Yohana 12:1 - KITABU KITAKATIFU

¹ Madiku sita lilia lie Lipasaka ni likiri kuduuka, Yeso yazia Bezani wa Lazaro yamenya, uwa Yeso yaali nasimugukizi kutura mu vakuzu.

Yohana 12:1 Iomraidhean Croise

Matayo 21:17

Maku Yeso yavaleka natura mu lidaala zana nazia Bezani, uwayagona.

Marko 11:11

Yeso yingira mu lidaala lia Jerusalemi, nazia kali mu Litembeli, nahenza ku vindu viosi. Navuzwa kigira isi yaali ni yakamwama, yazia Bezani harara na avaari aviigi likomi na vaviri.

Luka 24:50

Maku yaavimilira kutura ichova wi lidaala linene kuduuka Bezani, yaginga makono geege yigulu navagasiza.

Luka 7:37

Lwu mukali mulala, uwamenyaa mu liiva liu vwoni mu lidaala yilio, yahulira ndi Yeso alizaa munyumba yu Mufarisayo, yaleeta ijuba ya maguta guvuguli agafunyaa umwayu.

Yohana 11:1

Mundu mulala walangwa Lazaro, uwamenyaa mu lidaala lia Bezani, yaali mulwaye. Bezani nilio liali lidaala lia Maria na mwavo weve Marita vamenyaa mu.

Yohana 11:43

Lwa yamala kusaala munzira yiyi, Yeso yahanzuka nu mwoyo munene, “Lazaro! Tula ichova!”

Yohana 11:44

Naye uwaali na kuzi yatura ichova, navoheywi ni zinguvu zie kilindwa virenge na amakono, nu mumoni mwimwe nimufumiywi. Yeso yavavolera, “Mutulizi zinguvu zie kilindwa zivoheywe kuye, mu muleke azie.”

Yohana 11:55

Lisavo lia Avayuda lie Lipasaka liali ahimbi, na avandu vanyingi vazia Jerusalemi vaduuki kwitakasa aveene imbiri wi lisavo likikiri kuduuka.

Yohana 12:12

Lidiku lialonda ku, kiduma kenene cha avandu avaari nivaazi mu lisavo lie lipasaka, vahulira ndi Yeso yaazaa Jerusalemi.

Yohana 12:20

Avaguriki valala avaari harara na avandu vazia Jerusalemi kusigamira Nyasaye mu ing'inga yilisavo yili.

Yohana 12:9

Lwa avayuda avanyingi vahulira ndi Yeso aveeye Bezani, vazia yo, sigali kigira Yeso vuzwa, navuzwa kandi vaduuki kolola Lazaro wa Yeso yasimugukiza kutura muvakuzu.