Yohana 18:20 - KITABU KITAKATIFU

²⁰ Yeso yamutivulira, “Inzi ndaamoloma havulavu kazozo ku avandu vumukivala vosi. Vuli ing'inga ndigiza mu Masinagogi kandi mu Litembeli, havundu ha Avayuda vosi vavugana harara; na ngikiri kovora ku kindu choosi mu vwivisu mba.

Yohana 18:20 Iomraidhean Croise

Zaburi 22:22

Ndavolera avandu vange ivindu via umali kokora; ndakwizominya mu livugana liavo.

Zaburi 40:9

O, Yahova, Mu livugana lia avandu vovo. Inzi ndaavavoolera amakuva malahi ndi ivi okohonyiaa. Ivi umanyi vulahi ndi sindalekela livoora amakuva go vohonyi yivwo mba.

Isaya 45:19

Simbolaa amakuva gange mu vwivisu mba, anoho kutura mu kivala chi kisundi mba. Sindenya avandu va Isiraeli konyenya ha vundu heere vuzwa mba. Inzi mbeeye Yahova, kandi mboraa agiligali kandi nandizaa amalungi.”

Isaya 48:16

“Munyi avandu va Isiraeli, mwisuundi ahimbi ku inzi, kandi muhuliri agamuvoolera. Ndavoora amakuva gange ku munyi havulavu kutura mu litanga, kandi goosi agambooraa kumunyi gaveeye agiligali.” Kalunu mwami munene Yahova yambeeye zinguru zizie kandi yaandumi.

Matayo 24:26

“Anoho nivamuvoolera, ‘Heenzi, aveeye mwigendanyama!’ Mutazia yo mba. Anoho, ‘Eleenzi, yiivisi munyumba ivuliri!’ Mutasuuvira mba,

Matayo 26:55

Ing'inga zana yeyo, Yeso yamoloma ku Kiduma cha avandu vaza kumugumira, “Muuzi kung'umira ni vivavi ni vigurumi kuli mbeeye umunuuri? Madiku goosi ndaaveyange mu Litembeli ninzigizaa, na simwang'umira mba!

Matayo 26:65

Hene yaho Musaalisi Munene yatandula izinguvu zizie, navoora, “Ovooye manyego! Kwenyera ki avalolekizi vandi? Kalunu muhuliyi linyego geege.

Matayo 4:23

Yeso yavodong'ana hoosi mu Galilaya, ni yigizaa mu masinagogi gaavo, kandi yilwaza Ivangeri yu Vwami vwa Nyasaye. Yahonyia zing'ano ziosi zie zinguzu no vulwaye kandi ovodekeranu vwosi vwa avandu.

Matayo 9:35

Yeso yavodong'ana mu madaala goosi kandi mu tudaala; hiyigiza mu masinagogi gaavo niyilwaza Ivangeri yu Vwami vwa Nyasaye, nahonyia zinguzu ziosi kandi uvulwaye vwi zing'ano ziosi.

Marko 8:32

Yeso yavavolera agene yaga havulavu. Kunangwa Petero yamuhira ha lovega natanga kumugaya.

Luka 21:37

Yeso yatumikira madiku yago ni yigizaa avandu mu Litembeli, zing'inga zia mbasu; navuzwa lwu mugolova gwaduukaa, yazizaa kogona mu Kiguru cha Mizeituni.

Luka 4:15

Naye yigiza avandu mumasinagogi gaavo kandi avandu vosi vamwizominya.

Yohana 18:21

Kigira ki ondeva? Teeva avandu yavo avahulira aga ndavavolera. Yavo vamanyi ligali aga ndaavoora.”

Yohana 6:59

Yeso yavoola agene yago lwa yaali ni yigizaa mu lisinagogi lia Kaperinaumi.

Yohana 7:14

Navuzwa lwi lisavo yilio liaduuka hagati, Yeso yazia mu Litembeli, natanga kwigiza.

Yohana 7:26

Nguyu aveeye hano amolomaa nuvuluviliri kuvambakanyia havulavu; navuzwa si va muvooleraa kindu mba. Ganyala kuva ndi, avanene yava vamanyi ligali uyu niyie Mesia?

Yohana 7:28

Lwa Yeso yaali ni yigiza mu Litembeli, yahanzuka navoora, “Mwamanya inzi ligali kandi na aha nduraa? Inzi sindaaza ku vunyali vwange mwene mba. Navuzwa oyo uwanduma aveeye wi ligali. Munyi si mu mumanyi mba,

Yohana 7:4

Kigira sihaveeyeho nu mundu uvisaa iviakolaa niiva yenya amanyikane ligali na vandu. Niiva okolaa ivindu yivi wimanyie ivi umwene ku avumukivala.”

Yohana 8:2

Mugambazuri mumavwevwe, Yeso yirana mu Litembeli. Avandu vosi vazia kuye, nivamukumbiriza naye yikala hasi naavigiza.

Yohana 8:26

Mbeeye na amanyingi kovora ku munyi kandi amanyingi agukukalagira munyi. Navuzwa Oyo uwanduma aveeye uwiligali, kandi inzi mbolera kivala aga ndahulira kutura kuye vuzwa.”

Vikolwa 26:26

Ivi mwami umanyi amakuva gi vindu yivi, kigira yaga, inzi nyara komoloma imbiri woovo vugira uvuti. Mbeeye ni lisuuvira ndi umanyi vulahi kigira likuva yili si liakolwa ahivisu mba.