Yohana 14:27 - KITABU KITAKATIFU

²⁷ “Mirembe nijo ja inzi mulekeraa. Mirembe jange inzi mwene muheezaa. Simuhezaa kuli avumukivala vahaana mba. Mutahenda mioyo jinyu anoho kuhayahaya, kandi mutava nuvuti mba.

Yohana 14:27 Iomraidhean Croise

2 Kyetsinyinga 20:30

Kunangwa, mwami Jehoshafati yamiha mu mirembe, kigira Nyasaye weve yamuha ovososi ku zimbega ziosi.

Ayubu 34:29

Lwa Nyasaye akiring'anaa, nivwaha unyala kumudula? Niiva yakavisi mumoni mwimwe, nivwaha wakamuloli? Kali niiva nu mundu ku vosi anoho ihiiri avulaho unyala kumukalagira.

Zaburi 11:1

Inzi nzirukiraa mu Yahova kazozo, na gakaveeye ki munyi kombolera ndi, “Mbuluki kuli linyonyi nukuzia mu vigulu;

Zaburi 112:7

Siaveeye nuvuti konyoora amakuva madamanu mba; Lisuuvira lilie liveeye liezingulu kandi asuviraa mu Yahova.

Zaburi 27:1

Yahova aveeye uvulavu vwange kandi ovohonyi vwange. Na sinyala kutia mundu woosi mba. Yahova aveeye imbinga yange, sinyala kutia mba.

Zaburi 28:3

Utangalagira harara na vachamu, kandi harara na yavo avakolaa uvudamanu avandu va makuva gaavo gaveeye guvulina navuzwa uvusigu voveeye mu mioyo jaavo.

Zaburi 29:11

Yahova ahaanaa zinguru ku vandu veve, kandi avagasizaa ni mirembe.

Zaburi 56:11

Suuviraa mu Nyasaye, na sindatia kindu kali kilala mba. Mundu wilikuza anyala kongola ki?

Zaburi 56:3

Lwa mbeeye nuvuti, O, Yahova Wanyala Viosi, mbikaa lisuuvira liange mu ivi.

Zaburi 72:2

kunangwa aduuki kwamiiha avandu vovo ni likalaga liuvulungi, kandi kwamiiha avadambizwaa nuvulungi.

Zaburi 72:7

Leka uvulungi vomeedeke mu ing'inga yi livamwoyo lilie kandi uvugasu vuhindiri lwu mweli gwakaa mihiga ni mihiga.

Zaburi 85:10

Uvuyanzi vutaveeye nekeheri nu vusuuvirifu vilagana harara; uvulungi nimirembe vilakumbelana.

Zaburi 91:5

Utatia uvuhimwa vwukutihiza mu ing'inga yuvudiku, anoho lingilirwa lia nonoho mu ing'inga ya mbasu;

Tsing'ano 3:25

Si ulava ni lihenda mwoyo kigira ikivi kiiza vwangu mba, kuli kiihi kiiza ku vandu vachamu.

Isaya 12:2

Nyasaye aveeye muhonyi wange; ndamusuuvira, kandi sindatia mba. Yahova Nyasaye aveeye zinguru ziange kandi lwimbu lwange; aveeye muhonyi wange.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 41:14

Yahova avoora, “Munyi muveeye avakeekeke kandi avadedekere avandu va, Isiraeli mutatia mba, inzi ndamukonya Inzi, Nyasaye Mutakatifu wa Isiraeli. Inzi mbeeye muhonyi winyu.

Isaya 54:13

“Inzi mwene ndigiza avandu vovo, kandi ndavaha limedeka lie miandu ni mu mirembe.

Isaya 55:12

“Mulatula mu kivala cha Babiloni nuvusangali; mulimilirwa muturi mu lidaala linene zana mu mirembe. Vigulu nutugulu vitange kwimba vudinyu na imisaala jilahanzuka kigira uvusangari.

Isaya 57:19

Mbana mirembe ku vosi, vombi vaveeye ihale na avaveeye ahimbi! Inzi ndahonyia avandu vange.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Jeremia 1:8

Utavatia mba kigira mbeeye harara na ive na ndakukinga. Inzi Yahova mali kovora!”

Lisyoma lya Jeremia 3:17

Inzi kumali kwimwa murembe; inzi kumali kwivilira chuvusangari voveeye.

Ezekieli 2:6

“Navuzwa ivi, Mwana wu Mundu, utavatia, anoho utatia gavavoraa mba. Utatia mba, kali niiva vigunzanguva kandi amafa vikukumberizi kandi kali niiva omenyi hagati hi zinzoka. Utatia vandu vibaali yavo anoho kindu choosi chavavolaa mba.

Danyeli 4:1

Mwami Nebukadineza yatuma makuva yaga ku vandu vosi vi zihiiri ziosi kandi zinimi ziosi mu kivala. Yavoola, “Mirembe jimeedeke ku munyi!

Danyeli 6:25

Maku mwami Dariasi yang'odera vivala viosi, zihiiri ziosi ni zinimi ziosi navoora, “Mirembe!

Zekaria 6:13

Niye ulakaliumbake kandi alakanyoole luyali luduukanaa mwami; kandi alakamiihi avandu veve. Musaalisi alakave kondeve yu vwami vwivwe, kandi valakakole miyinzi harara naye mu mirembe kandi mu lihambana.’

Livalidza 6:26

Yahova ayaanze amanyie liyaanzilira lilie ku munyi, kandi ahaane mirembe ku munyi.

Matayo 10:26

“Kunangwa mutatia avandu yavo mba. Kigira choosi ichakunikwa kilakunulwa, kandi choosi ichaaviswa kilamanyikana.

