Yohana 17:2 - KITABU KITAKATIFU

² Kigira waha Mwana woovo uvunyali ku avandu vosi aduuki kuhaana livamwoyo litahera mba ku yavo vosi vawamuha.

Yohana 17:2 Iomraidhean Croise

Zaburi 110:1

Yahova yavolera mwami wange “Yikala ha mukono gwange mulungi kuduuka lwa mbikaa avasigu vovo isi wi virenge vivio.”

Danyeli 7:14

Yahevwa zinguru, luyali kandi vukumi vwo luyali, kunangwa vandu vi vivala viosi, zihiiri ziosi, kandi zinimi ziosi vamutumikiri. Zinguru zizie zilava ho mihiga ni mihiga, kandi vwamihi vwivwe si vulahera mba.

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Matayo 25:46

Kulwayago, valazia konyoora ikivi na maduywa gi mihiga ni mihiga, navuzwa avalungi valanyora livamwoyo lie mihiga ni mihiga.”

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Yohana 17:6

Mali kokora ivi, umanyekane ku avandu yavo ava wamba kutura ku avumukivala. Yava vaali avandu vovo, na ivi wamba vave avange; navo vagumiyi likuva liilio;

Yohana 17:9

“Inzi mbasaaliraa. Sisaaliraa avumukivala, navuzwa salira yavo avuwamba, kigira vaveeye avandu vovo.

Yohana 3:35

Baba ayaanza Mwana weve kandi umali kuviika vindu viosi hasi hu vunyali vwivwe.

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yohana 6:27

Mutayinziliri viukulia vioneka; navuzwa muyinziliri viukulia vimenya kuduuka ku livamwoyo litahera mba. Yivi nivio viukulia viu Mwana wa Adamu alimuha; kigira Baba Nyasaye umali kuviika muhuri gwi livugilirwa kuye.”

Yohana 6:37

Vosi ava Baba ambezaa valaza ku inzi; nainzi sindakunga mundu woosi uza ku inzi mba.

Yohana 6:39

Voveeye uvulariri vwa oyo uwanduma ndi mburi kogotiza mundu kali mulala ku yavo ava yamba, navuzwa mbasimugukizi vosi ku lidiku liu kumaliriza.

Varumi 6:23

Madanyi gu uvwoni ni likuza, navuzwa kihanwa cha Nyasaye chavuzwa keveeye livamwoyo litahera mba, mu Kristo Yeso, Mwami wiitu.

1 Vakorintho 15:25

Kigira gadukanaa Kristo yaamihi kuduuka lwa Nyasaye aguutaa vasigu vosi nukuvaviika hasi hi virenge vivie.

Vafeso 1:20

zia yatumikira lwa yasimugukiza Kristo kutura mu vakuzu, namwikaliza ha mukono gwigwe mulungi mwigulu.

Vafilipi 2:10

Kandi ndio, mu lihaana luyali ku lieta lia Yeso, ivilombe viosi mwigulu, ku lirova, nu mu lirova musi valagwa ku amalu gaavo,

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.

1 Yohana 1:2

Lwi livamwoyo yili lialoleka, kwalilora kandi kwalilolekiza, kandi kumwilwazira kandi kwuvoolere livamwoyo litahera mba, iliali na Baba, kandi lialolekizwa ku kunyi.

1 Yohana 2:25

Yaga nigo ga Kristo yakusuuviriza alakuha, nalio ni, “Livamwoyo litahera mba.”

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

Yudasi 1:21

Mumenye mu vuyanzi vwa Nyasaye, ni mulindiliraa liu Mwami wiitu Yeso Kristo muzimbavasi amuhe ilivamwoyo lie mihiga ni mihiga.