Yohana 17:11 - KITABU KITAKATIFU

¹¹ Kalunu inzi nziza ku ivi; Simbeeye kandi mu kivala mba, navuzwa yavo vaveeye mu kivala, Baba Mutakatifu! Uvalindi vulahi kunangwa vaduuki kuva kindu kilala kuli kunyi koveeye kindu kilala.

Yohana 17:11 Iomraidhean Croise

Zaburi 79:9

O, Nyasaye, yaanza okokonye kandi okohonyie. Okosoole kandi ukusamihi uvwoni vwitu kigira uluyali lwi lieta liilio.

Tsing'ano 18:10

Yahova aveeye kuli munara gwizingulu gwumulungi yirukira mu anyoore vohonyi.

Isaya 27:3

Inzi Yahova mbeeye mulindi wagwo kandi ngusamaa amazi zing'inga ziosi, ngulindaa vudiku numbasu gase mundu alagwononyia.

Isaya 64:2

Vigulu viladegela kuli amazi gatavagira ku muliru gudidimaa. Hamba uvuli zinguru zizio zinene ku vasigu vovo, kandi okole zihiiri zidegere imbiri woovo!

Jeremia 14:21

Wizulizi malagano googo ku kunyi kandi utakoleganyia mba; utavika avandu va Jerusalemi, havundu he endeve yooyo yu vwami vwu vukumi mu zisoni mba. Utavunaga lilagana lia walomba ni kunyi mba.

Jeremia 14:7

Avandu vange valira ku inzi ni vavoola, ‘Kali niiva uvwoni vwitu vumali kukalagira kunyi aveene, O, Yahova okokonye kuli waakusuuviriza. Kwagirung'ana kutura ku ivi haali kanyingi; kandi kwamala kokora uvwoni imbiri woovo.

Ezekieli 20:22

Navuzwa si ndaakola ndio mba, kigira yaga gaali ganyala kwikiza luyali lwange hagati hi zihiiri zialola ninyimiliraa vandu va Isiraeli kutura mu kivala cha Egebeti.

Ezekieli 20:44

Mulakamanye ndi Inzi mbeeye Yahova, lwa namukolere vulahi kigira lieta liange. Sinangole ndio kolondekana nu vudamanu vwinyu, anoho uvuchamu vwinyu mba, O, munyi avandu va Isiraeli.” Mwami Munene Yahova umali kovora.

Ezekieli 20:9

Navuzwa sindaakola ndio mba, kigira yaga gaali ganyala kwikiza luyali lwange, kandi imbiri wi ihiiri yavamenyi hagati haavo, avandaali ninandizi mu vandu va Isiraeli ndi, nziza kuvatuliza mu kivala cha Egebeti.

Matayo 10:16

“Mutumaa kuli amagondi hagati hi vivwi. Muve no vogeri kuli vwi zinzoka, na avahoma mu mioyo jinyu kuli amakuulu.

Matayo 5:48

Kunangwa gamudukira muve vadukanu, kuli Baba winyu wu mwigulu aveeye mudukanu.

Matayo 6:9

Kunangwa, gamudukira munyi musaale kuli ndi: ‘Baba wiitu oveeye mwigulu: Lieta liilio litakatifu lizominywi;

Yohana 13:1

Liali lidiku lilala lisavo lie Lipasaka nilikikiri kuduuka, Yeso yamanya ndi ing'inga yeeye yokutula mu kivala yiki nu kuzia ku Baba weve iduuki. Yaali ni yayanza avandu veve kazozo, avaveeye mu kivala; yee, yavamanyia ndi yavayanza kuduuka ku keheri.

Yohana 13:3

Yeso yamanya ndi, Baba weve umali kuviika vindu viosi hasi hi zinguru zizie, kandi yamanya ndi yatura ku Nyasaye kandi yirana ku Nyasaye

Yohana 14:20

Lwi lidiku yilio liliduuka mulakamanye ndi inzi mbeeye mu Baba wange, kandi munyi muveeye mu inzi, kuli inzi mbeeye mu munyi.

Yohana 16:28

inzi ndaatula ku Baba, kandi mali kuuza mu kivala; kandi kalunu ndekaa kivala kandi nziza ku Baba.”

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Yohana 17:23

inzi mbeeye muvo, na ivi oveeye mu inzi; kunangwa vaduuki kuva kindu kilala, kunangwa avumukivala vaduuki kumanya ndi ivi wanduma, kandi ivi wavayaanza kuli unyaanzaa.

