Yohana 14:23 - KITABU KITAKATIFU

²³ Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Yohana 14:23 Iomraidhean Croise

Litanga 1:26

Maku Nyasaye yavoola, “Gendi kolombe mundu mu lifana lietu naalava kuli kuinyi. Maku valamiha vilombe viosi viveeye mu mazi, amanyonyi goosi gu mu ligulu kandi ku lirova, mitugu kandi zinyama ziosi ziu muvulimu, kandi vimolaa ku lirova viosi.”

Litanga 11:7

Gendi kuzie kogoyanyia lulimi lwavo kunangwa vavuli kuhulirizana aveene na vene.”

Zaburi 90:1

O, Yahova, ivi oveeye vomenyo vwitu mu makura goosi.

Zaburi 91:1

Uyu omenya isi wi likingwa lia Nyasaye oveeye Igulu Ligali, uyu omenyaa isi wi chiriri cha Yahova Wuvunyali,

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Yohana 10:30

Inzi na Baba wange, koveeye kindu kilala.”

Yohana 14:15

“Ni muva ni munyanza, mulagumira amalago gange.

Yohana 14:17

Oyo ni Roho ovolaa agiligali ga Nyasaye. Avumukivala sivanyala kumuvugilira kigira sivanyala kumulora anoho kumumanya mba. Navuzwa munyi mumumanya kigira amenyaa ni munyi kandi alakave mu munyi.

Yohana 14:21

“Uyu uvugilira amalago gange nukugagumira, uyu niyie uyanzaa, na uyu unyaanzaa Baba wange alamuyaanza nainzi kandi ndamuyaanza kandi ndivuura inzi mwene kuye.”

Yohana 14:24

Ku vosi utanyaanzaa siagumira amigizu gange mba. Na amigizu ga mumali kuhulira sigaveeye agange mba, navuzwa gaveeye aga Baba wanduma.

Yohana 15:10

Nimugumira amalago gange mulamenya mu vuyanzi vwange, kuli inzi mali kugumira amalago ga Baba wwivwe nokomenya mu vuyanzi vwange.

Yohana 16:27

kigira Baba mwene ayaanza munyi. Ayaanza munyi kigira muyanzaa inzi kandi mumali kusuuvira ndi, inzi ndaatula ku Nyasaye

Yohana 6:56

Uyu ulia muviri gwange nukunwa amasahi gange, amenyaa mu inzi nainzi menyaa muye.

Yohana 8:51

Agiligali muvooleraa, ugumira amigizu gange sialakuza mba.”

Yohana 8:52

Avayuda vamuvolera, “Kalunu kumanyi agiligali ndi ivi oveeye ni lidemoni! Aburahamu yakuza, kandi avaporofeti vaakuza, navuzwa ivi ovola, ‘Ku vosi ugumira amigizu gange sialakuza mba!’

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Vafeso 3:17

Saalanga ndi kandi Kristo aduuki kolomba vomenyo vwivwe mu mioyo jinyu kuvitira mu lisuuvira. Saalanga ndi vuyanzi vuduuki kuva musingi gwivindu viosi via mukoraa,

1 Yohana 2:24

Muleke amigizu gamwahulira kutura mu litanga gamenye mumunyi. Ni mugumira amigizu ga mwahulira kutura mu litanga, mulamenya mu mwana, kandi mu Baba.

1 Yohana 2:5

Navuzwa ku vosi olondaa likuva lilie, vuyanzi vwivwe ku Nyasaye vuduukiziywi muye ligali. Nandio kunyala kuva na agiligali ndi, koveeye ni lisanga na Nyasaye.

1 Yohana 4:4

Avana vange, munyi muveeye ava Nyasaye, kandi mwaguuta avaporofeti vovovehi kigira Roho oveeye mumunyi, aveeye munene kandi wizingulu kuvita roho oveeye mu vandu vikivala.

1 Yohana 5:3

Uvuyanzi vwitu ku Nyasaye voveeye kovora ukuhulira amalago geege. Kandi amalago geege sigaveeye amadinyu ku kunyi mba.

2 Yohana 1:6

Uvuyanzi vwa molomaa ku ni yivu; komenye kolondekana na amalago ga Nyasaye. Yili ni lilaga lia mwahulira kutura mu litanga ndi munyi vosi, gamuduukira mumenye mu vuyanzi.

Likunula 21:22

Si ndaalora kandi Litembeli mu lidaala yilio mba, kigira Litembeli lialio nu Mwami Nyasaye Wuvunyali nu Mwana wi Ligondi.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.

Likunula 22:3

Sihalava ho kandi ni kindu choosi ichalaamwa na Nyasaye mu lidaala linene yilio mba. Navuzwa endeve yu uvwami vwa Nyasaye ni yu Mwana wi Ligondi zilakave mu lidaala yilio kandi avatumikiri veve valakamutumikiri.