Yohana 12:6 - KITABU KITAKATIFU

⁶ Si yavoola yaga kigira yahendera nokovelera avadaka, navuzwa kigira yaali umbiki wa mabese, na kuli yaali mwivi, vuli ing'inga yivaa kutura mu livikiru yilio.

Yohana 12:6 Iomraidhean Croise

Zaburi 14:1

Avandu vasiru vavola mu mioyo jaavo ndi, “Nyasaye siaveeye ho mba.” Vosi vaveeye avadamanu, kandi vamali kokora agukuvihiririza; sihaveeye ho nu mundu kali mulala okolaa agaveeye malungi mba.

Tsing'ano 29:7

Mundu mulungi yamanya lienya lia vadaka, navuzwa vandu vachamu sivanyala kumanya lienya kuli yili mba.

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Matayo 21:13

Yavavolera, “Gang'odwa mu Mang'oda Matakatifu ndi Nyasaye yavoola, ‘Litembeli liange lilalangwa inyumba yu kusaala.’ Navuzwa munyi mugekoli kuva luhangaywa lwa vanuuri.”

Luka 8:3

na Joana mukali wa Chuza, uwaali mulindi munene wuvutugi vwi inyumba yoosi ya Herodi, Susana kandi vandi avanyingi. Avakali yava vatumikira linyola liavo okokoonya Yeso harara na aviigi veve ku viukulia.

Yohana 10:13

Oyo yiruka kandi siahenderaa amagondi yago mba kigira aveeye mundu wu kutungwa vuzwa.

Yohana 12:5

“Kigira ki amaguta yaga gavuli kugulizwa zidinari mia tatu, na zilahevwa avadaka?”

Yohana 13:29

Kigira Yuda yaali muviiki wa mabese, avalala kuvo vaganagana Yeso ya muvooleraa azie kugura vindu vienyeka mu lisavo, anoho ahaane kindu choosi ku avadaka.

1 Vakorintho 6:10

anoho avanuuri, anoho avahuvali, anoho avahambiki, anoho yavehi, anoho aviivi; yava vosi sivalinyoola Uvwami vwa Nyasaye mba.

Vagalatia 2:10

Icha vateva vuzwa chaali ndi, kwizulizi avasuuviri vadaka mu Jerusalemi, yiki nicho kindu cha mbeeye ni lienya kukekola.

1 Vatesalonike 5:22

Mwiyahuli ku vudamanu zing'ano ziosi.

Yakobo 2:2

Niiva umundu mutugi wiviki imingiri yi zahabu ni zinguvu zindahi zinzesereru, yingira mu livugana lienyu, kandi ahene yaho, mundu oveeye mudaka uwiviiki amadali naye kandi yingira,

Yakobo 2:6

Navuzwa munyi muchayaa avadaka! Vatugi nivo vamudambizaa kandi vamuhira mu viyaalo imbiri wa avakalagi. Avatugi!