Yohana 14:26 - KITABU KITAKATIFU

²⁶ Navuzwa, uyu Mukonyi, Roho Mutakatifu, wa Baba alituma mu lieta liange, alakamwigizi vindu viosi kandi kumwizuliza goosi aga ndamuvolera.

Yohana 14:26 Iomraidhean Croise

Zaburi 51:11

Utaangunga nduli imbiri woovo mba, utatuliza Roho Mutakatifu ku inzi mba.

Isaya 54:13

“Inzi mwene ndigiza avandu vovo, kandi ndavaha limedeka lie miandu ni mu mirembe.

Isaya 63:10

Navuzwa vibaara nokovereriza Roho weve Mutakatifu; Kunangwa Nyasaye yaavikiruka nukugwa musigu wavo kandi nalwaana navo.

Matayo 1:18

Liivulwa lia Yeso Kristo liali kuli ndi. Lwa Josefu yaali ni yakakwa Maria, mama wa Yeso, navuzwa nivakikiri kuva harara, kuli musaza nu mukali, yanyooleka naveeye ninda ya Roho Mutakatifu.

Matayo 1:20

Navuzwa lwa yaali nakiganagana ku likuva yili, henza, engelosi wu Mwami Nyasaye yaloleka kuye mu maloto, namuvolera, “Josefu, ikisukululwi cha Daudi, utatia kuvugura Maria ave mukali woovo mba, kigira ichaaverekwa muye keveeye cha Roho Mutakatifu.

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Matayo 3:11

Inzi mubatizaa mu mazi kumanyia ndi mumali kwiganira. Navuzwa uyu uzaa inyima wange aveeye ni zinguru kuvita inzi. Inzi sindukana kali ku mugingira vilato vivie mba. Uyu alamubatiza mu Roho Mutakatifu kandi mu muliru.

Marko 12:36

Daudi mwene yavoola mu zinguru zia Roho Mutakatifu: ‘Mwami yavolera Mwami wange: Yikala hano ku mukono gwange mulungi kuduuka lwambika avasigu vovo hasi hi virenge vivio.’

Marko 13:11

Lwa vamugumira nu kumuhila mu viyaalo, mutahenda mioyo kigira agamuduukanaa kovora mba. Navuzwa muvoore amakuva goosi agamulihevwa ing'inga yeyo kigira simuveeye ni munyi avalivoola, navuzwa Roho Mutakatifu.

Luka 1:15

Alakave munene imbiri wu Mwami. Si alinwa iwaini anoho amalwa mba, naye aliizula Roho Mutakatifu kutura munda mwa mama weve.

Luka 1:35

Engelosi yamutivulira, “Roho Mutakatifu alaza ku ivi, kandi zinguru zia Nyasaye oveeye igulu Ligali zilakukinga kuli kiriri. Kulwayago mwana wa ulivuula alakalangwe Mutakatifu, Mwana wa Nyasaye.

Luka 1:41

Lwa Sabeti yahulira licheliza lia Maria, mwana yakina nuvuyanzi munda mwimwe. Sabeti yizula Roho Mutakatifu,

Luka 1:67

Zakaria, baba wu mwana, yizula Roho Mutakatifu na yaporofeta, navoora:

Luka 11:13

Munyi kali niiva muveeye avadamanu, mwamanya kuha avana vinyu vihaanwa vilahi, nasindi Baba winyu oveeye mwigulu, alamuha kuvita ligali. Alahaana Roho Mutakatifu kuvo avamusaala.”

Luka 2:25

Kunangwa yaali ho mundu mu Jerusalemi walangwa Simioni; yaali mundu mulungi kandi uwatia Nyasaye niliehozeliza. Mundu uyu yalindilira vohonyi vwa Isiraeli kandi Roho Mutakatifu yaali kuye.

Luka 24:49

Henza, inzi mwene ndamutumira Roho Mutakatifu wa Baba yandaga, navuzwa kuduuka munyi mulindi mu lidaala kuduuka lwi zinguru yizi kutura mwigulu, ziika ku munyi.”

Luka 3:22

Roho Mutakatifu yika kuye mu ligondo kuli muviri gwi likuulu; kandi omwoyo gwatura mwigulu ni govoora, “Ivi oveeye Mwana wange wanyanzaa, nyanziziywi ligali niivi.”

Yohana 1:33

Inzi sindamumanya oyo niye, navuzwa Nyasaye uwanduma kubatiza avandu na mazi, yaali niyamboleye ndi ‘Mundu wo olola Roho niyazaa kuye kutura mwigulu nu kwikala kuye, uyu niyie ubatizaa na Roho Mutakatifu.’

Yohana 12:16

Ing'inga yeyo aviigi veve sivamanyiriza vindu yivi viosi mba, navuzwa lwa Yeso yaali niyakakuminywa nilwo lwa vizuliza agaali ni gang'odwa kuye, kandi aga avandu vaali nivamukoleeye.

Yohana 14:16

Nainzi ndateeva Baba, naye alamuha umukonyi wundi, ulimenya nimunyi kazozo.

