Yohana 15:20 - KITABU KITAKATIFU

²⁰ Mwizurizi likuva lia ndamuvolera: ‘Mutumwa siaveeye munene ligali kuvita mwami weve mba.’ Niiva vadambiza inzi, valadambiza munyi kandi; niiva vahulira likuva liange, valahulira lienyu kandi.

Yohana 15:20 Iomraidhean Croise

Ezekieli 3:7

Navuzwa siaveeye ho kali mulala ku vandu va Isiraeli uwaza avugiliri kukuhulira mba; kali si vanyara ku mbulira mba. Vosi vaveeye avahindagirizi kandi avataveeye vahuliri.

Matayo 10:24

“Umusomi siaveeye munene kuvita mwigizi weve, anoho mutugwa siaveeye munene kuvita mutugi weve mba.

Marko 10:39

Va mutivulira “ Kunyala.” Yeso yavavolera, “Kekombe cha nwezaa mulanwa ligali, na mulabatizwa libatizwa liu vusaliri kuli ndibatizwa.

Luka 2:34

Simioni yavagasiza navolera Maria, mama weve, “Henza mwana uyu otovoleywi na Nyasaye, kigira lidivizwa kandi lihonywa lia vandu avanyingi mu Isiraeli. Naye alava kilolero kutura ku Nyasaye, cha vandu valakasuuli,

Luka 6:40

Musomi siavitaa mwigizi weve mba, navuzwa musomi woosi niyakamara kwigizwa alava kuli mwigizi weve.

Yohana 10:31

Maku Avayuda vaavugura amagina vamulase kandi.

Yohana 11:57

Avasaalisi vanene na Avafarisayo vaali nivahaani malago ndi, niiva mundu amanyi havundu ha Yeso aveeye, avavoolere, kunangwa vaduuki kumugumira.

Yohana 13:16

Muvooleraa agiligali, mutugwa siaveeye munene ligali kuvita mwami uwamutuga mba. Anoho mutumwa siaveeye munene kuvita uwamutuma.

Yohana 5:16

Kunangwa Avayuda vatanga kudambiza Yeso kigira yaali namali kohonyia umundu ku lidiku lie Lisabato.

Yohana 7:32

Avafarisayo vahulira avandu nivamonya Yeso. Kunangwa, Avafarisayo harara na avasaalisi vanene vatuma avasikari kumugumira.

Yohana 8:51

Agiligali muvooleraa, ugumira amigizu gange sialakuza mba.”

Yohana 8:52

Avayuda vamuvolera, “Kalunu kumanyi agiligali ndi ivi oveeye ni lidemoni! Aburahamu yakuza, kandi avaporofeti vaakuza, navuzwa ivi ovola, ‘Ku vosi ugumira amigizu gange sialakuza mba!’

Yohana 8:59

Kunangwa vadoola amagina nivenya vamulase, navuzwa Yeso yiivisa, natura mu Litembeli.

Vikolwa 14:22

Vadinyiriza mioyo ja vandu avasuuviraa va madaala yaga, nivavameeda zinguru vamenye ligali mu lisuuvira. Vavavolera, “Gakuduukiraa kunyi kwosi kuvitiri mu vusaliri vonene kuduuki kwingira mu Vwami vwa Nyasaye.”

1 Vakorintho 4:12

Kuluhaa ligali ku likora miyinzi midinyu na makono giitu aveene. Lwa vandi vakulaamaa, kunyi kuvagasiza; lwa kudambizwa, kwikuziraa.

2 Vakorintho 4:9

Avandu vanyingi vakudambiza, navuzwa Nyasaye siakolekaa mba. Kali nikozomazomwa hasi kazozo sikudivizwa mba.

1 Vatesalonike 2:15

aviita Mwami Yeso kandi vaporofeti kandi nivadambiza kunyi. Sivayaanziza Nyasaye mba, kandi vaveeye avasigu ku avandu vosi.

1 Samweli 8:7

na Yahova yavoola, “Uhulirize ku vindu viosi via vandu vakovolera. Siaveeye ivi wa vamali kwambakana, navuzwa inzi niyie wa vamali kwambakana kuli Mwami wavo.