Yohana 17:8 - KITABU KITAKATIFU

⁸ Inzi mali kuvavoolera amakuva ga wambolera mbavoolere navo vagavugiliyi. Vamanya agiligali ndi inzi ndaatula ku Ivi, kandi vamali kusuuvira ndi ivi wanduma.

Yohana 17:8 Iomraidhean Croise

Tsing'ano 1:23

Muhuliri lieganihiza liange. Inzi ndahaana zing'anagani zindahi ku munyi, kandi ndamuha vogeri vwange.

Tsing'ano 1:3

Zinyala kukwigiza kuli unyala komenya novogeri, kandi kuli unyala kuva musuuvirifu kandi wi liiva liduukiru, mulungi kandi liiva liduukilu.

Tsing'ano 2:1

Mwana wange wigi agangwigizaa, kandi utivilira agangovoolera okole mba.

Tsing'ano 4:10

Mwana wange, mbulirizaa. Uhuliri ligali gangovoleraa, na ulahindira.

Tsing'ano 8:10

Tovola miigizu gange muvogono vwi ifeza; tovola limanya kuvita kotovola izahabu indahi.

Matayo 13:11

Yeso yavativulira, “Munyi muheveywi kumanya agaviswa gu Vwami vwu mwigulu, navuzwa yavo sivaheveeywi ndio mba.

Yohana 12:49

Inzi simbolaa kuvunyali vwange mwene, navuzwa Baba wanduma niyie uwaamba aga ndukanaa mbore kandi molome.

Yohana 14:10

Ivi si usuviraa inzi mbeeye mu Baba na Baba aveeye mu inzi? Amakuva goosi aga mali kumuvolera sigaveeye gange mwene mba; navuzwa Baba aveeye mu inzi akolaa miyinzi jije mwene.

Yohana 15:15

Kutura kalunu sinyala kumulanga avatumwa kandi mba, kigira mutumwa siamanyi ichu mwami weve akolaa mba. Navuzwa inzi mali kumulanga avalina, kigira mali kumuvolera goosi aga ndahulira kutura ku Baba wange.

Yohana 16:27

kigira Baba mwene ayaanza munyi. Ayaanza munyi kigira muyanzaa inzi kandi mumali kusuuvira ndi, inzi ndaatula ku Nyasaye

Yohana 16:30

Kalunu kunyi kumanyi ndi ivi umanya vindu viosi kandi avula ho okoteeva amateeva. Kulwayago, kusuuviranga ndi waatura ku Nyasaye.”

Yohana 17:14

Inzi mali kuvaha likuva liilio kandi avumukivala vavadunyira kigira yavo sivaveeye avumukivala mba, kuli inzi simbeeye wumukivala mba.

Yohana 17:18

Kuli ivi wanduma kuzia mu kivala, nindio inzi kandi mbatumanga mu kivala;

Yohana 17:21

Saalanga vosi vaduuki kuva kindu kilala. Baba! Saalaa vave mu kunyi kuli ivi oveeye mu inzi, nainzi mbeeye mu ivi. Saalaa vave kindu kilala, kunangwa avumukivala vaduuki kusuuvira ivi wanduma.

Yohana 17:23

inzi mbeeye muvo, na ivi oveeye mu inzi; kunangwa vaduuki kuva kindu kilala, kunangwa avumukivala vaduuki kumanya ndi ivi wanduma, kandi ivi wavayaanza kuli unyaanzaa.

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Yohana 3:17

Nyasaye siyatuma Mwana weve kuuza mu kivala kukalagira avumukivala, navuzwa kohonyia avumukivala.

Yohana 3:33

Navuzwa mundu woosi uvugilira lilolekiza lilie umali kuviika muhuri gwi livugilira lilie ku yaga ndi, Nyasaye aveeye wiligali.

Yohana 6:68

Simoni Petero yativura, “Mwami, kuzie ku vwaha? Ivi oveeye na makuva gahaanaa livamwoyo litahera mba.

Yohana 8:42

Yeso yavavolera, “ Nyasaye alava Baba winyu, ngano mwayinyanza, kigira ndaatula ku Nyasaye na kalunu mbeeye hano. Sindaaza ku vunyali vwange mwene, navuzwa Nyasaye yanduma.

1 Vakorintho 11:23

Inzi ndaanyoora amigizu kutura ku Mwami agambezaa munyi: ndi Mwami Yeso, mu vudiku yivwo vwa yazaamwa, yavugula mugadi,

1 Vakorintho 15:1

Kalunu avaamitu vange, nyenya kumwizuliza ndi Ivangeri ya ndamwilwazira, na munyi nimugivugula kandi niyo yilisuuvira lienyu nilisingira ku vudinyu.

Kwidzulitsa 18:18

Ndavatumira muporofeti kuli ivi kutura hagati ha avandu vaavo. Ndamuvolera icha avoora naye alavolera avandu vindu viosi via inzi mulaga.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

1 Vatesalonike 4:1

Mu limaliriza, avaamitu, viitu, mwigi kutura ku kunyi kuli gamuduukira komenya kunangwa muduuki kuyaanziza Nyasaye. Nindio mwamenyangi kandi kalunu kumugoonya nu kumwiganihiza mu lieta liu Mwami Yeso mumeede kokora ndio ligali.

1 Yohana 4:14

Kunyi kumali kolola kandi kololekiza ndi, Baba yatuma umwana weve ave Muhonyi wa avumukivala.

Likunula 1:1

Kitabu yiki keveeye livuula lia Yeso Kristo, lia Nyasaye yamuha, aduuki kumanyia avatumikiri veve, agazizaa kwekoleka vwangu. Yakola ivindu yivi vimanyikane ku mutumikiri weve Yohana lwa yatuma engelosi weve kuye.