Yohana 16:2 - KITABU KITAKATIFU

² Avandu valamukunga kutura mu masinagogi gaavo; kandi ing'inga ilakaduuki lwu mundu woosi umwitaa munyi alaganagana ndi mulikola yaga atumikiraa Nyasaye.

Yohana 16:2 Iomraidhean Croise

Isaya 65:5

Maku, vavoola ku vandi, ‘Mutisuunda ahimbi ni kunyi mba; kigira koveeye avatakatifu ligali kuvita munyi!’ Inzi sinyala kwikuzira ku avandu kuli yava mba. Uvutima vwange voveeye kuvo kuli umwochi mu muulu gange, kandi muliru gwakaa lidiku liosi.

Isaya 66:5

Muhuliri icha Yahova avoora, munyi avamutizaa nukumuhulira: “Kigira muveeye avasuuvirifu ku inzi, valala ku vandu vinyu vene vamudunyira na sivalava ni cha vamukola mba. Vamukolera kehenyahenye nivavoora; ‘Leka Yahova amanyie ovonene vwivwe na amuhonyie, kunangwa kuduuki kolola munyi nimusangara.’ Navuzwa yavo aveene valava muzisoni!

Danyeli 11:33

Aviimiliri vageri va vandu valakasange vogeri vwavo na vandi vanyingi. Navuzwa ku ing'inga engekeeke valala kuvo valakitwi mu vulwani anoho valakasambwe kuduuka ku likuza, na vandi valakanuulwi kandi valakakolwe avahambe.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 24:9

“Maku ing'inga yeyo mulakagumirwi, mudambizwi kandi mwitwi. Zihiiri ziosi zilakamusuli kigira ilieta liange.

Luka 6:22

“Muveeye nu vugasu munyi lwa vandu vamuduu nyira niiva musuraa nukumunyega, nukumwononyira lieta Mwana wa Adamu.

Yohana 12:42

Kali ndio, avanyingi ku avanene va Avayuda vasuuvira mu Yeso. Navuzwa, kigira liitia Avafarisayo, si viyama havulavu ndi vamusuuvira mba, gase valakungwa mulisinagogi.

Yohana 16:25

“Inzi mali kumuvolera mu zing'ano. Navuzwa ing'inga yiza lwa ndivuura komoloma kandi ni munyi muzing'ano, navuzwa ndavavolera havulavu aga Baba.

Yohana 16:32

Ing'inga yiza, kandi imali kuduuka, lwa munyi mwosi mulisalanywa sa mulala yengo weve, nainzi ndakatigale nzieng'ine. Navuzwa inzi simbeeye nzieng'ine mba, kigira Baba aveeye harara ninzi

Yohana 4:21

Yeso yamuvolera, “Mukali, usuuviri inzi; ing'inga yiza lwa avandu valivula kusigamira Baba mu Kiguru yiki anoho mu Jerusalemi.

Yohana 4:23

Navuzwa ing'inga yiza kandi imali kuduuka, lwa vandu vasigamira; Baba mu Roho kandi mu agiligali yava nivo vandu va Baba yenya vamusigamiri.

Yohana 9:22

Aviivuli veve vavoola ndio kigira vaatia avanene va Avayuda kigira avanene yavo vaali nivavugilirizani ndi mundu woosi uwiyama havulavu ndi asuviraa Yeso kuva Mesia, alakungwa kutura mu Lisinagogi.

Yohana 9:34

Vaamutivulira, “Ivi wivulwa kandi nuvilukizwa mu wvoni vonene, unyala ndi kwigiza kunyi?” Maku vamukunga kutura mu lisinagogi.

Vikolwa 5:33

Lwa avandu vosi avaari mu kiyaalo vahulira yaga, vavihilirwa ligali kali nivenya viiti vatumwa.

Vikolwa 7:56

Yavoola, “Heenzi! Ndolaa ligulu ni likunuliywi, nu Mwana wa Adamu usingiyi ha mukono mulungi gwa Nyasaye!”

1 Vakorintho 4:13

Lwa kuginangwa, kutivula vulahi novogoosi. Kuduuka lero, kokoleywe vuzwa kuli amandu gi lirova. Kufananyiywi kuli vandu vataveeye no vokonyi kandi avadamanu ligali.

Vafilipi 3:6

kandi ndaali nu uvugulu mu lidambiza likanisa ligali neembodoka. Kolondekana ni imiima ju vulungi vwi Lilaga, inzi sindanyoolwa ku nimbala kali hakuzu mba.

Likunula 6:9

Maku Mwana wi Ligondi yaavoholora umuhuri gwakatano, ndaalora hasi hu vwali, imioyo ja yavo aviitwa ni kivavi kigira vilwaza likuva lia Nyasaye kandi kigira vaali avasuuvirifu mu lilolekiza liavo.

Vakalagi 6:30

Maku avandu vi lidaala vavoolera Joashi, “Leeta umwana woovo aduuki kukuza, kigira yaakotemanyia nukusambula uvwali vwa Baali nikifananyi cha Ashera.”