Yohana 15:1 - KITABU KITAKATIFU

¹ “Inzi mbeeye muzabibu gwiligali, na Baba wange niyie musimiki.

Yohana 15:1 Iomraidhean Croise

Lwimbu lwa Solomoni 7:12

Kuzie mu vizabibu vuli mugambazuri, na kolole niiva mizabibu jitulizi kimuli, kandi niiva kimuli cha makuyu kisiahi. Kandi kolole niiva makuyu gatulizi kimuli. Ahene yaho, ndakuha vuyanzi vwange.

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Isaya 60:21

Avandu vinyu vosi valava avalungi, kandi valavugula miandu ji kivala chavo mihiga ni mihiga. Inzi ndaavaleta kandi nimbaviiki mu kivala yiki; ndakora ndio kandi nduuki kukuminywa.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Jeremia 12:10

Avami vanyingi vageni vamali kwononyia mulimi gwi kizabibu change; vamali kuduvaganyia imilimi giange; vagirung'anyia kivala change chandayaanza kugwa changalangwi.

Jeremia 2:21

Ndaali ni ndamusimika kuli musaala gwa makuyu gwa ndaatovora, kutura ku uvuguza uvulahi ligali. Navuzwa loli kuli mumali kugirung'ana! Muveeye kuli muzabibu gumali kugunda ugutaveeye kindu kali hakuzu.

Ezekieli 19:10

Mama woovo yaali kuli kizabibu mu mulimi gwi kizabibu gugwo, gwasimikwa ahimbi kumugera. Kigira mazi gaaliho amanyingi, kizabibu chaali na matu manyingi kandi makuyu manyingi ligali.

Hosea 10:1

Avandu va Isiraeli vaali kuli muzabibu munetu ugwama makuyu amanyingi. Lwa vaali ni linyola linyingi, nilwo lwa vumbaka uvwali vunyingi. Limeedeka liu vutugi vwi kivala chavo liavakola kolomba zitiru zia magina zindahi ziavasigamiraa.

Zekaria 3:8

Joshua huliriza, ivi oveeye musaalisi munene, kandi hulirizi munyi avasaalisi vache, avaveeye kimanyiru kilahi cha madiku gaaza. Ndakamuvuuliri mutumikiri wange wagulikwa ulusia!

Matayo 15:13

Navuzwa Yeso yativura navoora, “Kitagwa choosi cha Baba wange wu mwigulu atasimika kiliifwa.”

Matayo 20:1

Yeso yavoola, “Uvwami vwu mwigulu voveeye kuli mundu mwene mulimi gwi mizabibu, uwatula mugambazuri kwenya avayinziri vu mu mulimi gwigwe.

Matayo 21:33

Yeso yavoola, “Huliri lugano lundi: Mundu mulala mwene mulimi yasimika kizabibu; kandi yeeva ulugaga nayava mu kiminilu chiwaini. Yumbaka umunaara gwokohenzeraku. Inyima yatekela avalimi vandi, ma nazia mu kivala kindi ihale.

Marko 12:1

Yeso yaatanga komoloma navo mu zing'ano, navoora, “Mundu mulala yasimika mizabibu, naviika kujo ulugaga, nayava kiminilu chiwaini, ni yumbaka umunaara gwu mulindi kohenzera avasigu. Maku yahaana kizabibu ku nazia ologendo mu kivala kindi.

Luka 13:6

Maku, Yeso yavavolera lugano yilu: “Mundu mulala yaali numusaala gwu muzabibu mu mulimi gwigwe mundu oyo yazia niyenyaa kwagula amakuyu ku musaala yigwo, navuzwa siyanyoola likuyu kugwo mba.

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Yohana 1:9

Yivwo nivwo uvulavu vwi ligali; uvulavu vuzaa mu kivala kwaaka ku vuli mundu.

Yohana 15:2

Vuli lusia oloveeye ku inzi ulutamaa makuyu alalotema, kandi vuli lusia lwamaa makuyu, alaluhalulira kunangwa ludase kwama amakuyu manyingi ligali.

Yohana 6:32

Yeso yavavolera, “Muvooleraa Agiligali, si yaali Musa uwamuha mugadi kutura mwigulu mba navuzwa; ni Baba wange niyie umuheezaa mugadi gwa agiligali kutura mwigulu.

Yohana 6:55

Kigira muviri gwange goveeye chukulia chi ligali, na amasahi gange gaveeye chukunwa chi ligali.

Varumi 11:17

Yee, zindala ku zisia ziu muzeituni gwu mulimi gwa vasembeleraa zimali kuvunagwa, na mu vwiyangu vwazio, munyi iziisia zia muzeituni gwu mu mulitu zimali kuhambanywa kugwo, munyi avandu vi zihiiri zindi ni munyi avaveeye kuli iziisia zia muzeituni gwu mulitu, na kalunu musangaa harara na Vayuda livamwoyo liumu Roho lie zinguru.

1 Vakorintho 3:9

Kunyi koveeye avamwavo, avayinziri va Nyasaye; na munyi muveeye mulimi gwa Nyasaye, kandi muveeye kuli inyumba ya Nyasaye.

1 Yohana 2:8

Kali ndio, mung'oderaa lilaga lihia kalunu, kigira agiligali galio galoleka mu Kristo kandi mu munyi. Kigira kisundi kivitaa, na uvulavu vwa giligali vumali kwaaka.