Yohana 13:8 - KITABU KITAKATIFU

⁸ Petero yamuvolera, “Ivi siunyala kunzisaaviza virenge viange kali hakuzu mba!” Yeso yamutivulira, “Nindakusaaviza virenge, sioveeye ni lihambana nainzi mba.”

Yohana 13:8 Iomraidhean Croise

Litanga 42:38

Navuzwa Yakobo yavoola, “Muyaayi wange sianyala kuzia ni munyi mba. Amwavo weve yakuza, kandi niye weng'ine watigala. Kindu kinyala kumusalirizira kologendo. Inzi mbeeye musakulu, na vovereri vwa muleete ku inzi vulanzita.”

2 Samweli 20:1

Yaali ho mundu mulala wi miima midamanu mu lidaala lia Giligali uwalangwa Sheba muyaayi wa Bikiri, uwi ihiiri ya Benjamini. Yakuba kisiriva kandi naalangiriza ndi, “Koveeye ni kidieli ki mu Daudi, kandi koveeye na miandu ki mu muyaayi wa Jese! Vasaza va Isiraeli, gendi kuzie sa mulala yengo, weve!”

1 Avami 12:16

Lwa vandu valora ndi mwami siaveeye unyala kuvahuliriza vahanzuka, “Koveeye na lisanga ki na Daudi! Sikoveeye ni miandu nu muyaayi wa Jese mba. Avasaza va Isiraeli, Yirani mu mahema ginyu! Linda inyumba yooyo ivi mwene, Daudi!” Kunangwa vandu va Isiraeli vosi viirana mu mahema gaavo.

Zaburi 51:2

Onzogize uvudamanu ligali, na undakase kutura muvwoni vwange.

Zaburi 51:7

Tuliza ho uvwoni vwange, na inzi ndava munifu. Onzogize, na inzi ndava mulavu kuvita likonza.

Isaya 4:4

Yahova mu zinguru zizie, alakalagira kandi alatakasa ihiiri nukusamiiha mahiolo ga vandu va Jerusalemi kandi amasahi gataaza mu Jerusalemi.

Ezekieli 36:25

Ndasundura mazi malahi ku munyi, na ndamukora kuva avanifu kutura ku vudamanu vwosi vwi vifananyi via mwononyia.

Zekaria 13:1

Yahova Wuvunyali avoora, “Lwi ing'inga yeyo iduuka, Kisenukiru kilakunulwa nu kutakasa visukululwi via Daudi harara na vandu va Jerusalemi kutura ku vwoni vwavo kandi kusigamira vifananyi.

Matayo 16:22

Maku Petero yamuhira halovega, natanga kumugondokera, “Gatava ndio mba, Mwami! Nyasaye ataleka vindu yivi vikugwiri mba!”

Matayo 21:29

Umwana oyo yamuvolera, ‘Nziza mba!’ Navuzwa inyima yagirunganyia zing'anagani zizie, nazia kuyinzira.

Matayo 26:33

Petero yavolera Yeso, “Kali vosi ni vaasalana vakoleke, inzi sindakoleka mba!”

Matayo 26:35

Petero yamuvolera, “Kali niiva gandukira kukuza harara nivi, sindakakwambakane mba!” Aviigi vandi vosi vavoola ndio kandi.

Yohana 13:6

Lwa yaduuka ku Simoni Petero, Petero yamuvolera, “Mwami, ivi wenyaa unzisavize virenge viange?”

Yohana 13:9

Simoni Petero yamutivulira, “Mwami, utasaaviza virenge vieng'ine mba, navuzwa na makono gange nu mutwi kandi.”

Yohana 3:5

Yeso yamutivulira, “Ngovolera agiligali, mundu natiivulwa liivulwa lia amazi ni lia Roho, sianyala kwingira mu Vwami vwa Nyasaye mba.

Vikolwa 22:16

Kalunu kigira ki ulindagira kandi? Singira ubatizwi, kandi wogizwi uvwoni vuvwo ku lieyama lieta lilie.’

1 Vakorintho 6:11

Valala ku munyi mwaali kuli ndio. Navuzwa kalunu mwanihizwa kutura muvwoni. Mwakolwa avatakatifu ku Nyasaye, mwakolwa avalungi imbiri wa Nyasaye ku lieta liu Mwami wiitu Yeso Kristo kandi ku Roho wa Nyasaye wiitu.

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

Kwidzulitsa 12:12

Musangaliri uwene yeyo imbiri wa Yahova Nyasaye, munyi harara na avana vinyu vayaayi na vakana, avatumikiri vinyu vasaza na vakali, kandi vandu vinyumba ya Levi sivalava ni milimi jaavo aveene mba.

Vakolosai 2:18

Mutaleka mundu kali mulala amukalagiri mba, wekolaa kuva munene ligali kuvita avandu vandi kigira amalola maduukiru kandi udinyiriza liegehiza liu vugadi, kandi lisigamira lie zingelosi. Mundu kuli uyu siaveeye ni kivuni kigira niyigingiraa mu zing'anagani zizie ziumuviri mba;

Vakolosai 2:23

Mugiligali, malago yaga gaveeye kuli gidiira kovogeri mu linigwa lisigamira zingelosi, numuliegehiza liu vugadi nu mu vwikuziri mu likubiza umuviri kivi; navuzwa siviveeye vindu viu kwigalira likayirwa liu muviri mba.

Tito 3:5

yakohonyia. Sigaveeye ni kumiyinzi milahi ja kwakora muvulungi, mba navuzwa vakohonyia kigira zimbavasi zizie kuvitira mu Libatiza liletaa liivulwa lihia kandi kuvitira mu Roho Mutakatifu uhaana livamwoyo lihia.

Vahebraina 10:22

Kulwayago, gendi kwisundi ahimbi ku Nyasaye numwoyo gwiligali ni lisuuvira liu vuduukiru, nikoveeye ni zing'anagani zie mioyo jitakasiywi kutuliza mu zing'anagani zindamanu, kandi miviri ni jogiziiywi na mazi malahi.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.