Yohana 12:27 - KITABU KITAKATIFU

²⁷ “Kalunu mwoyo gwange gohendaa. Nambole ki? Mbore, ‘Baba, ombonyie ku ing'inga yu vusaliri yiyi?’ Awa, kigira yiki nicho chagira inze ninziza kunangwa nduuki kuvitira mu ing'inga yu vusaliri yiyi.

Yohana 12:27 Iomraidhean Croise

Zaburi 6:3

kigira mbulira uvuzunu vululu mu vigumba viange. Muviri gwange gwosi goveeye mu kivi kenene. O, Yahova, ulalindagira kongonya kuduuka ng'inga ki?

Zaburi 88:3

Mbeeye mu vudinyu vunyingi ligali, kali mbeeye ahimbi kukuza.

Isaya 38:15

Yahova umali kokora yaga, na inzi nyara kovora ki? Mwoyo gwange goveeye muliduhu, kandi sinyala kogona mba.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 11:26

Yee, Baba, nindio wenyaa gakoleke.

Matayo 26:42

Yeso yazia lwa kaviri nasaara; “Baba wange, niganyalika kekombe chu vusaliri yiki kimbiti mburi kukinwa, navuzwa uvulariri vuvwo vokolwi.”

Matayo 26:45

Maku yirana ku aviigi veve, navateeva, “Mukegonaa kandi mukesosaa? Heenzi! Ing'inga iduuki, yu umwana wa Adamu amali kuvikwa mu makono ga avoni.

Luka 22:44

Mu vusaliri vonene, yasaala numwoyo gwosi ligali kandi ulogeri lwilwe lwali kuli zingerageriza zia masahi gatonyatonyaa hasi.]

Luka 22:53

Lwa ndaali harara ni munyi kazozo mu Litembeli si mwanyiira amakono ginyu kung'umira mba. Navuzwa yiyi ni isa yinyu, kokora agamwenyaa, lwa zinguru zie kisundi ziamiihaa.”

Yohana 11:41

Kunangwa avandu vasuunda ligina. Yeso yahenza mwigulu navoora, “Ngusandizaa Baba kuva ivi umbuliraa.

Yohana 12:23

Yeso yavavolera, “Ing'inga yu kukuminya Mwana wa Adamu iduuki!

Yohana 13:21

Lwa Yeso yamala kovora yaga, yaahenda mwoyo navoora, havulavu, “Muvooleraa agiligali, mulala ku munyi alaanzaama!”

Yohana 18:37

Kunangwa Pilato yamuvolera, “Maku ivi nu Mwami?” Yeso yativura, “Ivi mwene ovola inzi nu Mwami. Kigira yaga inzi ndivulwa; kandi kigira yaga ndaaza mu kivala kovoolera avandu agiligali. Vuli mundu wa agiligali ahuliraa umwoyo gwange.”

Vahebraina 2:14

Kigira avana, kuli avalangaa, vaveeye vandu vuzwa vu muviri na masahi, kandi ndio Yeso mwene yaali kuli vo, naasanga mu liiva liavo liu muviri vuzwa. Yakola ndio kunangwa, kuvitira mu likuza lilie aduuki kudiviza Setani, oyo oveeye nizinguru zie likuza.

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.