Yohana 14:25

“Mali kumuvolera vindu yivi lwa ngikiri ni munyi,

Yohana 15:26

“Lwa Mukonyi aliiza uwandituma ku munyi kutura ku Baba, naye ni Roho wagiligali uturaa ku Baba, alakave mulolekizi wange.

Yohana 16:7

Navuzwa inzi muvoleranga agiligali: Ni vulahi ku munyi ndi inzi nzie, kigira niimbura kuzia Mukonyi sialaaza ku munyi mba. Navuzwa niimba ninzia, ndamutuma yaaze ku munyi.

Yohana 2:22

Kunangwa, lwa yasimugukizwa kutura mu vakuzu, aviigi veve vizuliza ndi yaali niyavoola yaga; kandi vasuuvira Amang'oda Matakatifu, kandi likuva lia Yeso yaali navooye.

Yohana 20:22

Lwa yamala kovora yaga, yavaherera mwika navavoolera, “Vuguli Roho Mutakatifu.

Yohana 6:45

Gang'odwa mu vitabu via avaporofeti, ‘Nyasaye aligiza avandu vosi.’ Vuli mundu uhulira Baba na ukwiga kutura kuye, yaazaa ku inzi.

Yohana 7:39

Yeso yavoola yaga ku Roho wa yavo avamusuuvira valinyoola. Ing'inga yeyo Roho yaali nakikiri kuhaanwa, kigira Yeso yaali nakikiri kohevwa uvukumi.

Vikolwa 1:2

kuduuka ku lidiku lia yavugurwa kuzia mwigulu. Kuvugulwa, yahaana amalago mu zinguru zia Roho Mutakatifu ku avatumwa va yaali natovoye.

Vikolwa 1:4

Lwa yavugana harara navo yavaha lilaga yili: “Mutatula mu Jerusalemi, navuzwa mulindi kihanwa cha Baba yasuuviriza, cha ndamuvolera makuva gacho.

Vikolwa 1:8

Navuzwa lwa Roho Mutakatifu aliiza ku munyi, mulizurwa ni zinguru kandi mulava avalolekizi vange mu Jerusalemi, Ivuyuda, Samaria, kandi kuduuka ku keheri chi lirova.”

Vikolwa 11:16

Maku ndizuliza amakuva gu Mwami yavoola: ‘Yohana yabatizaa na amazi, navuzwa munyi mulabatizwa mu Roho Mutakatifu.’

Vikolwa 13:2

Lwa vaali nivasigamiraa Mwami, kandi nivahonga lilia, Roho Mutakatifu yavavolera, “Muviiki halovega Baranaba na Saolo kigira miyinzi ja mbalangiraa.”

Vikolwa 13:4

Lwa Baranaba na Saolo vaali nivakatumwa na Roho Mutakatifu vasulunguta kuduuka Seleukia; kutura uwene yeyo vanina mu liato nivazia mu kisulu chinyanza ichalangwa Saipurasi.

Vikolwa 15:28

Galoleki amalahi ku Roho Mutakatifu kandi ku kunyi kutamudwika musigo guvitaa vindu vinene yivi mba:

Vikolwa 15:8

Nyasaye umanya zing'anagani zie mioyo ja avandu, yalolekiza ndi, umali kuvavugilira mu lihaa Roho Mutakatifu vave kuli yaaha kunyi.

Vikolwa 16:6

Vavitira muvivala via Furija na Galatia, kigira Roho Mutakatifu siyavavugilira vilwaze likuva yilio mu kivala cha Asia mba.

Vikolwa 2:33

Yeso umali konenehizwa kuduuka ha mukono mulungi gwa Nyasaye, Baba weve, kandi umali konyoora Roho Mutakatifu kutura kuye, kuli yaali niyasuuviriza. Icha munyi muloraa kandi muhulira kalunu keveeye kihanwa chiche ichamali kuzuka ku kunyi.

Vikolwa 2:4

Vosi vizura Roho Mutakatifu, kandi ni vatanga komoloma mu zinimi zindi, kuli Roho yavaha livoora.

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vikolwa 20:35

Inzi mali kumumanyia mu zinzira ziosi ndi, ku liyinzira vudinyu, gakuduukiraa kokoonye avadedekere, nikwizuliza amakuva gu Mwami Yeso mwene yavoola, ‘Lihaana liveeye nu vugasu kuvita livugula.’ ”

Vikolwa 28:25

Kunangwa, sivahulirizanaa aveene mba. Lwa vaali nivazizaa, Paolo yavoola likuva yili: “Agiligali, Roho Mutakatifu yavolera avaguuga vinyu vulahi kuvitira mu muporofeti Isaya,

Vikolwa 5:3

Petero yamuteeva, “Anania, kigira ki oleki Setani akwamihi mu mwoyo gugwo uduuki kovoolera Roho Mutakatifu ovovehi, mu livaasa kedonye cha mabese gonyooye ku mulimi?

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Vikolwa 7:55

Navuzwa Sitefano, ni yizuuyi Roho Mutakatifu mba, yumika mwigulu, nalora uvukumi vwa Nyasaye, kandi Yeso nasingiyi ha mukono mulungi gwa Nyasaye.

