Yohana 12:25 - KITABU KITAKATIFU

²⁵ Uyanzaa livamwoyo lilie alaligotiza, na udunyiraa livamwoyo lilie mu kivala yiki alava ni livamwoyo litahera mba.

Yohana 12:25 Iomraidhean Croise

Kohelethu 2:17

Kunangwa ndaduunyira livamwoyo, kigira kindu choosi chandaakola mu kivala, chandetera vovereri. Vindu viosi viveeye vuzwa. Goosi gaveeye vuzwa kuli kudidikana nokolonda imbuza.

Matayo 10:39

Uyu ogerizaa konyoora uvukala vwi livamwoyo lilie vugira Kristo, alaligotiza; navuzwa uyu ogotizaa livamwoyo lilie kigira inzi, alalinyoola.

Matayo 16:25

Ku vosi umundu uwenyaa kohonyia livamwoyo lilie, alaligotiza. Navuzwa ku vosi mundu ogotiza livamwoyo lilie kigira inzi, alalinyoola.

Matayo 19:29

Navuzwa, ku yavo vosi avaleka zinyumba ziavo anoho avamwavo vaavo, anoho avavozo, anoho ava baba anoho avamama vaavo, avana, anoho milimi jaavo kigira inzi, valanyora ivindu haali mia, kandi valanyora imiandu je livamwoyo litahera mba.

Marko 8:35

Kigira umundu wenyaa kohonyia livamwoyo lilie umwene alaligotiza, navuzwa umundu ogotizaa livamwoyo lilie kigira inzi, kandi kigira Ivangeri, alalihonyia.

Luka 14:26

“Mundu ku woosi naava niyazaa ku inzi, sianyala kuva mulondi wange na atanyaanza kuvita kuli ayaanza baba na mama weve, mukali weve, avana, amwavo na vavoozo veve mba.

Luka 17:33

Ku vosi ogeriza kohonyia livamwoyo lilie, alaligotiza; ku vosi ogotiza livamwoyo lilie alalihonyia.

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vikolwa 21:13

Navuzwa yativura, “Mukoraa kindiki munyi? Lwa muliraandi kusalirizaa mwoyo gwange? Mwenya kusaliriza mwoyo gwange ni lilira? Inzi sinzetegeki kovofwa kwenyine mu Jerusalemi mba, navuzwa kali kwitwa kigira Mwami Yeso.”

Vahebraina 11:35

Kuvitira mu lisuuvira avakali vavugura aviiko vaavo vakuzu nivasimugukiziwi. Avandi vasuuraa kuvugilira vovoholore, vakuzira mu lidambizwa kunangwa vaduuki konyoora lisimugukizwa mu livamwoyo lilahi ligali.

Likunula 12:11

Avaamitu vamali kuguuta Setani kuvitira mu amasahi gu Mwana wi Ligondi, kandi ni likuva lie ligali lie Ivangeri yaavalandiza, kandi vavugilira kuhaana livamwoyo liavo kukuza kigira lisuuvira liavo mu Yeso Kristo.