Yohana 16:20 - KITABU KITAKATIFU

²⁰ Agiligali muvooleraa, munyi mulalira nu kusioma, navuzwa avumukivala valasangala; mulaverera, navuzwa ovovereri vwinyu vulagirung'ana kuva uvusangari.

Yohana 16:20 Iomraidhean Croise

Ayubu 20:5

uvusangari vwa avandu vachamu voveeye vwi ing'inga engekeeke.

Zaburi 30:11

Ivi umali kugirung'anyia ovovereri vwange kuva vusangali; umali kutuliza ho ovovereri vwange na ungumbirizi nuvusangali.

Zaburi 30:5

Uvutima vwivwe voveeye vuzwa ku ing'inga ngekeeke. Navuzwa uvulahi vwivwe vuhindiraa mihiga ni mihiga. Amaliga ganyala kwidoroka mu vudiku, navuzwa uvusangari vuuzaa mugamba.

Zaburi 97:11

Uvulavu vwaka ku vandu valungi, kandi uvusangari vwaka ku valahi ligali.

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Isaya 66:5

Muhuliri icha Yahova avoora, munyi avamutizaa nukumuhulira: “Kigira muveeye avasuuvirifu ku inzi, valala ku vandu vinyu vene vamudunyira na sivalava ni cha vamukola mba. Vamukolera kehenyahenye nivavoora; ‘Leka Yahova amanyie ovonene vwivwe na amuhonyie, kunangwa kuduuki kolola munyi nimusangara.’ Navuzwa yavo aveene valava muzisoni!

Jeremia 31:25

Inzi ndakahane zinguru kuyavo avaliva nivaluhi kandi ndakigutizi vuli mundu uliva mudedekere kigira inzara.

Matayo 21:38

Navuzwa lwa avalimi yavo valora umwana weve vavolerana, ‘Uyu niyie ulinyoola imiandu; gendi kumwiti, ma kuvuguli imiandu jije!’

Matayo 5:4

“Vaveeye nuvugasu avaveeye no vovereri, kigira valakaleminywe mioyo.

Marko 14:72

Nonoho, idaywa yalagula lwa kaviri. Hene yaho Petero yizuliza kuli Yeso yaali namuvooleye, “Idaywa nikikiri kulagula haali kaviri, ivi ulanyambakana haali kavaga.” Lwa Petero yizuliza amakuva yago, yavelera kandi natiguka maliga.

Marko 16:10

Maria Magadalena naye yazia navolera avalina va Yeso. Ing'inga yene yeyo vaali nivakisioma nu kulira;

Luka 22:45

Lwa yamala lisaala lilie, yazia ku aviigi veve, nanyoora vagona, nivaluhi kigira ovovereri.

Luka 22:62

Ahene yaho Petero yatura ichova nalira novovereri vunene.

Luka 23:27

Kiduma kenene cha vandu, vamulonda, vaali mu avakali valala vamusiomera nukumulilira ligali.

Luka 24:17

Yeso, yavateva, “Makuva ki ga muvooleranaa ni mugendaa?” Navo vasingira makiriri muligenya nomuvovereri.

Luka 24:21

Navuzwa kunyi kwaali ni kwasuuvira ndi, niyie ulihonyia Isiraeli. Kuvita goosi, kutura ing'inga yi vindu yivi viakolwa, kalunu ni lidiku lia kavaga.

Luka 6:21

“Muveeye nu vugasu avaveeye ninzara kalunu; kigira mulakutizwa!” Muveeye nuvugasu avaliranga kalunu; kigira mulakaseke!

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Yohana 16:6

Kandi kalunu kigira mali kumuvolera yaga, mioyo jinyu jizuyi ovovereri duu.

Yohana 20:20

Lwa yamala kovora yaga, yavamanyia zimbara mu makono geege kandi mu zimbalu mwimwe. Aviigi veve vayaanza ligali kolola Mwami.

Vikolwa 5:41

Kunangwa avatumwa vaatura mu kiyaalo ni vayaanza ligali kigira Nyasaye yalora sivadukanaa kuvikwa mu zisoni kigira lieta lia Yeso mba.

Varumi 5:11

Si gaveeye yaga geng'ine, navuzwa kandi kusangara mu Nyasaye kuvitira mu Mwami wiitu Yeso Kristo, umali kukuhambanyia na Nyasaye.

2 Vakorintho 6:10

kali nikovererizwa, koveeye nu vusangali kazozo; kololeka kuli avadaka, navuzwa kokoraa vanyingi kuva vatugi; kololekaa kuli avataveeye ni kindu, navuzwa koveeye ni vindu viosi.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

1 Vatesalonike 1:6

Mwiga ku kunyi kandi kutura ku Mwami, kali niiva mwasalirizwa ligali kuvita, mwanyoola likuva nu vusangali kutura ku Roho Mutakatifu.

Yakobo 1:2

Avaamitu vange, mwiganagane aveene kuva nu vusangali, lwa amagerizu zing'ano ziosi gaaza ku munyi.

Yudasi 1:24

Kalunu uyu, unyala kulinda munyi muvuli kugwa, nu kumusingiriza imbiri wu vukumi vwivwe vugira imbara mu uvusangari ovonene,

Likunula 11:10

Avandu vamenya mu lirova, valayanzizwa nu kusangara ku likuza liavo kandi valahaanilana vihaanwa kigira avaporofeti vaviri yavo avaleeta uvusaliri ovonene ligali ku avandu vamenya ku lirova.

Likunula 18:7

Kigira uvusaliri uvunyingi no ovovereri, kuli uvukumi ni lieyaanziza lia liehaanira iliene. Liamenya ni lievolera iliene: ‘Ku nzikaye hano, inzi mwamihi wi kikali! Simbeeye mukunzakali mba sindakamanyi ho ovovereri vutangiraa!’