Yohana 16:11 - KITABU KITAKATIFU

¹¹ Vaveeye avadamanu ku likalaga, kigira Nyasaye umali kukalagira umwamihi wa avumukivala yiki.

Yohana 16:11 Iomraidhean Croise

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Zaburi 68:18

Yanigiraa igulu mwigulu navugura avahambe va yalaanya vanyingi harara naye, avugulaa vihaanwa kali kutura ku vibaali. Yahova Nyasaye alamenya ho.

Matayo 12:18

“Henza uyu aveeye mutumikiri wange wa ndaatovora; muyanze wange, wu mwoyo gwange guyaanzaa. Inzi ndakatumi Roho wange kuye, naye alakalandizi likalaga liange liuvulungi ku zihiiri ziosi.

Matayo 12:36

“Muve ni lisuuvira ndi, ku Lidiku lie Likalagirwa sa mulala alahaana ilivaliza lia vuli likuva lia yativura.

Luka 10:18

Yeso yavativulira, “Ndaalora Setani niyaguluka kutura mwigulu kuli oloheni.

Yohana 12:31

Kalunu ni ing'inga yi likalagirwa lia avumukivala yiki. Kalunu Mwamihi munene wikivala yiki alakungwa.

Yohana 14:30

Sinyala komoloma ni munyi kandi ing'inga indambi mba, kigira Mwamihi wikivala yiki yaazaa.” Siaveeye nuvunyari ku inzi mba.

Yohana 16:12

“Ngikiri na makuva manyingi ligali gu kumuvolera, navuzwa simunyala kugagumira kalunu mba.

Vikolwa 10:42

Yakulaga kwilwaziri avandu vosi Ivangeri ya Nyasaye, no kololekiza ndi uyu niyie wa Nyasaye yatovola ave mukalagi wa vaveeye mwoyo na vakuzu.

Vikolwa 24:25

Navuzwa lwa Paolo yaatanga kwivaala ku uvulungi, uvwilindi kandi likalaga lizaa, Felikisi yizula uvuti vunyingi, kandi yativura navoora, “Tanga uzie kulwa kalunu. Lwa nanyoole vwiyangu, naangulange.”

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Varumi 16:20

Nyasaye wi mirembe sialalindagilira kusionolanyia Setani isi wi virenge vienyu mba. Zimbavasi ziu Mwami wiitu Yeso Kristo zive ni munyi.

Varumi 2:16

Ku lwa yago, kolondekana ku Ivangeri ya nzilwazaa, nindio galiva ku Lidiku yilio lwa Nyasaye kuvitira mu Kristo Yeso, alikalagira zing'anagani ziaviswa ziosi zia vandu.

1 Vakorintho 4:5

Kunangwa mutakalagiri mundu wundi woosi ing'inga nikikiri kuduuka mba. Likalaga liu kumaliriza kuduuka lilindi lwu Mwami yaza. Alalang'aminya havulavu ivindu viaviswa viosi viu mu kisundi kandi alamanyia havulavu viaviswa mu zing'anagani zia vandu. Maku vandu vosi valakanyore lizoinywa lidukanaa navo kutura ku Nyasaye.

2 Vakorintho 4:4

Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Vakolosai 2:15

Kristo uguuti roho jamiihaa vwerefu ni lirova kandi uvunyali vwosi uvivuuyi havulavu, uvimiliyi kuli vahambe mu liguuta lilie.

Vahebraina 2:14

Kigira avana, kuli avalangaa, vaveeye vandu vuzwa vu muviri na masahi, kandi ndio Yeso mwene yaali kuli vo, naasanga mu liiva liavo liu muviri vuzwa. Yakola ndio kunangwa, kuvitira mu likuza lilie aduuki kudiviza Setani, oyo oveeye nizinguru zie likuza.

Vahebraina 6:2

kandi gwa migizu gi libatiza na gi livikwa ku makono mba; nagilisimuguka lia vakuzu kandi likalagirwa lie mihiga ni mihiga.

Vahebraina 9:27

Mundu woosi kuduuka akuzi lulala vuzwa, kandi lwinyima aduuki kukalagirwa na Nyasaye.

2 Petro 3:7

Navuzwa ligulu ni lirova, viveeye ho kalunu viviikiywi nililago lilala liere lia Nyasaye viduuki kudivizwa nu muliru. Viviikangwa kuduuka ku lidiku lie likalaga no kudivizwa kwa vandu vatamanyi Nyasaye.

1 Yohana 3:8

Navuzwa uzizagilira kokora uvwoni aveeye wa Setani, kigira Setani yamalakokola uvwoni kutura mu litanga liene. Kivuni chagira umwana wa Nyasaye niyazaa mu lirova, keveeye ndi aduuki kudiviza miyinzi ja Setani.

Likunula 1:7

Henza! Yazaa mu amalesi kandi avandu vosi valamulola, harara na yavo vosi avamwita. Avandu vosi vi lirova valakasiomere kuye kigira agavamukolera. Nindio galiva Amini.