Yohana 15:2 - KITABU KITAKATIFU

² Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Yohana 15:2 Iomraidhean Croise

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Zaburi 92:14

Avaamaa makuyu mu vusakulu vwavo, kandi vaveeye kuli amatu mavisi kandi agizingulu.

Tsing'ano 4:18

Inzira ya valungi vagenda ku eveeye kuli litongaa lie liuva, enyooraa vulavu vuli ing'inga kuduuka lwu mbasu gwakaa.

Isaya 27:9

Navuzwa uvwoni vwa Isiraeli vulakasamifwi vuzwa lwa magina guvwaali vwi vifananyi galisievwa kuli ichoka, kandi uvwali vwi vimuli anoho vifananyi viu munyasaye wikikali Ashera vilivula kulekwa.

Isaya 29:19

Avahocha valasangala vuhia mu Yahova; avadaka valasangala mu Nyasaye Umutakatifu wa Isiraeli.

Danyeli 11:35

Valala ku vimiliri vageri valakitwi, navuzwa kigira yaga vandu vanyingi valakatakaswe. Yiki kilakazizagiliri kuduuka lwe keheri kilakaduuki, ing'inga ya Nyasaye amali kotovola.

Hosea 6:3

Gendi kwenyelerizi kumanya Yahova. Alaza kukunyi kuli iliuva litongaa mugambazuri, kandi kuli imbura yu lunyilira kandi kuli imbura yi ing'inga yi lisembera ikubaa ku lirova.”

Malaki 3:3

Alakaze kukalaga kuli mundu atulaa kandi aselezaa ifeza. Mutumwa wa Yahova alakatakase vasaalisi kuli muturi atulaa ifeza ni izahabu kunangwa vaduuki koletera Yahova vihaanwa viduukana.

Matayo 13:12

Kigira ku vosi oveeye ni kindu alahevwa ivindi nokomeedwa; navuzwa ku vosi utaveeye nacho, alanyagwa kali icha aveeye nacho.

Matayo 13:33

Yeso yavavolera lugano lundi: “Uvwami vwu mwigulu voveeye kuli amamera gu mukali yavugula nazuganyia mu kihinda chu vusie, kuduuka ni vugwa amamera vwosi ma nivuvimba.”

Matayo 15:13

Navuzwa Yeso yativura navoora, “Kitagwa choosi cha Baba wange wu mwigulu atasimika kiliifwa.”

Matayo 21:19

Yalora mukuyu kunyasi kwi inzira, maku yazia kugwo, navuzwa si yanyoora kindu kugwo mba, nigatali amatu geng'ine. Yagovoolera, “Utama kandi amakuyu mihiga josi mba!” Ahene yaho, mukuyu gwaniala.

Matayo 25:29

Kigira uyu oveeye navio, alahevwa ivindi, navuzwa uyu utaveeye ni kindu, alanyagwa kali icha aveeye nacho.

Matayo 3:10

Kali kalunu imbaazi iviikiywi mu vitinya vie misaala. Musaala gwosi ugutaama makuyu amalahi gulatemagwa, ma goteevwe mu muliru.

Matayo 3:12

Aveeye ne kesesero chiche mumukono gwigwe. Kandi alalaviza oloze lwilwe ligali, nuvuswage alateera mu kedeera, navuzwa umukuzi alagusaamba nu muliru gutasimikaa.”

Matayo 7:19

Ku misaala josi, ugutama makuyu malahi gulatemagwa nokoteevwa mu muliru.

Marko 4:20

Navuzwa avandu vandi vaveeye kuli uvuguza vugwizaa mu marova magunamu. Vahuliraa ilikuva, valivugilira, kandi vaama amakuyu: avalala salasini, avandi sitini, na avandi mia.”

Luka 8:13

Uvuguza vwagwa ku marova guuku lwanda ni yavo avavuguraa likuva nuvuyanzi. Navuzwa sivaveeye nimiri mba; vasuuvira vuzwa ku ing'inga ngekeeke, navuzwa lwi ing'inga ya magerizu iduuka, vaatura ku lisuuvira.

Yohana 15:1

“Inzi mbeeye muzabibu gwiligali, na Baba wange niyie musimiki.

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Yohana 15:3

Munyi mumali kokolwa avanifu kigira makuva gandamuvorera.

Yohana 15:6

Mundu uvula komenya mu inzi, alateevwa ichova kuli lusia lusuvwa ichova ma lwuma. Avandu vavungiza zisia kuli yizio ma vazita mu muliru ziduuki kuhia.

Yohana 15:8

Vukumi vwa Baba wange vumanyiangwa ku liama makuyu lienyu, kandi munzira yiyi mugwizaa aviigi vange.

Yohana 17:12

Lwa ndaali navo ndavalinda vulahi kuzinguru zie lieta liilio, lieta lia wamba. Ndaavalinda, kandi avulaho kali mulala wagota ku yavo nataveeye oyo mwana wu vudivi, uwalagilwa kogota; kunangwa agang'odwa mu Mang'oda Matakatifu gaduuki kuduukizwa kuva agiligali.

Varumi 11:17

Yee, zindala ku zisia ziu muzeituni gwu mulimi gwa vasembeleraa zimali kuvunagwa, na mu vwiyangu vwazio, munyi iziisia zia muzeituni gwu mu mulitu zimali kuhambanywa kugwo, munyi avandu vi zihiiri zindi ni munyi avaveeye kuli iziisia zia muzeituni gwu mulitu, na kalunu musangaa harara na Vayuda livamwoyo liumu Roho lie zinguru.

Varumi 11:22

Kunangwa, wizulizi uvulahi, kandi uvululu vwa Nyasaye. Aveeye mululu ku yavo avamali kugwa, navuzwa uvulahi vwa Nyasaye voveeye ku ivi niiva ulazizagilira mu vulahi vwivwe. Nigataveeye ndio, ivi kandi ulahalulwa.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

1 Vakorintho 13:1

Kali nimba nimoloma mu zinimi zia vandu kandi zie zingelosi, navuzwa nindaveeye nu vuyanzi, mbeeye vuzwa kuli umugasa gulangiliraa anoho vikuli visaara vuzwa.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 12:15

Mwilindi ku lirana inyima kutura ku zimbavasi zia Nyasaye. Mutaleka mulala ku munyi ave kuli kitagwa kilulu ichakaviruka ma chaleeta uvudinyu, ni sumu yacho mba.

1 Yohana 2:19

Vaatura kukunyi, navuzwa sivali mu lisanga lietu mba. Valava nivaali mu lisanga lietu ngano vamenya ni kunyi. Navuzwa vaatura ku kunyi ku vaduuki kumanyikana havulavu kuva, vosi sivaveeye kukunyi mba.

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.