Yohana 14:6 - KITABU KITAKATIFU

⁶ Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 14:6 Iomraidhean Croise

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Yohana 1:4

Likuva liali uvutangiliru vwi livamwoyo. Livamwoyo yili lialeta ku avandu.

Yohana 10:28

Inzi ngahezaa livamwoyo litahera mba, na sigalidiva kali hakuzu mba. Avula ho mundu unyala kunyaga kutura mu makono gange.

Yohana 10:7

Kunangwa, Yeso yavavolera kandi, “Muvooleraa, agiligali, inzi ni kirivwa cha magondi.

Yohana 10:9

Inzi mbeeye kirivwa. Ku vosi uwingira kuvitira ku inzi alahonywa; alingira kandi atuli ichova kandi alanyoola vwayiru.

Yohana 14:19

Mu ing'inga engekeeke, avumukivala si valandola kandi mba navuzwa munyi mulandola; na kigira inzi mbeeye mwoyo, munyi kandi mulava mwoyo.

Yohana 15:1

“Inzi mbeeye muzabibu gwiligali, na Baba wange niyie musimiki.

Yohana 18:37

Kunangwa Pilato yamuvolera, “Maku ivi nu Mwami?” Yeso yativura, “Ivi mwene ovola inzi nu Mwami. Kigira yaga inzi ndivulwa; kandi kigira yaga ndaaza mu kivala kovoolera avandu agiligali. Vuli mundu wa agiligali ahuliraa umwoyo gwange.”

Yohana 5:21

Kuli Baba asimugukizaa avakuzu nu kuvaha livamwoyo, kandi nindio mwana ahaanaa livamwoyo ku yavo avaayaanza.

Yohana 6:33

Kigira mugadi gwa Nyasaye ahaanaa goveeye uyu uturaa mwigulu kandi uhaana livamwoyo ku avumukivala.”

Yohana 6:51

Inzi mbeeye mugadi goveeye mwoyo, ugwatula mwigulu. Mundu ku vosi nalia mugadi yigu, alava ni livamwoyo litahera mba. Mugadi gwa ndihaana kigira livamwoyo lia avumukivala goveeye muviri gwange, ugwa mbana kigira livamwoyo lia avumukivala.”

Yohana 6:57

Baba oveeye mwoyo yanduma, kandi kigira ye; inzi mbeeye mwoyo. Munzira ndala nzere ku vosi ulia inzi amenyaa kigira inzi.

Yohana 6:68

Simoni Petero yativura, “Mwami, kuzie ku vwaha? Ivi oveeye na makuva gahaanaa livamwoyo litahera mba.

Yohana 8:32

mulamanya agiligali, na agiligali zana galamukola muve avavoholore.”

Yohana 8:51

Agiligali muvooleraa, ugumira amigizu gange sialakuza mba.”

Vikolwa 3:15

Munyi mwita oyo oveeye uvutangiliru vwi livamwoyo. Navuzwa Nyasaye yamusimugukiza kutura mu likuza, nakunyi koveeye avalolekizi ku yaga.

Vikolwa 4:12

Ovohonyi vulanyoleka kuvitira muye yenyine, kigira mu lirova liosi, siali ho nu mundu wundi woosi wa Nyasaye yahaana unyala kukuhonyia mba. ”

Vikolwa 9:2

naasava ahevwe zibarwa ziu kwimanyia mu masinagogi ga Damasiko, ku nanyoora yo avasaza anoho avakali vava ni valonda amigizu gu Mwami Yeso, aduuki kuvagumira nu kuvaleeta Jerusalemi ni vavoheywi.

Varumi 15:16

nduuki kuva mutumikiri wa Yeso Kristo ku vandu vizihiiri. Ndumikaa kuli musaalisi mu lilwaza makuva malahi kutura ku Nyasaye, ku vandu vizihiiri vaduuki kuva isadaka ivugilirwa na Nyasaye, kandi kihanwa chatakaswa na Roho Mutakatifu.

