Yohana 16:21 - KITABU KITAKATIFU

²¹ Ing'inga yu mukali alumwa aveeye novovereri kigira ing'inga yuvusaliri iduuki; navuzwa niyakamara kwivura umwana, siyizuliza kandi uvusaliri yivwo mba kigira vuyanzi vwu mwana wivuliiywi mu kivala.

Yohana 16:21 Iomraidhean Croise

Litanga 3:16

Yahova Nyasaye yavolera mukali, “Inzi ndaameeda uvudinyu kuive muing'inga ya oveeye ninda kandi ndaameeda vuzunu kuyaga goosi mu livula avana. Ulava ni liegomba musaza woovo, kandi alakwamiiha.”

Ayubu 11:16

Maku ulivilira uvudinyu vuvwo vwosi, ulavwizuliza kuli amazi gimbula agaamali kuvita.

Zaburi 113:9

Aheezaa mukali mugumba uluyali hango hehe. Amukolaa asangale ku linyola avana; Mwizominye Yahova.

Isaya 13:8

Vosi valava nu uvuti kandi valava nu vuzunu, kuli mukali aveeye mu vuzunu vwililumwa liu mwana. Vuli mundu alahenza wache nuvuti, kandi valava mu zisoni.

Isaya 21:3

Aga ndalora nukuhulira mu malola gamali koleta uvuti vonene kandi uvuzunu vwizuli mu inzi; uvuzuunu vululu kuli vwu mukali oveeye mu lilumwa liu kwivura.

Isaya 66:7

“Lidaala linene litakatifu liange liveeye kuli mukali wiivula umwana vugira kuva ni lilumwa. Lilumwa nilikikiri kuduuka kuye, wiivuywi mwana muyayi.

Mika 4:10

Uzizagiliri kokenya nukukuba zikwiri, avandu va Jerusalemi, kuli mukali wiivula, kulwakalunu mulatula mu lidaala linene nokomenya ichova mukivala chere. Mulazia mu kivala cha Babiloni, navuzwa Yahova alamukinga ku avasigu vinyu.

Mika 4:9

Kigira ki mwaniraa vudinyu ligali? Kigira ki mukubaa kivi kuli mukali oveeye mulilumwa liumwana? Gaveeye kigira simuveeye nu mwami, na aviideri vinyu vaakuza?

Vagalatia 4:27

Mang'oda Matakatifu gavoora, “Usangale, ivi oveeye mukali mugumba. Hanzuka kandi uliri nu vuyanzi, ivi uwavula kuhulira uvuzunu vwi lilumwa liu mwana. Kigira mukali walekwa alakave na avana vanyingi kuvita va uyu uwavula kolekwa nu musaza weve. ”

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.