Yohana 14:3 - KITABU KITAKATIFU

³ Kandi lwa mba ninzia kumulombera ovogono, ndirana kandi. Ndamuvugura inzi mwene, kunangwa aha inzi mbeeye munyi kandi muve ho.

Yohana 14:3 Iomraidhean Croise

Yohana 12:26

Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Yohana 14:28

Munyi mwahulira lwa ndaamuvolera, ‘Nziza, navuzwa ndirana ku munyi kandi.’ Mulava nimwanyaanza, ngano mwakasangaye kigira nziza ku Baba; kigira aveeye munene ligali kuvita inzi.

Yohana 14:4

Kandi munyi mwamanya inzira yukuzia wa nziza.”

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Vikolwa 1:11

Vavavolera, “Munyi avandu va Galilaya! Kigira ki musingiyi ni muheezaa mwigulu? Yeso uyu, uvuguliywi kutura ku munyi kuzia mwigulu, alirana kandi kuli munyi mumuloli nazizaa mwigulu.”

Varumi 8:17

Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

Vafilipi 1:23

Mbeeye hagati hi zimbega ziviri. Nyenya koleka livamwoyo yili kuzia komenya harara na Kristo, kigira yiki keveeye kindu kilahi ligali.

2 Vatesalonike 1:12

Muliiva yili lietu liu Mwami wiitu Yeso liduuki kukuminywa kutura ku munyi, na munyi kutura kuye, kuvitira mu zimbavasi zia Nyasaye wiitu kandi ziu Mwami wiitu Yeso Kristo.

Vahebraina 9:28

Mu liiva lilala liere Kristo kandi yahaanwa lulala kuva kisiuviriru kusamiiha uvwoni vwa vandu vanyingi. Ku ing'inga ya kaviri sialiloleka kusamiiha vwoni mba, navuzwa kohonyia yavo avamulindiliraa.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.