Yohana 15:24 - KITABU KITAKATIFU

²⁴ Niiva sindaakola vindu viu mundu wundi akikiri kokora ku hagati haavo, ngano sivakakoli vwoni mba; navuzwa kalunu vamali kolola kandi kunduyira harara na Baba wange.

Yohana 15:24 Iomraidhean Croise

Zaburi 81:15

Yavo avadunyiraa inzi Yahova vakasigami imbiri wange mu vuti; lihevwa amageri liavo liakahindiyi mihiga ni mihiga.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Tsing'ano 8:36

Yavo vatanyoolaa visalilizaa vene, ku woosi oveeye nu vusigu ninzi yayanza likuza.”

Matayo 11:5

Avavoku valora, avalema vagenda, avagere vatakaswa, na avahana amatu vahulira; avakuzu vasimugukizwa, na avadaka vilwazirwa makuva malahi ga Nyasaye.

Matayo 21:32

Kigira Yohana yaza ku munyi naamumanyia inzira yu vulungi, na munyi si mwamusuuvira mba. Navuzwa avasololi vuvusuuru na vaheyi vaamusuuvira. Kali lwa mwaali ni mwa kalola agene yago goosi, si mwiganira, nu kumusuuvira mba.”

Matayo 9:33

Ahene yaho, lwi lidemoni liali ni liakakungwa kutura mu umundu waali idimbidi oyo yaatanga komoloma. Avandu vagenya ni vavoola, “Amakuva kuli yaga gakiri kwekoleka ku mu Isiraeli.”

Marko 2:12

Nonoho yasingira navugura vogono vwivwe nazia chova vwangu wa avandu vosi vamulola avamumanya ni vagenya. Vakuminya Nyasaye ni vavoola, “Kukikiri kolola ku kindu kuli yiki mba!”

Luka 24:19

Yeso yamuteeva, “Ni vindu ki?” Navo vativura, “Vindu viekoleka ku Yeso wa Nazareti, uwaali muporofeti, wizingulu ziu kokora nokovoora imbiri wa Nyasaye kandi imbiri wa vandu vosi.

Yohana 10:32

Yeso yavavolera, “Mali kumumanyia miyinzi minyingi milahi kutura ku Baba. Ni guliha ku yijo gwa munyalagia mundase amagina?”

Yohana 10:37

Niiva singolaa miyinzi ja Baba wange, mutasuuviri mba.

Yohana 12:10

Kunangwa, Avasaalisi vanene valohiza zing'anagani viiti Lazaro kandi.

Yohana 12:45

Olola inzi alolaa kandi oyo uwanduma.

Yohana 14:9

Yeso yamuvolera, “Filipo, menyi nimunyi zing'inga yizi ziosi, na ivi ukikiri kumanya? Uyu umali kolola inzi, aloli Baba. Kigira ki ovola ndi: ‘Kumanyie Baba?’

Yohana 15:21

Navuzwa yaga goosi valamukolera kigira ku lieta liange, kigira sivamanyi oyo uwanduma mba.

Yohana 15:22

Ndaavura kuuza komoloma navo, ngano sivakora vwoni mba; navuzwa kuli gaveeye kalunu, sivaveeye niliverererwa ku vwoni vwavo mba.

Yohana 15:23

Oyo udunyiraa inzi, adunyiraa Baba wange kandi.

Yohana 16:9

Vandu vaganagana vudamanu kigira vwoni, kigira vavura kusuuvira inzi.

Yohana 3:2

Lidiku lilala yaza ku Yeso vudiku, namuvolera, “Rabi, kumanyi ivi oveeye mwigizi watura ku Nyasaye, kigira avulaho mundu unyala kokora vilolekizu via okolaa yivi, Nyasaye nataveeye harara naye.”

Yohana 5:36

Navuzwa lilolekiza lia inzi mbeeye nalio liveeye linene kuvita lia Yohana. Kigira miyinzi ja Baba yamba malirizi, nijo miyinzi jimanyia ndi Baba niyie wanduma.

Yohana 6:36

Navuzwa kuli ndaamuvolera ndi mumali kondola, navuzwa mukiri kusuuvira inzi.

Yohana 7:31

Navuzwa avanyingi mu kiduma vamusuuvira, nivavoora, “Lwa Mesia aliiza, alakakole vilolekizu vinyingi kuvita viu mundu uyu amali kokora?”

Yohana 9:32

Kutura mulitanga lie livoora, gakiri kuhulirika ku mundu ku vosi uwahonyia mundu uwivulwa mboku mba.

Yohana 9:41

Yeso yavativulira, “Mulava ni mwakaveeye avavoku, ngano si mwakaveeye nuvwoni; navuzwa kigira munyi muvooraa, Kunyi kololaa, yaga gavoora mukikiri voni.”

Vikolwa 10:38

Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.

Vikolwa 2:22

“Munyi avandu va Isiraeli, muhulirize amakuva yaga! Yeso wa Nazareti, yaali mundu wa Nyasaye yalang'aminya ku munyi ku vikolwa viokogenyia, na vie zinguru ni vilolekizu. Nyasaye yakolera vindu yivi muye hagati hinyu kuli munyi aveene mumanyi.

Varumi 1:30

kandi vahuzirizaa, avandu vu kuvihilira Nyasaye, avatindi, avelori, avukwiyizominya, avigingiri, avakongi vi vindu vidamanu, na avatahuliraa aviivuli vaavo;

Kwidzulitsa 5:9

Mutinamiri vifananyi ku viosi anoho mukisigamiri mba, kigira Inzi mbeeye Yahova Nyasaye winyu, mbeeye Nyasaye wilikendeka uhaanaa mageri ku vana kigira vwoni vwa vababa vaavo. Mbana amageri ku yavo avandunyira kandi ku ivisukulurwi viavo kuduuka ku likula lia kavaga kandi lia kane.

Yakobo 4:4

Munyi avandu avataveeye vasuuvirifu! Simumanyi ndi kuva umulina wi lirova, gaveeye kovora kuva musigu wa Nyasaye? Woosi owenyaa kuva umulina wi lirova yekolaa umusigu wa Nyasaye.