Yohana 14:17 - KITABU KITAKATIFU

¹⁷ Oyo ni Roho ovolaa agiligali ga Nyasaye. Avumukivala sivanyala kumuvugilira kigira sivanyala kumulora anoho kumumanya mba. Navuzwa munyi mumumanya kigira amenyaa ni munyi kandi alakave mu munyi.

Yohana 14:17 Iomraidhean Croise

Tsing'ano 14:10

Vuli mundu yamanya uvuzunu voveeye mu mwoyo gwigwe, siaveeyeho nu mundu unyala kumukonya mba.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 59:21

Ndalomba lilagana liange ni munyi: Mali kumuha zinguru ziange kandi amigizu gange kuva aginyu mihiga ni mihiga. Kutura kalunu, gamudukira muhuliri inzi kandi mwigize avana vinyu kandi visukululwi vienyu vaambuliri zing'inga ziosi.”

Ezekieli 36:27

Ndaviika Roho gwange mu munyi, kandi ndamukora mugumiri lilago liange kandi mulonde amalago gange goosi agaamali kumuha.

Matayo 10:20

Kigira simuveeye ni munyi avalivoola, navuzwa ni Roho wa Baba winyu ulivoola kuvitira mu munyi.

Yohana 14:16

Nainzi ndateeva Baba, naye alamuha umukonyi wundi, ulimenya nimunyi kazozo.

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Yohana 15:26

“Lwa Mukonyi aliiza uwandituma ku munyi kutura ku Baba, naye ni Roho wagiligali uturaa ku Baba, alakave mulolekizi wange.

Yohana 16:13

Navuzwa, lwa Roho aliiza, ulivolaa agiligali kigira Nyasaye, alakamwimiliri mu agiligali goosi; sialakamoloma ku vunyali vwivwe mwene, navuzwa alakamuvoolere goosi aga yahulira, kandi alakalandizi havulavu ivindu viliekoleka.

Yohana 6:40

Icha Baba wange yenya keveeye ndi, vosi avalolaa Mwana na vaduuki kumusuuvira valava ni livamwoyo litahera mba. Kandi inzi ndavasimugukiza kandi ku lidiku liu kumaliriza.”

1 Vakorintho 14:15

Kunangwa ngoleki? Ndasaara na roho gwange, kandi ndasaara ni zing'anagani ziange; ndimba na Roho gwange, kandi nimba ni zing'anagani ziange.

1 Vakorintho 2:14

Ku vosi, utaveeye na Roho sianyala konyoora vihaanwa vituraa ku Roho wa Nyasaye mba. Umundu kuli uyu sianyala kuvimanyiriza mba, viveeye uvusiru kuye, kigira uvulahi vwavio vunyala kuvurwa na Roho.

1 Vakorintho 3:16

Munyi si mumanyi ndi muveeye Litembeli lia Nyasaye kandi Roho wa Nyasaye amenyaa mu munyi?

1 Vakorintho 6:19

Sumanyi muviri gugwo goveeye Litembeli lia Roho Mutakatifu omenya mu ivi, kandi wa mwanyoola kutura ku Nyasaye? Muviri gugwo sigoveeye gugwo mwene mba, navuzwa goveeye gwa Nyasaye.

2 Vakorintho 13:5

Mwehane munyi veene, kandi veene mwikalagiri muduuki ku manya niiva mumenyi mu lisuuvira. Simumanyi ndi Kristo Yeso aveeye mu munyi? Nigataveeye ndio, munyi mwamala kuguutwa.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Vagalatia 4:6

Kumanyia ndi muveeye avana veve, Nyasaye yatuma Roho wu Mwana weve mu mioyo jietu, Roho uliraa ndi, “Abba,” liveeye kovora Baba!

Vafeso 2:22

Mu Kristo, kandi munyi kandi mwumbakwa harara na avandu vosi, muduuki kuva vomenyo vwa Nyasaye omenya mu kuvitira mu Roho weve.

Vafeso 3:17

Saalanga ndi kandi Kristo aduuki kolomba vomenyo vwivwe mu mioyo jinyu kuvitira mu lisuuvira. Saalanga ndi vuyanzi vuduuki kuva musingi gwivindu viosi via mukoraa,

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

1 Yohana 2:27

Navuzwa ku munyi, Kristo yahaana Roho Mutakatifu weve ku munyi. Ku olohono lwa Roho weve azizagiliraa komenya mu munyi, umundu wundi sigamuduukira mundu wundi amwigizi mba. Navuzwa kuli Roho weve amwigizaa vindu viosi, kandi amigizu geege gaveeye agiligali, kandi sigaveeye gu vugadi mba. Ku mulonde aga Roho yamwigiza kandi mumenye muye mu vuhambani na Kristo.

1 Yohana 3:24

Mundu woosi uhulira amalago ga Nyasaye amenyanga mu Nyasaye na Nyasaye amenyaa muye kolondekana niyaga kumanya ndi Nyasaye amenyaa mu kunyi, kuvitira mu Roho wayakuha.

1 Yohana 4:4

Avana vange, munyi muveeye ava Nyasaye, kandi mwaguuta avaporofeti vovovehi kigira Roho oveeye mumunyi, aveeye munene kandi wizingulu kuvita roho oveeye mu vandu vikivala.

1 Yohana 4:6

Navuzwa kunyi koveeye ava Nyasaye, kandi umundu woosi umanyi Nyasaye ahuliraa kunyi, navuzwa oyo utaveeye wa Nyasaye sia kuhulira mba. Ku yaga kumanya Roho wa giligali na roho wu vugadi.

1 Yohana 5:7

Kandi Roho niyie mulolekizi, kigira aveeye agiligali.

Likunula 2:17

“Uyu oveeye nu gutu ahuliri likuva lia Roho avolera amakanisa! “Yavo avaguutaa ndavaha amaana gavisiywi, kandi ndavaha ligina lilavu, ling'odeywi ku lieta lihia, liu umundu, atamanyi nataveeye uyu oheveywi ilieta zana.