Yohana 13:34 - KITABU KITAKATIFU

³⁴ Kandi kalunu muheezaa lilago lihia: muyaanzane aveene naveene. Kuli wa inzi ndamuyaanza, munyi kandi muyaanzane ndio.

Yohana 13:34 Iomraidhean Croise

Zaburi 119:63

Inzi mbeeye mulina wa yavo vosi avatumikiraa, kandi yavo vosi avahulira lilaga liilio.

Zaburi 16:3

Avatakatifu avaveeye mu lirova, nivo avaveeye vuvukumi ligali na liyaanzilira liange linene liveeye muvene yavo.

Kyavalevi 19:18

Mutavanza kisaalia ku mundu vosi mba anoho uzizagiliri kumudunyira mba, navuzwa uyaanze mutende vovo kuli wiyanza yivi mwene. Inzi mbeeye Yahova.

Kyavalevi 19:34

Muvakolere kulia vandu va Isiraeli vache vinyu, muvayaanze kuli mwiyaanzaa vene. Mwizurizi ndi munyi kandi mwaali avageni mu kivala cha Egebeti. Inzi mbeeye Yahova Nyasaye winyu.

Matayo 5:44

Navuzwa inzi muvooleraa, muyanze avasigu vinyu, kandi musaliri avamudambizaa,

Yohana 15:17

Kunangwa, lilago liange lia mulagaa ni yili: muyaanzane aveene na aveene.

Yohana 17:21

Saalanga vosi vaduuki kuva kindu kilala. Baba! Saalaa vave mu kunyi kuli ivi oveeye mu inzi, nainzi mbeeye mu ivi. Saalaa vave kindu kilala, kunangwa avumukivala vaduuki kusuuvira ivi wanduma.

Varumi 12:10

Muyaanzane aveene na veene kuli avamwavo mu Vukristayo; na mwegombe kuhaanirana uluyali munyi aveene naveene.

Varumi 13:10

Uyu uyanzaa mutende weve siamukoleraa uvudamanu mba. Kunangwa Lilaga liosi lidukizirwa mu vuyanzi.

Varumi 13:8

Mutava ni ligovi liu mundu woosi mba, nilitaveeye iligovi liu kuyaanzana aveene naveene. Uyu uyanzaa wundi, umali kudukiza Lilaga.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vagalatia 6:10

Kunangwa ing'inga yakoveeye nu vwiyangu, kuduuka kokole uvulahi ku avandu vosi, mbitilira ku yavo avaveeye avinyumba yitu mu lisuuvira.

Vagalatia 6:2

Mukonyane kuginga uvulitu vwa vuli mulala nu wache, na munzira yiyi muladuukiza lilago lia Kristo.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Vakolosai 1:4

Kigira kumali kuhulira lisuuvira lienyu mu Kristo Yeso, nu vuyanzi vwinyu vwa muveeye navwo ku avandu va Nyasaye vosi,

1 Vatesalonike 3:12

Umwami amukole muyaanzane aveene naveene; kandi vuyanzi vwinyu vuduuki komeedeka ku vandu vosi.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

Vahebraina 13:1

Muzizagiliri kuyaanzana aveene naveene kuli avaamitu Vakrisitayo.

Yakobo 2:8

Mulava ni mukoraa vulahi niiva mutia lilaga liu vwami kuli Amang'oda Matakatifu gavoora, “Uyaanze umutende woovo kuli wiyanza umwene.”

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

2 Petro 1:7

na ku vunyasaye vwinyu, mumeede ku vulahi vwu vumiitu; na ku vulahi vwu vumiitu vwinyu, mumeede ku uvuyanzi.

1 Yohana 3:11

Yaga na amakuva ga mwahulira kutura mu litanga: gakuduukiraa kuyaanzane aveene na vene.

1 Yohana 3:23

Yili ni lilaga lilie, kusuuviri mu mwana weve Yeso Kristo, kandi kuyaanzane aveene na vene kuli yakuha munwa.

1 Yohana 4:21

Lilaga lia Kristo amali kuha kunyi ni yili, “Mundu woosi uyanzaa Nyasaye kuduuka ayaanze amwavo weve kandi.”

2 Yohana 1:5

Kalunu, ndeva ivi, Umukali muyanze, leka kuyaanzane aveene na vene. Yili si liveeye lilaga lihia lia ng'oderaa ivi mba; navuzwa ni lilaga lia kwaali nalio kutura mu litanga.