Yohana 15:16 - KITABU KITAKATIFU

¹⁶ Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Yohana 15:16 Iomraidhean Croise

Litanga 18:18

Visukululwi vivie vilakave ihiiri enene kandi yi zinguru. Kuvitira muye, inzi ndakagasizi zihiiri ziosi.

Zaburi 145:4

Miyinzi jijo jilizominywa kutura ku likula kuduuka ku likula, valalandiza vikolwa vivio vinene.

Zaburi 71:18

O, Nyasaye, kalunu lwa mbeeye musakulu, niliisu liange liveeye zimbuzi utaandeka mba! Ove harara ninzi lwa nandizaa amakuva gi zinguru kandi guvunyali vuvwo, ku makura goosi gaaza.

Tsing'ano 11:30

Uvulungi vuhaana livamwoyo, navuzwa kilage kitulizaho livamwoyo.

Isaya 27:6

Mu madiku gaaza avandu va Isiraeli, visukululwi via Yakobo, valahila imiri hasi kuli musaala, kandi valalaviza kimuli nukusivuka. Lirova liliizula makuyu garamaa.

Mika 5:7

Avandu va Isiraeli avalitigala valakave kuli lime litulaa ku Yahova, kuli ulunyilira ku vitagwa vivirukaa. Valeeleda ku Nyasaye, sivalakelede ku mundu mba.

Matayo 21:22

Ni muva ni lisuuvira, kindu choosi chamuteeva mu lisaala mulakenyoola.”

Matayo 7:7

“Musaale, na mulahevwa, mwenye, na mulanyola; mwigulihizi, na mu ligulirwa kiliango.

Luka 6:13

Lwa vwacha, yalanga aviigi veve kandi yatovola likomi na vaviri, avayaalanga avatumwa.

Yohana 13:18

“Yaga simbolanga ku munyi vosi mba. Inzi ndaamanya yavo avandatovola. Navuzwa gaduukanaa gadukizwi kuli Amang'oda Matakatifu gavoora, ‘Oyo waalia harara nainzi ugirung'ani kuva musigu wange.’

Yohana 15:19

Niiva mwakaveeye avandu vumukivala, ngano avumukivala vakayaanzi munyi, kuli avandu vaavo vene. Navuzwa kigira munyi si muveeye avumukivala, navuzwa ndamutovora munyi kutura mu avumukivala, kunangwa yiki nicho kivuni kigira avumukivala ni vamudunyira.

Yohana 15:5

“Inzi mbeeye Muzabibu, na munyi muveeye zisia. Mundu ku vosi omenya mu inzi, nainzi niimba muye, yamaa amakuyu manyingi, kigira vugira inzi simunyala kukola kindu kali hakuzu mba.

Yohana 6:70

Yeso yavavolera, “Sindaatovora munyi likomi na vaviri? Navuzwa mulala ku munyi ni Setani!”

Vikolwa 1:24

Kunangwa, vasaala nivavoora, “Mwami, ivi umanya mioyo ja avandu vosi. Ku lwa yago ukumanyie ni uliha ku avandu vaviri yava wa ivi otovooye,

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

Vikolwa 10:41

Navuzwa si yamulolekiza ku avandu vosi, navuzwa ku yavo ava Nyasaye yamala kotovola vave avalolekizi veve; navo ni kunyi va kwalia nu kunwa naye inyima wi lisimuguka lilie kutura mu vakuzu.

Vikolwa 22:14

Anania yavoola, ‘Nyasaye wa avaguuga viitu umali kokotovola uduuki kumanya uvulariri vwivwe, no kolola Mutumikiri mulungi weve, nu kumuhulira na amolomaa numwoyo gwigwe.

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

Varumi 1:13

Avaamitu vange, nyenya munyi mumanye ndi, ndalohiza haali kanyingi kuuza kumuluta, navuzwa sindaanyaliza mba. Ndakayanzi konyoora avalondi valahi kigira Kristo hagati hinyu kuli ndanyoora mu vandu vi Zihiiri.

Varumi 1:5

Kuvitira muye, Nyasaye yahaana ku kunyi zimbavasi kuva avatumwa kigira Kristo, kuduuki kwimilira nukulanga avandu vi zihiiri ziosi vaduuki kusuuvira nukutia.

Varumi 15:4

Vindu viosi iviang'odwa mu Mang'oda Matakatifu viang'odwa kwigiza kunyi, kuduuki kuva nilisuuvirizwa kuvitira mu liekuzira ni lizuvwa lia Mang'oda Matakatifu gakoheezaa.

Varumi 9:21

Kali ndio mundu olongaa zinyingu aveeye nu vulungi kutumikira lidohi kuli ayaanza, no kolonga zinyingu ziviri ku lidohi lilala liere; ndala ku litumika liu luyali, niyindi ku litumika lia kase.

1 Vakorintho 10:11

Kunangwa vindu yivi viosi viekoleka kuvo niviva kuli chukwiganihiza ku kunyi. Kunyi komenyi mu ing'inga lwi keheri keveeye ahimbi kuduuka.

Vagalatia 1:15

Navuzwa zimbavasi zia Nyasaye zizie, yandovola kali ningikiri kwivulwa, kandi yananga kuvitira mu zimbavasi zizie nduuki kumutumikira. Kandi lwa yatovola

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Vakolosai 1:23

Gamudukira mumenye mu lisuuvira yilio nu kuvikwa ku musingi, muduuki kusingirizwa vudinyu. Mutavugilira kodengeyizwa no koleka lisuuvirizwa lie Ivangeri yeyo ya mwahulira mba. Inzi Paolo, mbeeye mutumwa wi Ivangeri yeyo imali kwilwazirwa avandu vosi vu mukivala.

Vakolosai 1:6

Ivangeri yiyi imali kuduuka ku munyi kuli wa veeye mu lirova liosi nokoleta vugasu no komeedeka, kuli eveeye ku munyi kandi, kutura lidiku lia mwa hulira nu kumanyiriza zimbavasi zia Nyasaye mu agiligali.

Tito 1:5

Kivuni chagira ningoleka mu Kerete, keveeye ndi ivi uduuki kulungikiza vindu viosi via gehera, nu kuviika avakulundu vi likanisa mu madaala goosi kuli nda kulaga.

Vahebraina 11:4

Kigira lisuuvira, Habili yahaana ku Nyasaye kisiuviriru kilahi kuvita cha Kaini. Kuvitira mu lisuuvira yanyoora livugilirwa lia Nyasaye kuli mundu mulungi kigira Nyasaye mwene yavugilira vihaanwa vivie. Kuvitira mu lisuuvira lilie, Habili kali niyakuza, akikiri mwoyo.

Yakobo 3:18

Ligesa lia amakuyu gu vulungi limizwa mu mirembe na yavo avayaanzaa koleta mirembe.

1 Petro 3:15

Navuzwa mwizominye Kristo mu mioyo jinyu kandi muhaane luyali kuye kuli Mwami. Mwetegeke amadiku goosi kutivulira mundu sa mulala umuteeva ikivuni chi lisuuvira lia muveeye nalio mu Kristo,

1 Petro 3:2

kigira kuli miima jinyu milahi jiveeye.

1 Yohana 4:10

Yivu nivwo uvuyanzi: Sikwaali ni kunyi avakwayaanza Nyasaye, navuzwa niyie wakuyaanza, natuma mwana weve kuva ikisiuviliru chu kutakasa uvwoni vwitu.

1 Yohana 4:19

Kunyi kuyaanza kigira Nyasaye yakuyaanza mu litanga.