Yohana 16:28 - KITABU KITAKATIFU

²⁸ inzi ndaatula ku Baba, kandi mali kuuza mu kivala; kandi kalunu ndekaa kivala kandi nziza ku Baba.”

Yohana 16:28 Iomraidhean Croise

Luka 24:51

Lwa yaali navagasiza, yatura kuvo kandi yahilwa mwigulu.

Luka 9:51

Lwi lng'inga ya kuduuka ya Yeso avugulwa kwirana mwigulu, mwene yaatanga logendo kuzia Jerusalemi.

Yohana 13:1

Liali lidiku lilala lisavo lie Lipasaka nilikikiri kuduuka, Yeso yamanya ndi ing'inga yeeye yokutula mu kivala yiki nu kuzia ku Baba weve iduuki. Yaali ni yayanza avandu veve kazozo, avaveeye mu kivala; yee, yavamanyia ndi yavayanza kuduuka ku keheri.

Yohana 13:3

Yeso yamanya ndi, Baba weve umali kuviika vindu viosi hasi hi zinguru zizie, kandi yamanya ndi yatura ku Nyasaye kandi yirana ku Nyasaye

Yohana 14:28

Munyi mwahulira lwa ndaamuvolera, ‘Nziza, navuzwa ndirana ku munyi kandi.’ Mulava nimwanyaanza, ngano mwakasangaye kigira nziza ku Baba; kigira aveeye munene ligali kuvita inzi.

Yohana 16:10

Vaveeye avadamanu kolondekana nu vulungi, kigira nziza ku Baba na munyi simulandola kandi mba.

Yohana 16:16

“Hatigaye hakekeke munyi si mulandola kandi mba, kandi hatigaye hakekeke munyi mulandola.”

Yohana 16:30

Kalunu kunyi kumanyi ndi ivi umanya vindu viosi kandi avula ho okoteeva amateeva. Kulwayago, kusuuviranga ndi waatura ku Nyasaye.”

Yohana 16:5

“Navuzwa kalunu nzizanga ku uyu uwanduma nitali siali ho numulala ku munyi ondeva uwanziza mba.

Yohana 17:11

Kalunu inzi nziza ku ivi; Simbeeye kandi mu kivala mba, navuzwa yavo vaveeye mu kivala, Baba Mutakatifu! Uvalindi vulahi kunangwa vaduuki kuva kindu kilala kuli kunyi koveeye kindu kilala.

Yohana 17:13

Kunangwa nziza ku ivi, na mali kovora vindu yivi lwa ngikiri mu kivala, kunangwa vaduuki kwizura uvusangari vwange mu mioyo jaavo.

Yohana 17:5

Baba! Ombe vukumi imbiri woovo kalunu, vukumi vulala vwene vwa ndaali navwo harara niivi lirova nilikikiri kolombwa.

Yohana 8:14

Yeso yavativulira, “Kali niiva nzelolekiza inzi mwene, lilolekiza liange liveeye lia agiligali kigira inzi manyi wandatula nu wanzizaa. Navuzwa munyi simumanyi wandatula kandi wanzizaa mba.

Yohana 8:42

Yeso yavavolera, “ Nyasaye alava Baba winyu, ngano mwayinyanza, kigira ndaatula ku Nyasaye na kalunu mbeeye hano. Sindaaza ku vunyali vwange mwene, navuzwa Nyasaye yanduma.