Yohana 13:14 - KITABU KITAKATIFU

¹⁴ Kunangwa, inzi oveeye Mwami kandi Mwigizi winyu, mali kusaaviza munyi virenge. Munyi kandi gamuduukira musaavizane virenge.

Yohana 13:14 Iomraidhean Croise

Yohana 11:2

Maria uyu niyie wavaka Mwami Yeso amaguta agafunyaa mwayu nu ku mweeya virenge ni liisu lilie. Lazaro, mbozo weve, niyie uwaali mulwaye.

Vikolwa 20:35

Inzi mali kumumanyia mu zinzira ziosi ndi, ku liyinzira vudinyu, gakuduukiraa kokoonye avadedekere, nikwizuliza amakuva gu Mwami Yeso mwene yavoola, ‘Lihaana liveeye nu vugasu kuvita livugula.’ ”

Varumi 12:10

Muyaanzane aveene na veene kuli avamwavo mu Vukristayo; na mwegombe kuhaanirana uluyali munyi aveene naveene.

Varumi 12:16

Mumenye mu vuhambani mulala nuwache. Mutava avigingiri, navuzwa muvugiliri kutumikira kali vihanzahanza. Mutiganagana kuva avageri na vukweyenyera ovonene mba.

1 Vakorintho 12:3

Nyenya mumanye ndi, umundu woosi wimilirwa na Roho wa Nyasaye sianyala kovora, “Yeso alaamwe mba!” Kandi sianyala kwiyama, “Yeso aveeye Mwami”, natimiliywi na Roho Mutakatifu.

1 Vakorintho 8:13

Kulwa yaga, niiva chukulia nicho kelombaa amwavo wange kokora vwoni, sindalia inyama kandi mba, gase ndakora amiitu kokora vwoni.

2 Vakorintho 10:1

Inzi, Paolo, ovolwa kuva muhocha kandi umwegehizu nimbeeye harara ni munyi moni na moni, navuzwa mululu papapa lwa mbeeye ihale kutura ku munyi, ng'oonya munyi ligali nu mwoyo gwosi, ku vohocha novohooma vwa Kristo!

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vafilipi 2:11

kandi vandu vosi valalaandiza havulavu ndi Yeso Kristo nu Mwami, kigira uvukumi vwa Nyasaye oveeye Baba.

Vahebraina 12:2

Gendi kohenze ku Yeso mutangizi kandi muduukizi wilisuuvira lietu, kutura mu litanga kuduuka ku keheri; kigira uvusangari vwali nivuvikiywi imbiri weve, yikuzira ku musalaba, nachaya zisoni zie likuza na yikaye ha mukono mulungi gwendeve yu vwami vwa Nyasaye.

1 Petro 4:1

Kigira Kristo yasaalira mu muviri, munyi kandi mwidinyirizi kwivika mu liiva liukuva kuli ndio; kigira uyu wasalirizwa mu muviri umali kolekana nu uvwoni.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”