami wa Vayuda?” Yeso yaamutivulira “Ivi ovooye.”

Marko 14:62

Yeso yativura, “Inzi niyie. Mulalora Mwana wu Mundu niyikaye ku mukono mulungi gwa Nyasaye Wuvunyali, kandi niyazaa mu malesi gigulu.”

Marko 15:2

Pilato yateeva Yeso, “Ivi niyie Mwami wa Vayuda?” Yeso yamutivulira, “Ivi ovooye.”

Luka 22:70

Ahene yaho, vosi vateva, “Ivi oveeye Mwana wa Nyasaye?” Yeso yavativulira, “Munyi muvooraa, inzi Mbeeye.”

Luka 23:3

Pilato yateeva Yeso “Ivi niyie Mwami wa Vayuda?” Yeso yativura, “Ivi ovooye!”

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 3:32

Oyo ovola aga yalora na aga yahulira, navuzwa sihaveeyeho nu mundu uvugilira amakuva geege.

Yohana 7:17

Niiva mundu ayaanza kokora yaga aga Nyasaye yenya, alamanya niiva amigizu gange gaturaa ku Nyasaye, anoho inzi mwene nzevoolaa vuzwa ku vunyali vwange.

Yohana 8:14

Yeso yavativulira, “Kali niiva nzelolekiza inzi mwene, lilolekiza liange liveeye lia agiligali kigira inzi manyi wandatula nu wanzizaa. Navuzwa munyi simumanyi wandatula kandi wanzizaa mba.

Yohana 8:45

Inzi mboraa agiligali, na nicho kivuni kigira munyi muvura kusuuvira.

Yohana 8:46

Nivwaha ku munyi unyala kundolekiza ndi mbeeye nuvwoni? Kunangwa, niiva mboraa agiligali, kigira ki musuraa kusuuvira?

Yohana 8:47

Uyu oveeye wa Nyasaye ahuliraa amakuva ga Nyasaye. Navuzwa munyi muvura kugahulira kigira munyi simuveeye avandu va Nyasaye mba.”

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Yohana 2:21

Si mung'oderaa kigira simwamanya agiligali, navuzwa kigira mwagamanya, kandi kigira mumanya ndi, sihaveeyeho no vovehi kali vulala vutura ku giligali.

1 Yohana 3:14

Kumanyi kumali kutura mu likuza ma kwingiyi mu livamwoyo. Kumanyi yaga kigira kuyaanza avaamitu. Mundu utaveeye nu vuyanzi amenyaa mu zinguru zie likuza.

1 Yohana 3:19

Yiki kilava kimanyiru ndi koveeye va giligali, kandi mioyo jietu jilaluvilira imbiri wa Nyasaye.

1 Yohana 4:6

Navuzwa kunyi koveeye ava Nyasaye, kandi umundu woosi umanyi Nyasaye ahuliraa kunyi, navuzwa oyo utaveeye wa Nyasaye sia kuhulira mba. Ku yaga kumanya Roho wa giligali na roho wu vugadi.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

Likunula 1:4

Inzi Yohana, ng'odera amakanisa saba agaveeye mu losoma lwa Asia: Zimbavasi kandi mirembe vive ku munyi, kutura ku Nyasaye oveeye ho, kandi uwaali ho, kandi uzaa; kandi kutura ku Roho saba avaveeye imbiri wendeve yeeye yuvukumi;

Likunula 3:14

“Ng'odera engelosi wi likanisa liveeye mu Laodikia: “Yaga nigo makuva kutura ku Amini, umulolekizi umusuuvirifu nu wi ligali, oveeye uvutangiliru vwi vilombe viosi via Nyasaye yalomba.