Yohana 15:25 - KITABU KITAKATIFU

²⁵ Navuzwa yaga gaveeye kuduukiza likuva liang'odwa mu Lilaga liavo: ‘Vandunyiraa vuzwa vugira kivuni.’

Yohana 15:25 Iomraidhean Croise

Zaburi 109:3

Vavoola ivindu vidamanu ligali ku inzi kandi vaanduliraa vugira kivuni.

Zaburi 35:19

Utaleka avasigu valulu vange kusangalira liguutwa liange mba. Utaleka yavo avandunyira vugira kivuni vaangunukiri kigira liverera liange mba.

Zaburi 69:4

Yavo avandunyira vugira kivuni, vaveeye avanyingi ligali kali kuvita liisu liu kumutwi gwange. Avasigu vange vavoola ovovehi ku inzi; vaveeye ni zinguru ligali kandi venya kunzita. Vamali konomba kali kwilanyia ivindu viandavula kwiva.

Zaburi 7:4

niiva ndakora uvudamanu ku mulina wange, anoho kulanya musigu wange vugira kivuni,

Matayo 10:8

Muhonyie avalwaye, mu simugukizi avakuzu, mutakase avagere, mukungi amademoni. Muheveywi vuzwa, na munyi muhaane vuzwa.

Luka 24:44

Yavavolera, “Yaga namakuva ga ndamuvolera ulwa ndaali ningikiri ni munyi: Vindu viosi viang'odwa mu Lilaga lia Musa kandi mu mang'oda ga vaporofeti nu muzaburi kigira inzi, nivulahi viduukizwi.”

Yohana 10:34

Yeso yavativulira, “Sigang'odwa mu Lilaga lienyu ndi Nyasaye yavoola, ‘Munyi muveeye avanyasaye?’

Yohana 13:18

“Yaga simbolanga ku munyi vosi mba. Inzi ndaamanya yavo avandatovola. Navuzwa gaduukanaa gadukizwi kuli Amang'oda Matakatifu gavoora, ‘Oyo waalia harara nainzi ugirung'ani kuva musigu wange.’

Yohana 19:36

Yaga gaakolwa kolomba Mang'oda Matakatifu gaduuki kuva agiligali, “Kigumba chiche kali kilala, si kilivunanywa mba.”

Varumi 3:19

Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye.

Varumi 3:24

Navuzwa ku zimbavasi zia Nyasaye, avandu vosi vakolwa valungi imbiri weve kuvitira mu Kristo Yeso uvavoholoraa.

2 Vakorintho 11:7

Ndilwaza ku munyi Ivangeri ya Nyasaye yo vohonyi vugira konyoora mitungu kutura ku munyi. Ndeegehiza umwene kunangwa muduuki konenehizwa. Ndaakola vudamanu, mu makuva yaga?

Vagalatia 2:21

Sisulaa zimbavasi zia Nyasaye mba. Mundu naava naakolwa mulungi imbiri wa Nyasaye ku Lilaga, gaveeye kovora ndi, Kristo yakuza vugira kivuni!

2 Vatesalonike 3:8

Kunyi sikwaalia chukulia chu mundu kali mulala vugira kutuunga mba. Navuzwa muvogono yivwo kwanyangana kandi nikuyinzira vudinyu. Kwazizagilira kuyinzira vudiku nu mbasu kunangwa kuvuli kumina mundu kali mulala ku munyi.

Likunula 21:6

Yambolera, “Gakoleywi! Inzi mbeeye Alufa na Omega, Litanga ne Keheri. Inzi ndaha uyu oveeye nuvuluhu ikisinukiruchaamazi gi livamwoyo, anwi vugira imituungu.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.