Yohana 14:13 - KITABU KITAKATIFU

¹³ Na ku choosi cha muteeva ku lieta liange, yiki ndakora, Baba aduuki kukuminyirwa mu Mwana.

Yohana 14:13 Iomraidhean Croise

Matayo 21:22

Ni muva ni lisuuvira, kindu choosi chamuteeva mu lisaala mulakenyoola.”

Matayo 7:7

“Musaale, na mulahevwa, mwenye, na mulanyola; mwigulihizi, na mu ligulirwa kiliango.

Marko 11:24

Kulwayago muvooleraa, ku kindu choosi cha muteeva mu lisaala, musuuviri ligali mukenyooye, na mulahevwa.

Luka 11:9

“Kulwayago inzi muvooleraa; Musaale, na munyi mulahevwa; mwenye, na mulanyola mwigulihize, na muligulirwa.

Yohana 10:30

Inzi na Baba wange, koveeye kindu kilala.”

Yohana 12:44

Kunangwa Yeso yahanzuka nu mwoyo munene navoora, “Mundu usuviraa mu inzi, siasuviraa inzi zieng'ine, navuzwa asuviraa uyu uwanduma kandi.

Yohana 13:31

Lwa Yuda yaali niyakatula ichova, Yeso yavoola, “Kalunu uvukumi vwu Mwana wa Adamu vuvuuliki, kandi Nyasaye akuminyiywi muye.

Yohana 14:14

Ni musaala kindu choosi ku lieta liange, inzi nda mukolera.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Yohana 15:7

Nimumenya mu inzi na amigizu gange nigamenya mu munyi, musaale choosi cha mwenya na munyi mulahevwa.

Yohana 16:23

“Mu lidiku liene yilio si muliteeva kindu choosi kutura ku inzi kali hakuzu mba. Agiligali muvooleraa, nimuteeva kindu choosi ku Baba ku lieta liange, alamuha.

Yohana 16:26

Lwi lidiku yilio liliduuka, mulakateeve Baba mu lieta liange, kandi simbolaa ndi ndasaara Baba kigira Munyi,

Yohana 16:7

Navuzwa inzi muvoleranga agiligali: Ni vulahi ku munyi ndi inzi nzie, kigira niimbura kuzia Mukonyi sialaaza ku munyi mba. Navuzwa niimba ninzia, ndamutuma yaaze ku munyi.

Yohana 4:10

Yeso yamutivulira, “Niiva wakamanyi kihanwa cha Nyasaye ahaanaa na nivwaha okoteeva, ‘Mbe ku amazi nwi,’ ngano wakamuteevi naye alakuha amazi gi livamwoyo.”

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yohana 5:19

Kunangwa Yeso yavavolera, “Muvooleraa agiligali: Mwana sianyala kokora kindu ku vwivwe mwene; navuzwa anyala kokora vuzwa kindu chalolaa Baba weve nakora. Kigira ku viosi via Baba akolaa, Mwana avikolaa kandi.

Yohana 7:37

Ku lidiku liu kumaliriza nalio ni lidiku linene lie lisavo. Lidiku yilio Yeso yasingira navoora nu mwoyo munene, “Oveeye nuvuluhu yaaze ku inzi nainzi ndamuha ichukunwa.

1 Vakorintho 14:13

Kunangwa oyo omoloma mu lulimi logeni, kuduuka asaale anyoore zingulu ziu kwivaala agaavoola.

Vafeso 2:18

Gaveeye kuvitira mu Kristo ndi kunyi kwosi, Avayuda kandi vandu vizihiiri, koveeye avanyala kuuza imbiri wa Baba mu Roho mulala.

Vafeso 3:12

Kunangwa, mu lihambanywa lietu na Kristo kandi kuvitira mu lisuuvira lietu muye, kunyi koveeye nuluviliraa kuzia imbiri wa Nyasaye vugira uvuti vwosi.

Vafeso 3:14

Kigira yaga, sigamaa mu lisaala imbiri wa Baba,

Vafilipi 4:13

Nyara kokora ivindu viosi kuvitira mu Kristo, uhaana ku inzi, izingulu kusingira.

Vakolosai 3:17

Ku viosi via mukoraa anoho mulivoola, mukore viosi mu lieta liu Mwami Yeso, musandizi Nyasaye Baba kuvitira mu uyu.

Vahebraina 13:15

Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.

Vahebraina 4:15

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.

Yakobo 1:5

Navuzwa niiva mulala ku munyi adaka ovogeri gamudukira asaale ku Nyasaye, uhaanaa nu mwoyo gwosi kandi ni zimbavasi ziosi ku avandu vosi.

Yakobo 5:16

Kunangwa, mwiyamirane uvwoni vwinyu aveene naveene kandi musaalirane aveene naveene, ku muduuki kohonywa. Lisaala liu umundu umulungi likonya ligali mu likora lie zinguru lialio.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

1 Yohana 3:22

Kunangwa viosi viakusaala kuye, kuvinyooraa, kigira kuhuliraa amalago geege, kandi kokoraa vindu vimuyaanzizaa.

1 Yohana 5:14

Yivu nu vuluviliri vwa koveeye navwo imbiri wa Nyasaye. Niiva kulamuteeva kindu choosi kolondekana nu vulaliri vwivwe akuhuliraa.