Yohana 12:26 - KITABU KITAKATIFU

²⁶ Uyu wenyaa kundumikira gamuduukira anonde, kandi hoosi ha mbeeye, niho hu mutumikiri wange ava, kandi mundu ku vosi undumikira, Baba wange alamuha uvukumi.

Yohana 12:26 Iomraidhean Croise

Zaburi 17:15

Navuzwa inzi ndakalole ivi kigira mbeeye mu vulungi. Lwa mbuukaa, ndiizura uvusangari kigira mali kolola ivi.

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Tsing'ano 27:18

Osembelere mukuyu na ulanyora makuyu gu kulia. Oyo ulindaa vanene veve alahevwa luyali ligali.

Livalidza 14:24

Navuzwa mutumikiri wange Kalebu kigira aveeye ni liiva lugano kandi aveeye musuuvirifu ku inzi, ndamuleeta mu kivala chamali kuzia mu nu kutunyiriza, kandi visukululwi vivie vilavugula kivala yiki.

Livalidza 32:11

‘Nzisuha ndi kigira sivambulila mba, si halava ho na vasaza vi mihiga sirini anaho kuzizagilira avaatura Egebeti kwingira mukivala cha ndalaga Aburahamu, Isaka, na Yakobo mba.’

Matayo 16:24

Hene yaho Yeso yavolera aviigi veve, “Mundu ku vosi ni yenya yanonde, gamudukira yigaye umwene, ma avuguli umusalaba gwigwe anonde.

Matayo 25:21

Mwami weve yamuvolera, ‘Okoli vulahi, umutugwa mulahi kandi umusuuvirifu. Walinda vulahi ivindu vikekeke; ndakuviika ove umulindi wi vindu ivinyingi. Hamba wingiri mu vusangali harara nu mwami woovo.’

Marko 8:34

Yalanga ikiduma cha vandu na aviigi veve, navavoolera, “Mundu ku vosi uwenyaa kononda, yigaye umwene ma agingi musalaba gwigwe ma yanonde.

Luka 12:37

Vaveeye nuvugasu avatumikiri yavo avu Mwami alinyoora nivahenza kandi nivetegeki lwa aliiza. Agiligali muvooleraa, Mwami oyo aliviika vulahi, na alavikaliza ku viukulia komesa nukuvatumikira.

Luka 6:46

“Kigira ki munyi mulangaa inzi, ‘Mwami, Mwami,’ navuzwa simukola agamuvoolera mba?

Luka 9:23

Yavolera avandu vosi, “Niiva mundu woosi yenya kononda, gamudukira yigaye, kandi avuguli musalaba gwigwe yanonde kazozo.

Yohana 10:27

Amagondi gange gahulira mwoyo gwange; inzi ngamanyi, nago ganondaa.

Yohana 13:16

Muvooleraa agiligali, mutugwa siaveeye munene ligali kuvita mwami uwamutuga mba. Anoho mutumwa siaveeye munene kuvita uwamutuma.

Yohana 14:15

“Ni muva ni munyanza, mulagumira amalago gange.

Yohana 14:3

Kandi lwa mba ninzia kumulombera ovogono, ndirana kandi. Ndamuvugura inzi mwene, kunangwa aha inzi mbeeye munyi kandi muve ho.

Yohana 15:20

Mwizurizi likuva lia ndamuvolera: ‘Mutumwa siaveeye munene ligali kuvita mwami weve mba.’ Niiva vadambiza inzi, valadambiza munyi kandi; niiva vahulira likuva liange, valahulira lienyu kandi.

Yohana 17:24

“Baba! Nyenya, yava avu wamba vave harara nainzi ahambeeye, ku valore uvukumi vwange vwa wamba; ku lwukuva wanyanza imbiri wi kivala kikiri kolombwa.

Yohana 21:22

Yeso yamutivulira, “Niiva inzi nyenya ave mwoyo kuduuka lwa ndirana, gaveeye ki ku ivi? Ivi ononde.”

Varumi 1:1

Inzi Paolo, mutumikiri wa Kristo Yeso, mutumwa watovolwa kandi walangwa na Nyasaye kwilwaza Ivangeri ya makuva malahi kutura ku Nyasaye.

Varumi 14:18

Uyu utumikira Kristo kuli ndio ayaanzwa na Nyasaye, kandi avugilirwa na vandu.

2 Vakorintho 4:5

Kunyi sikwilwazaa makuva giitu vene mba, navuzwa kwilwazaa Yeso Kristo oveeye Mwami, na kunyi aveene koveeye avatumikiri vinyu kulwa Yeso.

2 Vakorintho 5:8

Koveeye ne kelemamwoyo kandi kwakayaanzi kutura mu muviri yigu ma kuzie komenya harara nu Mwami Yeso.

Vagalatia 1:10

Muganaganaa ngerizaa koteeva vandu anoho Nyasaye kovora ndi agambooraa sigaveeye malungi? Anoho ngerizaa kuyaanziza avandu? Niiva ndakagerizi kuyaanziza avandu, si ndakaveeye mutumikiri wa Kristo mba.

Vafilipi 1:23

Mbeeye hagati hi zimbega ziviri. Nyenya koleka livamwoyo yili kuzia komenya harara na Kristo, kigira yiki keveeye kindu kilahi ligali.

Vakolosai 3:24

Mwizurizi ndi Nyasaye alakamuhe madanyi gayaviikila vandu veve, kigira Kristo niyie Mwami wiligali wamutumikiraa.

Vakolosai 4:12

Epafura, oveeye mulala ku munyi, mutumwa wa Kristo Yeso, amuchelizi. Madiku goosi, amwizulizaa mu lisaala lilie, munyi muduuki kuva avadukiru kandi avekelema mwoyo ligali mu vulaliri vwosi vwa Nyasaye.

2 Petro 1:1

Inzi Simoni Petero, umutumikiri kandi umutumwa wa Yeso Kristo; Ng'oderaa vandu vosi kuvitira mu vulungi vwa Nyasaye wiitu, kandi Muhonyi wiitu Yeso Kristo avamali konyoora lisuuvira lilala liere liu vulahi kuli lietu.

1 Yohana 5:3

Uvuyanzi vwitu ku Nyasaye voveeye kovora ukuhulira amalago geege. Kandi amalago geege sigaveeye amadinyu ku kunyi mba.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.

1 Samweli 2:30

Inzi Yahova Nyasaye wa Isiraeli, ndasuuviriza ku maziambiri ndi avinyumba yooyo na vikiliango chicho valatumikira inzi kuli avasaalisi zing'inga ziosi. Navuzwa kalunu mboraa ndi sindava nago kuli ndio kandi mba! Muvogono yivwo, ndahaana uluyali ku yavo avambeezaa uluyali. Ndachaya yavo avanjayaa.