Yohana 17:25

O, Baba Mutakatifu! Avumukivala si vakumanyi mba, navuzwa inzi ngumanyi. Yava nivo avamanyi ndi ivi wanduma.

Yohana 17:6

Mali kokora ivi, umanyekane ku avandu yavo ava wamba kutura ku avumukivala. Yava vaali avandu vovo, na ivi wamba vave avange; navo vagumiyi likuva liilio;

Yohana 7:33

Yeso yavoola, “Ngikiri nimunyi ku ing'inga engekeeke, ma nzirane ku oyo uwanduma.

Vikolwa 3:21

Gamuduukira atigale mwigulu kuduuka lwi vindu viosi vililombwa vuhia, kuli Nyasaye yalandiza kuvitira mu vaporofeti veve vatakatifu avaari ho kutura kale.

Varumi 12:5

Munzira ndala nzere, kali nikoveeye avanyingi, koveeye muviri mulala mu lihambanywa harara na Kristo, kandi kuhambana harara sa mulala ku wache kuli vivero lugano lugano viu muviri mulala.

Varumi 9:17

Mang'oda Matakatifu gavoolera Mwami wa Egebeti ndi, “Inzi Nyasaye ndaakotovola ove mwami wa Egebeti kunangwa uduuki kukutumikira kololekiza zinguru ziange mu ivi, kandi lieta linage liduuki kulandizwa mu lirova liosi.”

1 Vakorintho 1:10

Avaamitu vange, mugoonyaa ligali mu lieta liu Mwami wiitu Yeso Kristo ndi, vosi muvugilirizane aveene naveene mu goosi ga muvooraa, muve kindu kilala vosi kunangwa muvuli kuva ni liavukana hagati hinyu. Muhambane muve kindu kilala ligali mu zing'anagani kandi mu likalaga lilala.

Vagalatia 3:28

Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vafeso 4:4

Haveeye nu muviri mulala, kandi Roho mulala, kuli haveeye kandi ni lisuuvirizwa lilala lia Nyasaye yamulangira.

Vafilipi 2:9

Kulwa yaga, Nyasaye yamunenehiza kuduuka higulu ligali na yamuha lieta iliveeye linene kuvita agandi goosi.

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vahebraina 9:24

Kristo si yingira Havundu Hatakatifu halombwa na makono ga vandu, ahaali kuli liiva lia hiligali mba. Yingira mwigulu mwene, mwa kalunu asingiraa imbiri wa Nyasaye kigira kunyi.

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.

1 Petro 1:5

Vugasu yivu voveeye ku munyi, avakingwa ni zinguru zia Nyasaye kuvitira mu lisuuvira kigira vohonyi vwetekekiziywi kololekizwa mu ing'inga ye keheri.

1 Yohana 3:12

Kutava kuli Kaini; wasanga harara nu Mudamanu oyo, ma ni yita amwavo weve Habili. Kaini yamwita kigira ki? Yamwita kigira vikolwa vivie viali vidamanu, na via amwavo weve Habili viali vilungi.

1 Yohana 5:19

Kumanya koveeye avana va Nyasaye, kali avumukivala vosi vaveeye hasi ho vunyali vwa Setani,

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.

Yudasi 1:24

Kalunu uyu, unyala kulinda munyi muvuli kugwa, nu kumusingiriza imbiri wu vukumi vwivwe vugira imbara mu uvusangari ovonene,

Likunula 15:4

Nivwaha unyala kusuura kulandiza ovonene vuvwo? Ivi weng'ine oveeye umutakatifu. Izihiiri ziosi zilaza kandi zilasigamira Ivi, vikolwa vivio via giligali vilolangwa na vandu vosi.”

Likunula 19:12

Izimoni zizie ziveeye kuli olomemo lwu muliru. Yiviika izitaji zinyingi ku umutwi gwigwe. Yaali ni lieta ling'odeywe, kuye, kandi sihaveeye ho nu mundu umanyi cha livoora nataveeye oyo umwene.

Likunula 4:8

Vuli kilala ku velombe viveeye mwoyo vine yivio, chaali ni zimbaha sita, iziali ni ziafuuma mu zimoni; yigulu ni isi wi zimbaha. Mumbasu nuvudiku sivialekela kwimba nivivoola: “Mutakatifu, Mutakatifu, Mutakatifu, ni Mwami Nyasaye Wuvunyali, uwaali ho, oveeye ho, na uzaa.”