Yohana 18:28 - KITABU KITAKATIFU

²⁸ Kunangwa, mugambazuri mu mavwevwe, Avayuda vatuliza Yeso munyumba ya Kayafa nivamuhila munyumba yuvwami iyalangwa Puritorio. Avanene va Avayuda vene sivingira mu Puritorio mba, kunangwa vavuli kwonogonywa, navuzwa vaduuki kulia chukulia chi Lipasaka.

Yohana 18:28 Iomraidhean Croise

Zaburi 35:16

Kuli avandu vakolera mulema kihenyahenye, vaadiedieyiza amiinu mu lindunyira.

Tsing'ano 1:16

Vaveeye vwangu mu likora uvudamanu. Vuli kazozo vetegeki kwita.

Tsing'ano 4:16

Vandu vachamu sivanyala kogona nivatakoli kindu kidamanu mba. Vagona nivahenza kuduuka lwa vasaliriza mundu.

Ezekieli 45:21

“Ku lidiku lia 14 liu mweli gwu kutanga, mulataga lilia lie Lipasaka. Ku madiku 7 vuli mundu alalia mugadi gutaveeye mu na mamera.

Mika 2:1

O, vayaayi, kivi keve kuyavo avasavira kokora uvudamanu; kandi avalohizaa kokora uvudamanu mu vidali viavo! Lwa vuchezaa, nonoho lwa vaveeye nuvwiyangu, vakora uvudamanu vwavalohizi kokora.

Matayo 27:27

Maku avasikari va Pilato vingiriza Yeso munyumba yu mwami na avasikari vosi vaamukumbiriza.

Marko 15:16

Avasikari vaahira Yeso mu nyumba ya gavana, ma nivavungiza umuganda gwosi gwa vasikari.

Luka 22:66

Lwa vwacha, avakulundu, avasaalisi vanene kandi avigizi vi Lilaga vavugana harara Yeso yaleetwa imbiri wi kiyaalo chavo kuyaalwa.

Yohana 11:55

Lisavo lia Avayuda lie Lipasaka liali ahimbi, na avandu vanyingi vazia Jerusalemi vaduuki kwitakasa aveene imbiri wi lisavo likikiri kuduuka.

Yohana 18:13

Vamuhira kutanga ku Anasi. Anasi yaali navizara Kayafa uwaali naveeye Musaalisi Munene muhiga gwene yigwo.

Yohana 18:15

Simoni Petero harara nu mwigizi wundi valonda Yeso. Mwigizi wundi oyo yaali niyamanyikana ku Musaalisi Munene, kunangwa, yingira harara na Yeso hamugizi hu Musaalisi Munene.

Yohana 18:33

Pilato yirana kandi munyumba yalangwa Puritorio, nalanga Yeso, namuteeva, “Ivi niyie Mwami wa Avayuda?”

Yohana 18:39

Navuzwa, muveeye nu mwima gwa inzi muvohololera mundu mulala mu ing'inga yi Lipasaka. Kunangwa, mwenya muvoholere Mwami wa Avayuda?”

Yohana 19:11

Yeso yamutivulira, “Ivi si wakaveeye nu vunyali vwosi ku inzi, nivutahaniywi ku ivi kutura mwigulu na Nyasaye. Mundu oleeti inzi ku ivi niyie oveeye nu uvwoni vonene kuvita ivi.”

Yohana 19:14

Yaali ahimbi saa sita zia mbasu, lidiku liu kwetegekera lisavo lie Lipasaka. Pilato yavolera Avayuda, “Uyu aveeye mwami winyu!”

Yohana 19:9

Yingira kandi munyumba yalangwa Puritorio, nateeva Yeso, “Ivi uturaa hayi?” Navuzwa Yeso si yamutivulira kindu mba.

Vikolwa 10:28

Petero yavavolera, “Munyi aveene mumanyi ndi Muyuda woosi yagaywa ni Lilaga lilie lie lisuuvira atahambana na avandu vi zihiiri zindi mba. Navuzwa Nyasaye umali kumanyia mburi kuganagana ndi mundu woosi kuva munifu anoho mudamanu mba.

Vikolwa 10:32

Tuma mundu Jopa, alange mundu mulala ulangwa Simoni, lieta lindi Petero; aveeye munyumba ya Simoni, mulombi wi visero, ahimbi ni inyanza.’

Vikolwa 11:3

“Kigira ki nuzia komenya na avandu vavura kokevwa, kali nuulia harara navo?”

Vikolwa 3:13

Nyasaye wa Aburahamu, Isaka na Yakobo, Nyasaye wa avaguuga viitu, uhaani vukumi vwu vunyasaye ku Mutumikiri weve Yeso. Navuzwa mwamuzaama kandi nimumuhaana ku vamiihi kandi mwamwambakana imbiri wa Pilato, kali lwa Pilato yaali niyakaganagana kumuvoholora.

Vikolwa 4:27

“Kigira ligali, nindio Herodi Pontio Pilato, vavugana harara mu lidaala yili na Avizihiiri kandi avandu va Isiraeli, kuhingira Yeso, Mutumikiri woovo mutakatifu wa wakola ave Mesia.

Kwidzulitsa 16:2

Muzie havundu harara hu kusigamira Yahova, na mwitiri yo lilala ku magondi anoho zing'ombe kigira chukulia ichi Lipasaka kuhaana luyali ku Yahova Nyasaye winyu.