Varumi 14:17

Uvwami vwa Nyasaye sivoveeye lilia kandi linwa mba, navuzwa voveeye uvulungi, imirembe kandi uvuyanzi voleetwa na Roho Mutakatifu.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 15:16

nduuki kuva mutumikiri wa Yeso Kristo ku vandu vizihiiri. Ndumikaa kuli musaalisi mu lilwaza makuva malahi kutura ku Nyasaye, ku vandu vizihiiri vaduuki kuva isadaka ivugilirwa na Nyasaye, kandi kihanwa chatakaswa na Roho Mutakatifu.

Varumi 5:5

Lisuuvirizwa yili silinyala kukuvihiliriza mba, kigira Nyasaye yamala kuviika mu mioyo jietu uvuyanzi vwivwe kuvitira ku Roho Mutakatifu oveeye kihanwa chiche ku kunyi.

1 Vakorintho 12:3

Nyenya mumanye ndi, umundu woosi wimilirwa na Roho wa Nyasaye sianyala kovora, “Yeso alaamwe mba!” Kandi sianyala kwiyama, “Yeso aveeye Mwami”, natimiliywi na Roho Mutakatifu.

1 Vakorintho 6:19

Sumanyi muviri gugwo goveeye Litembeli lia Roho Mutakatifu omenya mu ivi, kandi wa mwanyoola kutura ku Nyasaye? Muviri gugwo sigoveeye gugwo mwene mba, navuzwa goveeye gwa Nyasaye.

2 Vakorintho 13:14

Zimbavasi ziu Mwami Yeso Kristo, uvuyanzi vwa Nyasaye, lisanga lia Roho Mutakatifu, vive ni munyi mwosi

2 Vakorintho 6:6

Kigira vutakatifu vwitu, ilimanya, liekuzira, kandi zimbavasi, kumali kwimanyia aveene kuva vatumikiri va Nyasaye kuvitira mu Roho Mutakatifu kigira vuyanzi vwitu vwagiligali.

Vafeso 1:13

Munyi kandi mwagwa avandu va Nyasaye lwa mwahulira likuva lia giligali lie Ivangeri iyamuleetera vohonyi. Mwasuuvira mu Kristo, kandi Nyasaye yavika muhuri gwigwe kumanyia ndi munyi muveeye vandu aveeve, ku limuha Roho Mutakatifu wa yasuuviriza.

Vafeso 1:17

Saalaa kandi ndi, Nyasaye wu Mwami wiitu Yeso Kristo, Baba wuvukumi, ahaane ku munyi Roho weve ulikola munyi kuva avageri kandi ulivuula Nyasaye ku munyi kunangwa muduuki kumumanya vulahi ligali.

Vafeso 4:30

Mutavereriza Roho Mutakatifu wa Nyasaye mba; kigira Roho aveeye muhuri gwa Nyasaye ku munyi, kugamanyia ndi lidiku lilakaduuki lia Nyasaye alakahaane vovoholore ku munyi.

1 Vatesalonike 4:8

Kunangwa, uyu usuulanga amigizu yaga siasuraa mundu, navuzwa asuraa Nyasaye, uhaanaa kumunyi Roho weve Mutakatifu.

Tito 3:5

yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia.

Vahebraina 10:15

Kandi Roho Mutakatifu aveeye mulolekizi wiitu. Kutanga avoora,

Vahebraina 2:4

Ku ing'inga ndala nzere, Nyasaye naye kandi yameda lilolekiza lilie mu liavo ku likora vilolekizu kandi viokogenyia vie zing'ano ziosi ni vikolwa viezingulu, kandi ku ligavulira vandu vihaanwa via Roho Mutakatifu kolondekana nu vulaliri vwivwe.

Vahebraina 3:7

Kunangwa, kuli Roho Mutakatifu avoora, “Niiva muhulira mwoyo gwa Nyasaye kalunu,

Vahebraina 9:8

Roho Mutakatifu yigizaa havulavu kuturana ku lilohiza yili ndi, inzira yu kwingira mu Lihema liu mugati haveeye Hatakatifu Huvutakatifu ikikiri kwigulwa, ku lohono lwi Lihema lie ichova likisingiyi ho.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.

2 Petro 1:21

Voporofeti si vwaza ku vulaliri vwu mundu, navuzwa avandu vanyoola Roho Mutakatifu lwa vamoloma amakuva gaturaa ku Nyasaye.

1 Yohana 2:20

Navuzwa munyi mumali konyoora Roho Mutakatifu watura ku Kristo, na mwosi mumanya agiligali.

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.

1 Yohana 5:7

Kandi Roho niyie mulolekizi, kigira aveeye agiligali.

Yudasi 1:20

Navuzwa munyi, avalina vange avayaanze, muzizagiliri kwiyumbaka aveene ku ilisuuvira lienyu litakatifu ligali. Musaale mu zinguru zia Roho Mutakatifu.

Likunula 2:11

“Uyu oveeye nu gutu, ahuliri aga Roho avolera amakanisa. “Uyu ugutaa sialanyoola kivi chi likuza lia kaviri mba.