Yohana 17:1 - KITABU KITAKATIFU

¹ Lwa Yeso yaali ni yakamala kovora yaga, yahenza mwigulu navoora, “Baba, ing'inga iduuki! Ukuminyi Mwana woovo kunangwa Mwana aduuki kukukuminya ivi.

Yohana 17:1 Iomraidhean Croise

Zaburi 123:1

O, Yahova, ng'ingaa zimoni ziange ku ivi, kuduuka mwigulu, wa ivi wamihila!

Isaya 38:14

Mwoyo gwange gwaali mudedekere, kandi ndasioma kuli likuulu. Zimoni ziange zialuha kigira kohenza mwigulu, O, Yahova, osoore kutura mu vudinyu yivu vwosi.

Marko 14:41

Lwa yirana lwa kavaga yavavolera, “Mukegonaa, kandi mukesosaa? Gaduuki! Ing'inga iduuki! Henza Mwana wu Mundu azizaa kuhaanwa mu makono ga avoni.

Luka 18:13

“Navuzwa musololi wu vusuuru uyu, yasingira ihale. Siyaali anyala kali kuginga vweni vwivwe aheenze mwigulu mba, nitali yiduya ku kiritu chiche navoora, ‘O, Nyasaye, inzi mbeeye mwoni. Ombere zimbavasi!’

Luka 22:53

Lwa ndaali harara ni munyi kazozo mu Litembeli si mwanyiira amakono ginyu kung'umira mba. Navuzwa yiyi ni isa yinyu, kokora agamwenyaa, lwa zinguru zie kisundi ziamiihaa.”

Yohana 11:4

Lwa Yeso yahulira ndio, yavoola, “Uvulwaye yivwo sivoveeye uvudukiza Lazaro ku likuza mba. Navuzwa voveeye ndio kigira uvukumi vwa Nyasaye vuduuki kutwekizwa. Kigira munzira yu vulwaye yeyo niyio yu Mwana wa Nyasaye akuminyirwaa mu.”

Yohana 11:41

Kunangwa avandu vasuunda ligina. Yeso yahenza mwigulu navoora, “Ngusandizaa Baba kuva ivi umbuliraa.

Yohana 12:23

Yeso yavavolera, “Ing'inga yu kukuminya Mwana wa Adamu iduuki!

Yohana 13:1

Liali lidiku lilala lisavo lie Lipasaka nilikikiri kuduuka, Yeso yamanya ndi ing'inga yeeye yokutula mu kivala yiki nu kuzia ku Baba weve iduuki. Yaali ni yayanza avandu veve kazozo, avaveeye mu kivala; yee, yavamanyia ndi yavayanza kuduuka ku keheri.

Yohana 16:32

Ing'inga yiza, kandi imali kuduuka, lwa munyi mwosi mulisalanywa sa mulala yengo weve, nainzi ndakatigale nzieng'ine. Navuzwa inzi simbeeye nzieng'ine mba, kigira Baba aveeye harara ninzi

Yohana 7:30

Kunangwa, avandu vageriza kumugumira, navuzwa siyaali ho nu mundu wageriza kuhila makono kumugumira, kigira ing'inga yeeye yaali nikikiri kuduuka mba.

Yohana 7:39

Yeso yavoola yaga ku Roho wa yavo avamusuuvira valinyoola. Ing'inga yeyo Roho yaali nakikiri kuhaanwa, kigira Yeso yaali nakikiri kohevwa uvukumi.

Yohana 8:20

Yeso yamoloma amakuva yaga ahimbi na havundu ha masandugu ga mabese gaviikwa lwa yaali niyigizaa mu Litembeli. Na sihaaliho nu mundu wamugumira mba, kigira ing'inga yeeye yaali nikikiri kuduuka.

Vikolwa 3:13

Nyasaye wa Aburahamu, Isaka na Yakobo, Nyasaye wa avaguuga viitu, uhaani vukumi vwu vunyasaye ku Mutumikiri weve Yeso. Navuzwa mwamuzaama kandi nimumuhaana ku vamiihi kandi mwamwambakana imbiri wa Pilato, kali lwa Pilato yaali niyakaganagana kumuvoholora.

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.