Luka 1:79

Vong'ereng'ane ku yavo vosi avamenyaa mu kisundi kenene chi chiriri chilikuza; kwimilira virenge vietu munzira yi mirembe.”

Luka 10:5

“Munyumba yoosi ya muva nimwingira muvoore kutanga, ‘Mirembe jive munyumba yiyi!’

Luka 12:4

“Inzi muvooleraa avalina vange, mutatia yavo avenyaa ukwiti muviri; navuzwa lwi nyima, sivanyala kokora kindu kindi kidamanu ligali mba.

Luka 2:14

“Uvukumi voveeye igulu mwigulu ku Nyasaye, ni mirembe mu kivala ku avandu ava ya yaanza!”

Yohana 14:1

Yeso yavolera aviigi veve, “Mutahenda mioyo jinyu. Musuuviri Nyasaye, musuuviri inzi kandi.

Yohana 16:33

Mali kovora yaga kunangwa munyi muduuki kuva ni mirembe ku lihambanywa ninzi. Mu kivala mulanyola lidambizwa; navuzwa muleme mwoyo! Inzi mali kuguuta kivala!”

Yohana 20:19

Lwali hamugorova gwi lidiku lia Jumapili, kandi aviigi vaali nivavugani harara munyumba, viliango nivihaniywi kigira vaatia avanene va Avayuda. Yeso yaza, nasingira hagati haavo, navavoolera, “Mirembe jive ku munyi!”

Yohana 20:21

Yeso yavavolera kandi, “Mirembe jive ku munyi! Kuli Baba yanduma, kandi nainzi nduma munyi.”

Yohana 20:26

Inyima wa madiku munane aviigi yavo vaali kandi harara munyumba, na Tomasi yaali harara navo. Miliango jaali ni jihaniywi. Navuzwa Yeso yaza, nasingira hagati haavo, navoora, “Mirembe ku munyi!”

Vikolwa 10:36

Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi.

Vikolwa 18:9

Lidiku lilala mu vudiku, Mwami yavolera Paolo mu maloto, “Utatia mba, uzizagiliri kwilwaza vugira kukuza umwoyo,

Varumi 1:7

Kunangwa ng'oderaa munyi vosi avamuveeye mu Rumi, ava Nyasaye yayanza kandi, navalanga vave vatakatifu veve. Zimbavasi ni mirembe kutura ku Nyasaye Baba wiitu, kandi ku Mwami Yeso Kristo zive ni munyi.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 5:1

Kunangwa kumali kokolwa avalungi imbiri wa Nyasaye kuvitira mu lisuuvira, koveeye ni mirembe na Nyasaye kuvitira mu Mwami wiitu Yeso Kristo.

Varumi 5:10

Kigira lwa kwaali nikukiri avasigu va Nyasaye, kwahambanywa naye kuvitira mu likuza liu Mwana weve; kuvita ligali, kalunu kumali kuhambanywa na Nyasaye, kulakahonywi ni livamwoyo lilie.

Varumi 8:6

Ukwamiifa na Roho koleta livamwoyo kandi mirembe.

1 Vakorintho 1:3

Nyasaye Baba wiitu kandi Mwami Yeso Kristo ahaane ku munyi zimbavasi.

Vagalatia 1:3

Nyasaye Baba wiitu kandi Mwami wiitu Yeso Kristo ahaane ku munyi zimbavasi ni mirembe.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vagalatia 6:16

Mirembe, ni zimbavasi vive ku yavo vosi avagendaa mu lilago yili kandi ku avandu vosi va Nyasaye.

Vafilipi 4:7

Mirembe ja Nyasaye, ijiveeye igulu kuvita limanya liosi liu umundu, jilalinda imioyo jinyu kandi zing'anagani zienyu vulahi mu Kristo Yeso.

Vakolosai 1:2

kong'oderaa munyi Vakrisitayo vosi harara na avaamitu avasuuvirifu mu Kristo avaveeye ha Kolosai: Zimbavasi ni mirembe zive ku munyi kutura ku Nyasaye Baba wiitu.

Vakolosai 1:20

Kuvitira mu Mwana, Nyasaye yatovola koleta vilombe viosi viirane kuye umwene. Nyasaye yalomba mirembe kuvitira mu likuza lie sadaka yu Mwana weve ku musalaba; kandi ndio yaleeta vindu viosi ku lirova anoho mwigulu viirane kuye mwene.

Vakolosai 3:15

Muleke mirembe ja Kristo ahaanaa jamiihi mu mioyo jinyu, kigira mirembe yiji, Nyasaye yamulanga muuzi mwosi harara mumuviri mulala, muve kandi nilisandiza.

2 Vatesalonike 1:2

Nyasaye baba wiitu ayaanze ahaane ku munyi mirembe ni zimbavasi kuvitira ku Mwami Yeso Kristo.

2 Vatesalonike 3:16

Kalunu Mwami mwene oveeye uvutangiliru vwi mirembe amuhe mirembe zing'inga ziosi kandi munzira yoosi. Nyasaye amuhe mirembe.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

Vahebraina 7:2

na Aburahamu naye naamuha kidieli chi likomi chi vindu viosi via yaali navio. Kivuni chukutanga chi Lieta Melikizedeki keveeye “Mwami Munene wuvulungi”, kandi kigira yaali Mwami wa Salemi, lieta lilie liveeye kovora, “Mwami wi Mirembe.”

Likunula 1:4

Inzi Yohana, ng'odera amakanisa saba agaveeye mu losoma lwa Asia: Zimbavasi kandi mirembe vive ku munyi, kutura ku Nyasaye oveeye ho, kandi uwaali ho, kandi uzaa; kandi kutura ku Roho saba avaveeye imbiri wendeve yeeye yuvukumi;

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”