Varumi 5:2

Kuvitira mu Kristo, kumali konyoora zimbavasi zia Nyasaye zia koveeye mu kalunu. Kusangaliraa mu lisuuvirizwa lia koveeye nalio liu kusanga mu vukumi vwa Nyasaye!

Varumi 5:21

Kuli vwoni vwamiiha ku lileeta likuza ku vandu, kandi ndio iliamiiha lie zimbavasi zia Nyasaye kuvitira mu vulungi lilakwimilira kuduuka mu livamwoyo litahera mba, kuvitira mu Yeso Kristo, Mwami wiitu.

1 Vakorintho 15:45

Mang'oda Matakatifu gavoora, “Mundu wu kutanga, Adamu yalombwa kelombe chi livamwoyo.” Navuzwa Adamu wukumaliriza aveeye Roho uhaanaa livamwoyo litahera.

Vafeso 2:18

Gaveeye kuvitira mu Kristo ndi kunyi kwosi, Avayuda kandi vandu vizihiiri, koveeye avanyala kuuza imbiri wa Baba mu Roho mulala.

Vakolosai 2:17

Vindu kuli yivi viveeye vuzwa ichiriri chi vindu viza; navuzwa agiligali gene gaveeye mu Kristo.

Vakolosai 2:9

Muye, koveeye ni liiva lio vuduukiru vwosi vwu uvunyasaye, vomenyaa mu Kristo, mu muviri,

Vakolosai 3:4

Kristo aveeye livamwoyo lienyu liagiligali, kandi lwa liloleka, ahene yaho munyi mulakaloleke harara naye, mu uvukumi vwivwe.

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.

Vahebraina 9:8

Roho Mutakatifu yigizaa havulavu kuturana ku lilohiza yili ndi, inzira yu kwingira mu Lihema liu mugati haveeye Hatakatifu Huvutakatifu ikikiri kwigulwa, ku lohono lwi Lihema lie ichova likisingiyi ho.

1 Petro 1:21

Kuvitira muye, munyi musuuviraa Nyasaye wasimugukiza Yeso kutura mu likuza, nu kumuha uvukumi. Kulwayago lisuuvira lienyu ni lisuuvirizwa lienyu viveeye ku Nyasaye.

1 Petro 2:4

Hambi ku Mwami, oveeye ligina limenya ilia vandu vambakana ligali, navuzwa mu zimoni zia Nyasaye yatovola kuva lio vokonyi kandi liu vuguli.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,

1 Yohana 1:8

Ni kovora sikoveeye nu uvwoni, kwigaada kunyi aveene, na giligali sigaveeye mu kunyi mba.

1 Yohana 2:23

Ku vosi uwambakana mwana; siaveeye na Baba mba; kandi ku vosi uvugilira Mwana aveeye na Baba kandi.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

1 Yohana 5:6

Yeso Kristo niyie waza na amazi gi libatizwa lilie. Kandi namasahi gi likuza lilie. Siyaaza na amazi geng'ine, navuzwa na amazi kandi na masahi gilikuza lilie. Roho mwene niyie ololekizaa ndi yaga gaveeye agiligali kigira Roho aveeye giligali.

2 Yohana 1:9

Umundu uvula komenya mu miigizu ga Kristo, navuzwa naavitilira mu liiva yilio, siaveeye na Nyasaye mba. Mundu uvugilira miigizu yaga aveeye na Baba kandi nu Mwana.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 20:15

Umundu woosi wi lieta liilieliavula kong'odwa mu kitabu chi livamwoyo, yasiuvwa munyanza yu muliru.

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.

Likunula 3:14

“Ng'odera engelosi wi likanisa liveeye mu Laodikia: “Yaga nigo makuva kutura ku Amini, umulolekizi umusuuvirifu nu wi ligali, oveeye uvutangiliru vwi vilombe viosi via Nyasaye yalomba.

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.