Yohana 16:13 - KITABU KITAKATIFU

¹³ Navuzwa, lwa Roho aliiza, ulivolaa agiligali kigira Nyasaye, alakamwimiliri mu agiligali goosi; sialakamoloma ku vunyali vwivwe mwene, navuzwa alakamuvoolere goosi aga yahulira, kandi alakalandizi havulavu ivindu viliekoleka.

Yohana 16:13 Iomraidhean Croise

Isaya 11:2

Roho wa Yahova alava harara naye. Roho wovogeri ni limanyiriza; Roho wukwidera kandi wizingulu, Roho wilimanyiliza kandi wukutia Yahova.

Joeli 2:28

“Lwinyima ndaleta Roho wange ku avandu vosi: avana vinyu vayaayi na vakana valaporofeta avakulundu vinyu valalota amalooto, kandi vasoleri vinyu valalola malola.

Yohana 12:49

Inzi simbolaa kuvunyali vwange mwene, navuzwa Baba wanduma niyie uwaamba aga ndukanaa mbore kandi molome.

Yohana 14:17

Oyo ni Roho ovolaa agiligali ga Nyasaye. Avumukivala sivanyala kumuvugilira kigira sivanyala kumulora anoho kumumanya mba. Navuzwa munyi mumumanya kigira amenyaa ni munyi kandi alakave mu munyi.

Yohana 14:26

Navuzwa, uyu Mukonyi, Roho Mutakatifu, wa Baba alituma mu lieta liange, alakamwigizi vindu viosi kandi kumwizuliza goosi aga ndamuvolera.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 15:26

“Lwa Mukonyi aliiza uwandituma ku munyi kutura ku Baba, naye ni Roho wagiligali uturaa ku Baba, alakave mulolekizi wange.

Yohana 16:12

“Ngikiri na makuva manyingi ligali gu kumuvolera, navuzwa simunyala kugagumira kalunu mba.

Yohana 3:32

Oyo ovola aga yalora na aga yahulira, navuzwa sihaveeyeho nu mundu uvugilira amakuva geege.

Yohana 8:38

Inzi mboraa aga Baba amali kumanyia, navuzwa munyi mukoraa aga vaguuga vinyu vamuvolera.”

Vikolwa 11:28

Kunangwa mulala kuvo walangwa Agabo yasingira; na ku zinguru zia Roho, yalolekiza ndi inzara enene ilaaza mu lirova liosi. Inzara yeyo yaza maku ing'inga ya Kilaudia yaali niyamiha.

Vikolwa 20:23

Navuzwa icha manyi ni yiki, Roho Mutakatifu yanziganihizaa ndi mu madaala goosi livofwa ni lidambizwa nivio vinindiliyi.

Vikolwa 27:24

Yamboleeye, ‘Paolo, utatia mba! Gakuduukiraa kusingira imbiri wa Kaisari; kandi Nyasaye, mu vulahi vwivwe ku ivi, umali kukuha yava vosi oveeye harara navo uvahonyie.’

2 Vatesalonike 2:12

Kunangwa vosi avavulanga kusuuvira agiligali, navuzwa nivayaanza kokora uvwoni vakalagirwa.

2 Vatesalonike 2:3

Mutaleka umundu kali mulala amugaade munzira yoosi. Kigira Lidiku yilio si lilaaza, kuduuka uvwibaali vwukumaliriza vwekoleka kutanga, kandi Muchamu aloleke, uwakalagirwa kuzia kudivizwa mu gehena.

Vahebraina 1:1

Mu zing'inga zia kale, Nyasaye yavolerana na vaguuga viitu haali kanyingi muliiva lugano lugano kuvitira mu vaporofeti.

1 Yohana 2:20

Navuzwa munyi mumali konyoora Roho Mutakatifu watura ku Kristo, na mwosi mumanya agiligali.

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.

1 Yohana 4:6

Navuzwa kunyi koveeye ava Nyasaye, kandi umundu woosi umanyi Nyasaye ahuliraa kunyi, navuzwa oyo utaveeye wa Nyasaye sia kuhulira mba. Ku yaga kumanya Roho wa giligali na roho wu vugadi.

1 Yohana 5:6

Yeso Kristo niyie waza na amazi gi libatizwa lilie. Kandi namasahi gi likuza lilie. Siyaaza na amazi geng'ine, navuzwa na amazi kandi na masahi gilikuza lilie. Roho mwene niyie ololekizaa ndi yaga gaveeye agiligali kigira Roho aveeye giligali.

Likunula 1:1

Kitabu yiki keveeye livuula lia Yeso Kristo, lia Nyasaye yamuha, aduuki kumanyia avatumikiri veve, agazizaa kwekoleka vwangu. Yakola ivindu yivi vimanyikane ku mutumikiri weve Yohana lwa yatuma engelosi weve kuye.

Likunula 1:19

Kunangwa ng'oda ivindu via ololaa; ivindu viveeye ho, kandi ivindu viliva ho ulwi inyima.