Yohana 14:10 - KITABU KITAKATIFU

¹⁰ Ivi si usuviraa inzi mbeeye mu Baba na Baba aveeye mu inzi? Amakuva goosi aga mali kumuvolera sigaveeye gange mwene mba; navuzwa Baba aveeye mu inzi akolaa miyinzi jije mwene.

Yohana 14:10 Iomraidhean Croise

Yohana 10:30

Inzi na Baba wange, koveeye kindu kilala.”

Yohana 10:38

Navuzwa niiva ngolaa miyinzi, kali naiva si musuuviraa inzi musuuviri mu miyinzi yijo muduuki kumanya nukumanyiriza ndi Baba aveeye mu inzi, ninzi mbeeye muye.”

Yohana 11:26

kandi ku vosi, omenya nasuuvira inzi siala kuza mba. Usuuviyi yaga?”

Yohana 12:49

Inzi simbolaa kuvunyali vwange mwene, navuzwa Baba wanduma niyie uwaamba aga ndukanaa mbore kandi molome.

Yohana 14:11

Musuuviri ndi, inzi mbeeye mu Baba, naye Baba aveeye mu inzi. Nigataveeye ndio, usuuviri inzi kigira miyinzi ja ngolaa.

Yohana 14:20

Lwi lidiku yilio liliduuka mulakamanye ndi inzi mbeeye mu Baba wange, kandi munyi muveeye mu inzi, kuli inzi mbeeye mu munyi.

Yohana 14:24

Ku vosi utanyaanzaa siagumira amigizu gange mba. Na amigizu ga mumali kuhulira sigaveeye agange mba, navuzwa gaveeye aga Baba wanduma.

Yohana 17:8

Inzi mali kuvavoolera amakuva ga wambolera mbavoolere navo vagavugiliyi. Vamanya agiligali ndi inzi ndaatula ku Ivi, kandi vamali kusuuvira ndi ivi wanduma.

Yohana 3:2

Lidiku lilala yaza ku Yeso vudiku, namuvolera, “Rabi, kumanyi ivi oveeye mwigizi watura ku Nyasaye, kigira avulaho mundu unyala kokora vilolekizu via okolaa yivi, Nyasaye nataveeye harara naye.”

Yohana 5:17

Yeso yavativulira, “Baba wange akolaa miyinzi kazozo, nainzi gaduukanaa kandi ngole miyinzi.”

Yohana 5:19

Kunangwa Yeso yavavolera, “Muvooleraa agiligali: Mwana sianyala kokora kindu ku vwivwe mwene; navuzwa anyala kokora vuzwa kindu chalolaa Baba weve nakora. Kigira ku viosi via Baba akolaa, Mwana avikolaa kandi.

Yohana 7:16

Kunangwa Yeso yavativulira, “Amigizu ga mwigizaa sigaveeye agange, navuzwa aga uyu wanduma.

Yohana 8:28

Kunangwa Yeso yavavolera, “Lwa muliiva nimwakaginga Mwana wa Adamu igulu ku musalaba, ulwene yilwo nilwo lwa mulimanya ndi, ‘Inzi niyie,’ kunangwa mulakamanye ndi inzi sinyala kokora kindu choosi ku vunyali vwange mwene, navuzwa mboraa vuzwa aga Baba yanzigiza geng'ine.

Yohana 8:38

Inzi mboraa aga Baba amali kumanyia, navuzwa munyi mukoraa aga vaguuga vinyu vamuvolera.”

Yohana 8:40

Navuzwa munyi mwenya kunzita, kigira muvooleraa agiligali ga ndahulira ku Nyasaye; yaga sigaveeye aga Aburahamu yakola mba.

Vikolwa 10:38

Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.

2 Vakorintho 5:19

Agaveeye kovora ndi, Nyasaye yahambanyia vandu vumukivala kuye mu Kristo. Siavalizaa uvwoni vwavo kuvo kandi mba. Oyo yakuha Ivangeri yukuhambanyia avandu kuye.

Vakolosai 1:19

Gaali ku litovola lia Nyasaye ndi, mwana weve mwene ave ni liiva liu vuduukiru vwosi lia Nyasaye.

Vakolosai 2:9

Muye, koveeye ni liiva lio vuduukiru vwosi vwu uvunyasaye, vomenyaa mu Kristo, mu muviri,

1 Yohana 5:7

Kandi Roho niyie mulolekizi, kigira aveeye agiligali.