Yohana 17:24 - KITABU KITAKATIFU

²⁴ “Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Yohana 17:24 Iomraidhean Croise

Litanga 45:13

Muvoolere baba wange kigira uvunyali vwa inzi mbeeye navwo hano mukivala cha Egebeti; Mumuvolere kandi vindu viosi viamumali kolola. Maku mukore vwangu mu muleete hano.”

Matayo 25:21

Mwami weve yamuvolera, ‘Okoli vulahi, umutugwa mulahi kandi umusuuvirifu. Walinda vulahi ivindu vikekeke; ndakuviika ove umulindi wi vindu ivinyingi. Hamba wingiri mu vusangali harara nu mwami woovo.’

Matayo 25:23

Mwami weve yamuvolera, ‘Okoli vulahi mutumiri mulahi, kandi umusuuvirifu. Waali umusuuvirifu ku vindu vikekeke; ndakuviika kulinda ivindu ivinyingi. Hamba wingiri usangale ninzi!’

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Matayo 26:29

Muvooleraa, sindanwa kandi iwaini ya mazabibu yaga mba, kuduuka lidiku yilio lia ndinwa iwaini yindi imbia harara ni munyi mu Vwami vwa Baba wange.”

Luka 12:37

Vaveeye nuvugasu avatumikiri yavo avu Mwami alinyoora nivahenza kandi nivetegeki lwa aliiza. Agiligali muvooleraa, Mwami oyo aliviika vulahi, na alavikaliza ku viukulia komesa nukuvatumikira.

Luka 23:43

Yeso yamuvolera, “Ligali ligali ngovolera, kalunu ulava ninzi mu Paradiso.”

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 12:26

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Yohana 14:3

Kandi lwa mba ninzia kumulombera ovogono, ndirana kandi. Ndamuvugura inzi mwene, kunangwa aha inzi mbeeye munyi kandi muve ho.

Yohana 15:9

Inzi ndayaanza munyi kuli Baba ayaanza inzi. Mumenye mu vuyanzi vwange.

Yohana 17:2

Kigira waha Mwana woovo uvunyali ku avandu vosi aduuki kuhaana livamwoyo litahera mba ku yavo vosi vawamuha.

Yohana 17:22

Inzi mali kuvaha uvukumi vwa wamba, kunangwa vave kindu kilala kuli kunyi koveeye kindu kilala;

Yohana 17:5

Baba! Ombe vukumi imbiri woovo kalunu, vukumi vulala vwene vwa ndaali navwo harara niivi lirova nilikikiri kolombwa.

Yohana 6:37

Vosi ava Baba ambezaa valaza ku inzi; nainzi sindakunga mundu woosi uza ku inzi mba.

Yohana 6:39

Voveeye uvulariri vwa oyo uwanduma ndi mburi kogotiza mundu kali mulala ku yavo ava yamba, navuzwa mbasimugukizi vosi ku lidiku liu kumaliriza.

Yohana 8:58

Yeso yavavolera, “Agiligali muvooleraa, imbiri wa Aburahamu akikiri kwivulwa, inzi ndaali ho.”

1 Vakorintho 13:12

Icha kololaa kalunu keveeye kuli kololera mu chelolero iligondo litalolekaa vulahi, navuzwa inyima wayaga kulakalole moni namoni. Icha inzi manyi kalunu sikeveeye kidukiru mba, navuzwa inyima kilakave kiduukilu kuli limanya lia Nyasaye, liveeye liduukilu ku inzi

2 Vakorintho 3:18

Kunyi vosi avakwavula kufuumwa mu moni mwitu, kumanyia uvukumi vwu Mwami. Uvukumi zana yivwo vuturaa ku Mwami oveeye Roho akugiruganyia kuva mu liiva lia higulu ligali mu vukumi.

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

2 Vakorintho 5:8

Koveeye ne kelemamwoyo kandi kwakayaanzi kutura mu muviri yigu ma kuzie komenya harara nu Mwami Yeso.

Vafilipi 1:23

Mbeeye hagati hi zimbega ziviri. Nyenya koleka livamwoyo yili kuzia komenya harara na Kristo, kigira yiki keveeye kindu kilahi ligali.

1 Vatesalonike 4:17

Kunangwa kunyi avakukiri mwoyo ing'inga yeyo kulakavungizwi harara navo mu malesi kwaganira mwami mu vwerefu; na ndio kulava harara nu Mwami mihiga ni mihiga.

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.

Likunula 21:22

Si ndaalora kandi Litembeli mu lidaala yilio mba, kigira Litembeli lialio nu Mwami Nyasaye Wuvunyali nu Mwana wi Ligondi.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.